EZEKELA 42:13 - Jinghpaw Common Language Bible 2009

¹³ Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

Jinghpaw Hanson Version Bible

¹³ Shaloi shi gaw, “Man ai shara de yawng ai, dingdung hte dingda gawk ni gaw, chyoi pra ai gawk rai nga nna, Yehowa man e daw jau ai hkinjawng ni gaw, chyoi pra ai shahpa hpe, dai gawk ni hta sha na mara ai: dai yang e chyoi pra htum ai arai ni hpe mung, shadung hkungga, mara raw hkungga hte htingrai htingrat hkungga hpe mung, shanhte tawn da na mara ai: dai shara gaw chyoi pra ai shara rai nga ai.

EZEKELA 42:13 ပူးပေါင်းရင်းမြစ်များ

NEHEMIA 13:5

Shi gaw Tobia hpe Nawku Htingnu hta lang ai nsi naisi hkungga, manam pyaw ai baw hte arung arai hpe mung, hkinjawng ni a matu hkungga ni hpe mung, Lewi masha ni, Nawku Htingnu na mahkawn mangoi chye ai ni hte Nawku Htingnu sin ai ni hpe jaw ya ai htam shi hta na htam mi re ai nai mam nsi naisi, sabyi ntsin hte tsanlun sau re ai ni hpe tawn da na matu shatawng shada da ai gawk kaba langai mi lang na ahkang jaw ya wu ai.

PRU MAT 29:31

“Arun hte shi a shadang sha ni aya dang la ai shaloi lang ai sagu la a ashan la nhtawm chyoi pra ai shara hta dai hpe shadu na rai ndai.

EZEKELA 40:38

Shinggan wang, dingdung maga na kata chyinghka lam hte matut nna gap jat da ai nta langai mi nga nga ai. Dai gaw wang kata de man yawng nga ai shawng du ai gawk maga de hpaw da nga ai; dai shara hta hkum ting wan nat hkungga nat nawng na matu si ai dusat hkum ni hpe kashin ma ai.

EZEKELA 40:46

dingdung de man yawng ai gawk gaw tawn hkungri e daw jau ai hkinjawng ni a matu rai nga ai, nga nna ngai hpe tsun ai. Dai hkinjawng ni yawng mung Zadok a matu mara ni rai nhtawm, dai Madu a man e shang nna shi hpe daw jau na matu ahkang lu ai Lewi amyu hta na masha ni rai ma ai.

EZEKELA 41:12

Nawku Htingnu a sinna maga de na man ai shara a jahtum na shara hta, galu de pe 150, nda de pe 116; re ai nta langai nga nga ai; de a shakum ni gaw grup grup de pe 9 htat nga ai.

EZEKELA 42:1

Dai hpang, dai masha wa gaw ngai hpe shinggan wang kata de woi wa nna Nawku Htingnu a dingdung maga de nga ai nta de mung, grai wa n tsan ai Nawku Htingnu a sinna jahtum na nta de mung woi sa wa wu ai.

JAW JAU 10:17

shi gaw, “Hpa majaw chyoi pra ai shara hta htingrai hkungga hpe nan sha myit ni? Dai gaw grai chyoi pra ai rai nna shawa hpung ting a yubak mara la kau ya na matu nanhte hpe dai Madu jaw da manit dai.

JAW JAU 10:3

Dai hpang Mawshe gaw Arun hpe, “Da ndai gaw, ‘Ngai hpe daw jau ai ni yawng nye a chyoi pra ai ban hpe hkungga lu na rai nna, nye a amyu masha ni hpe nye a hpung shingkang madun dan na we ai,’ nga nna dai Madu tsun ai gaw ndai zawn re ai lam hpe shi tsun ai re,’” ngu nna tsun wu ai. Rai ti mung Arun mahtang atsin sha nga nga wu ai.

JAW JAU 14:13

Shi gaw htingrai hkungga hte wan nat hkungga nawng ya na matu yam nga sat ai dai chyoi pra ai shara hta sagu la sat na rai wu ai. Hkinjawng wa gaw htingrai hkungga la lu ai zawn mara raw hkungga a majaw ndai amu hpe shi galaw lu na rai wu ai, dai gaw grai chyoi pra nga ai.

JAW JAU 2:10

Ngam ai gaw hkinjawng ni a matu rai nna, dai gaw dai Madu hpe lusha nawng ya ai hta na shaw la nga ai majaw grai chyoi pra nga ai.

JAW JAU 2:3

Ngam ai shadung hkungga gaw hkinjawng ni a matu rai nna dai Madu hpe lusha hkungga nawng ya ai hta na shaw la ai majaw dai gaw grai chyoi pra nga ai.

JAW JAU 21:22

Dai zawn re ai wa gaw ngai hpe nawng ya ai dai chyoi pra ai hkungga hte chyoi pra htum ai lusha hkungga yan hpe sha mai nga ai.

JAW JAU 24:9

Dai gaw hkinjawng ni a matu dai Madu hpe nawng ya ai chyoi pra htum ai lusha rai nga ai majaw Arun hte shi a lakung lama ni la lu nna chyoi pra ai shara hta sha lu na rai ma ai.

JAW JAU 6:19

Dai Madu gaw Arun hte shi a shadang sha ni hkinjawng aya hkam la na matu hkan sa na tara ni Mawshe hpe jaw ya wu ai.

JAW JAU 6:29

Hkinjawng dinghku masha ni hta na lasha ni kadai mung dai hkungga sha mai nga ai; dai gaw chyoi pra htum nga ai.

JAW JAU 7:1

Ndai gaw mara raw hkungga a matu hkan sa na tara ni rai nna dai gaw grai chyoi pra nga ai.

JAW JAU 7:6

Hkinjawng dinghku ni hta na lasha ni kadai mung dai hpe sha mai nga ai; rai ti mung dai gaw grai chyoi pra nga ai majaw chyoi pra ai shara hta dai hpe sha na rai nga ai.

BU HKAWM 16:40

Dai Madu hpe manam pyaw ai baw nat nawng na nga, Arun a amyu matu n re ai Israela masha langai mi mung tawn hkungri nga ai de n sit sa lu na matu sadi jaw ai lam rai nga ai. Shing n rai yang, dai wa gaw Kora hte shi a masha ni hpe zawn shamyit kau ai hkrum na rai wu ai. Ndai lam yawng gaw Mawshe hku nna Eleaza galaw na matu dai Madu hkang da ai lam rai nga ai.

BU HKAWM 16:5

Dai hpang shi gaw Kora hte shi a manang ni hpe, “Shi hte kadai seng nga ai lam mung, hpawt de dai Madu anhte hpe madun dan na ra ai; shi hte seng ai wa hpe shi lata la nhtawm tawn hkungri nga ai de shani la na ra ai.

BU HKAWM 18:7

Rai ti mung, nang hte na a shadang sha ni chyu sha Chyoi Pra Htum ai Shara hte tawn hkungri hta jaw jau ra ai hkinjawng amu yawng galaw shatup na rai myit dai. Nanhte galaw na hkinjawng amu hpe kumhpa zawn ap ya ma sade ai majaw ndai amu ni gaw na a lit rai nga ai. Dai rai nna chyoi pra ai arai nga ai de sit sa ai ra rawng ai masha kadai mung sat kau ai hkrum na rai wu ai,” ngu nna tsun wu ai.

TARA JAHPRANG 21:5

Dai Madu nanhte a Karai Kasang gaw shi hpe daw jau na hte shi a mying ningsang hta shaman ya na matu, Lewi hkinjawng ni hpe lata la nu ai rai nna kashun kashe du daw sai hkaw pru wa ai amu shagu hpe daw dan hparan ya ra nga ai majaw dai shara de shanhte sa na rai ma ai.