EZEKELA 41:4 - Jinghpaw Common Language Bible 2009

⁴ Shi gaw dai gawk hpe nan shadawn nga ai, dai gaw kade nde man grup grup pe 34 rai nga ai. Dai gawk gaw ka-ang gawk nu a shingdu e rai nga ai. Shi gaw ngai hpe, “Ndai gaw Chyoi Pra Htum ai Shara rai nga ai,” ngu nna tsun wu ai.

Jinghpaw Hanson Version Bible

⁴ Bai shi gaw nawku Htingnu hte matut ai gawk hpe shadawn nna, de a galu de dawng hkun, nda de dawng hkun rai nga ai: shaloi dai wa gaw, “Ndai gaw chyoi pra htum ai shara rai nga ai,” nga nna ngai hpe tsun ai.

EZEKELA 41:4 ပူးပေါင်းရင်းမြစ်များ

1 HKAWHKAM 6:16

Kata gawk ngu na Chyoi Pra Htum Ai Shara hpe Nawku Htingnu a nbang maga de gap da nga ai. Dai mung pe 30 galu nga ai, dun kaw nna magaw madin du hkra arit hpunpyen ni hte kum da nga ai.

1 HKAWHKAM 6:20

Dai kata gawk gaw galu de, dam de, tsaw de pe 30 hkrai rai nna dai gawk hpe ja jet hte sup da nga ai. Arit hpunpyen ni hte galaw ai tawn hkungri hpe mung sup da nga ai.

1 HKAWHKAM 6:5

Nawku Htingnu a makau grup grup hte shingdu maga gaw shinggan shakum ni hte man hkrum rai nga nna htap masum di nna gap matut da nga ai; htap shagu pe 7 chyen tsaw nga ai.

1 HKAWHKAM 7:50

gawm ni, wan lakap ni, hka wan ni, manam pyaw ai baw bang na ban ni, chyi nga ai wan n-ga hpai yang lang na wan ban pa ni, Chyoi Pra Htum Ai Shara a chyinghka hkanoi ni, Nawku Htingnu a shinggan chyinghka na hkanoi ni yawng hpe ja hte chya shatsawm da nga ai. Ndai shatsawm da ai arung arai ni yawng hpe ja hte galaw da nga ai.

1 HKAWHKAM 8:6

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.

2 HKAWHKAM LABAU 3:8

Kata gawk ngu na Chyoi Pra Htum ai Shara gaw de a galu de Nawku Htingnu a nda pe 30 hte maren rai nna de a nda de pe 30 rai nga ai. Dai Chyoi Pra Htum ai Shara a shakum ni hpe ja tan 25 hte sup da nga ai;

2 HKAWHKAM LABAU 5:7

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum ai Shara na singkaw tu ai hkrung kanu yan a npu e dai hpe tawn da ma ai.

EZEKELA 41:23

Chyoi Pra ai Shara de sa wa ai lapran lam a jahtum shara e chyinghka langai, Chyoi Pra Htum ai Shara de sa wa ai lapran lam a jahtum shara e chyinghka langai nga nga ai.

SHINGRAN 21:16

Dai mare gaw jut mali rai nga nna, de a dingdung maga hte dingda maga maren sha rai nga ai. Lamu kasa gaw shadawn ningren hte dai mare hpe shadawn wu yang, dam de, galu de, tsaw de mai hkying mi manga tsa rai nga ai.