EZEKELA 42:1 - Jinghpaw Common Language Bible 2009

¹ Dai hpang, dai masha wa gaw ngai hpe shinggan wang kata de woi wa nna Nawku Htingnu a dingdung maga de nga ai nta de mung, grai wa n tsan ai Nawku Htingnu a sinna jahtum na nta de mung woi sa wa wu ai.

Jinghpaw Hanson Version Bible

¹ Dai hpang shi gaw, dingdung lam hku shinggan wang de ngai hpe woi jashawn nna, nta dingdung maga, man ai shara ndaw e, nga ai gawk nhku de, ngai hpe woi wa nngai.

EZEKELA 42:1 ပူးပေါင်းရင်းမြစ်များ

EZEKELA 40:14

Jahtum htum ai gawk gaw kata wang hte matut nga ai. Dai gawk hpe shi shadawn nna, dai gaw pe 34 dam nga ai hpe mu lu nga ai.

EZEKELA 40:17

Dai masha wa gaw ngai hpe chyinghka lam hku nna shinggan wang kata de woi jashawn la nga ai. Dai yang e, shinggan shakum hte man hkrum rai gap da ai gawk sumshi nga nga ai;

EZEKELA 40:20

Dai hpang, dai masha wa gaw shinggan wang kata de hkrang ai dingdung maga de na chyinghka lam hpe shadawn wu ai.

EZEKELA 40:24

Dai hpang, dai masha wa gaw dingda maga de ngai hpe woi wa ai hte dai shara hta kaga chyinghka lam langai mi hpe mu ga ai. Dai maga na kata shakum ni hte shawng du ai gawk ni hpe shi shadawn wu yang, dai ni mung kaga chyinghka lam ni hte maren rai nga ai.

EZEKELA 40:28

Dai masha wa gaw dingda chyinghka lam hku nna kata wang kata de ngai hpe woi sa wa wu ai. Shi gaw dai chyinghka lam hpe shadawn yu yang, dai gaw shinggan wang shakum gumba na chyinghka lam ni hte maren kaba nga ai.

EZEKELA 41:1

Dai hpang, masha wa gaw Chyoi Pra ai Shara ngu ai ka-ang na gawk nu de ngai hpe woi sa wu ai. Shi gaw dai de hkrang ai makau lam hpe shadawn wu yang, dai gaw pe 10 sung nga ai,

EZEKELA 42:13

Dai masha wa gaw ngai hpe, “Ndai nta lahkawng gaw chyoi pra nga ai. Madu a man de sit sa ai hkinjawng ni gaw chyoi pra htum ai hkungga lusha hpe dai shara ni hta sha ma ai. Dai gawk ni chyoi pra nga ai majaw, hkinjawng ni dai shara ni hta chyoi pra htum ai hkungga ni, shadung hkungga ni, mara raw shagu hkungga ni hte htingrai htingrat hkungga ni hpe tawn da na mara ai.

EZEKELA 42:4

Ndai nta a dingdung maga de pe 16 gang nna pe 168 galu ai lapran lam nga ai hte chyinghka lam ni mung dai maga de man yawng nga ai.

SHINGRAN 11:2

Rai ti mung, dai htingnu a shinggan wang hpe gaw hkum shadawn et, hpa majaw nga yang, dai gaw maigan masha ni hpe ap ya kau ngut sai rai nna, shanhte gaw dai Chyoi Pra Ai Mare hpe shata mali shi lahkawng tup kabye dip da na mara ai.