EZEKELA 41:22 - Jinghpaw Common Language Bible 2009

²² arai langai mi nga nga ai. Dai gaw tsaw de pe 5 rai nna, nda maga de pe 4 rai nga ai; de a jut ni, madang hte shakum ni yawng hpun rai nga ai. Dai masha wa gaw ngai hpe, “Ndai gaw dai Madu a man e tawn da ai ku rai nga ai,” ngu nna tsun wu ai.

Jinghpaw Hanson Version Bible

²² Tawn hkungri gaw hpunpyen rai nga nna, de a tsaw de dawng masum, galu de dawng lahkawng rai nga ai; de a jut ni, madang hte shakum ni hpun rai nga ai: shing rai shi gaw, “Da ndai gaw Yehowa man e tawn da ai ku rai nga ai,” nga nna ngai hpe tsun ai.

EZEKELA 41:22 ပူးပေါင်းရင်းမြစ်များ

1 HKAWHKAM 6:20

Dai kata gawk gaw galu de, dam de, tsaw de pe 30 hkrai rai nna dai gawk hpe ja jet hte sup da nga ai. Arit hpunpyen ni hte galaw ai tawn hkungri hpe mung sup da nga ai.

1 HKAWHKAM 6:22

Nawku Htingnu a kata lam mahkra hte hpe mung, Chyoi Pra Htum Ai Shara hta tawn da ai hkungri hpe mung ja hte sup da nga ai.

1 HKAWHKAM 7:48

Shawlumon gaw Nawku Htingnu kata e nga ai arai yawng ngu na hkungri, Karai Kasang hpe sak nawng ya ai muk tawn na matu ku,

2 HKAWHKAM LABAU 4:19

Hkawhkam Shawlumon gaw Nawku Htingnu a matu ja hte chya shatsawm da wu ai; dai ni gaw tawn hkungri, Karai Kasang hpe nawng ya ai muk mara tawn na ku ni,

PRU MAT 25:23

“Shaji hpun hte galaw ai ku langai galaw na rai nga ai; dai gaw galu de yungnu 36, nda de yungnu 18, hte tsaw de yungnu 27 rai na rai nga ai.

PRU MAT 30:8

Shi gaw shana de pyengdin shatu ai shaloi, jahpawt e galaw ai hte maren galaw na rai wu ai. Ndai manam pyaw ai baw nat nawng ai amu hpe prat dingsa a galaw nga na rai myit dai.

GA SHAGAWP 9:2

Shi gaw yam nga ni hpe sat nna, sabyi ntsin hta mu hawm ai ntsin kayau nhtawm, lusha poi sha ku hpe hkyen lajang tawn nu ai.

Shawlumon A Mahkawn Ga 1:12

Nye a hkawhkam wa gaw shi a yup ku hta kaleng taw nga ai, nye a manam pyaw ai bat gaw nbung hta manam mawng nga ai.

EZEKELA 23:41

Shan gaw tsawm ai ku ntsa hta dung nna, de a man e, ngai shan a matu lajang da ya sai sha ku hta kaja ai arung arai ni hpe mara da ma ai; dai hta manam pyaw ai baw hte tsanlun sau mung lawm nga ai.

EZEKELA 44:16

Shanhte chyu sha nye a Nawku Htingnu de shang nna, nye a tawn hkungri hta daw jau lu nhtawm Htingnu a nawku ai amu woi awn na mara ai.

JAW JAU 24:6

Dai hpe dai Madu a man na ja jet hte galaw da ai ku ntsa e kawng lahkawng hkawng da nhtawm kawng mi hta muk tawng kru kru kahtap kawng da na rai wu ai.

MALAHKI 1:12

Rai ti mung, nanhte mahtang nye a tawn hkungri gaw hpa manu n dan ai nga nna nanhte tsun ai hte nanhte n sawn n sang di ai lusha hpe de a ntsa e nawng ya let ngai hpe kaya jahkrum myit dai.

MALAHKI 1:7

Dai gaw nye a tawn hkungri ntsa hta manu n dan ai lusha hkungga nawng ya ai hku rai myit dai. Nanhte gaw, ‘Anhte nang hpe hkungga na kaning rai hprai kau saga ta?,’ nga nna san myit dai. Nye a tawn hkungri hpe n sawn n sang di ai hpe madun ai hku ngai nanhte hpe tsun dan na made ai.

1 KORINHTU 10:21

Nanhte gaw dai Madu a gawm kaw na lu nhtawm, nat ni a gawm kaw na mung bai lu lu na myit dai n rai, dai Madu a sha ku hta na sha nhtawm, nat ni a sha ku hta na mung bai sha lu na myit dai n rai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

SHINGRAN 8:3

Bai manam pyaw ai baw nat ai ja n-gawt lang ai lamu kasa kaga gaw, tawn hkungri makau e sa tsap nga ai. Dai tingnyang man e nga ai aja hkungri ntsa e, Karai Kasang a masha ni yawng hte a akyu hpyi ai ga hte rau nawng jau u ga nga, manam pyaw ai baw law law dai wa hpe ya wu ai.