EZEKELA 41:18 - Jinghpaw Common Language Bible 2009

¹⁸ Namhtan hpun ni hte hkrung kanu sumla ni hpe gawk grup yin ting hta gahti galai tawk ka da nga ai. Hkrung kanu shagu hta myi man lahkawng hkawng tu nga ai.

Jinghpaw Hanson Version Bible

¹⁸ Dai gaw hkerubim hte namhtan hpun sumla tawk ka nga ai. Hkerub lahkawng a lapran e, namhtan hpun langai ngai tu nga ai; hkerub langai mi gaw myi man lahkawng hkawng tu nga ai;

EZEKELA 41:18 ပူးပေါင်းရင်းမြစ်များ

1 HKAWHKAM 6:35

singkaw tu ai hkrung kanu sumla, namhtan hpun sumla ni hte nampan sumla ni hpe tawk ka da nna dai ni hpe ja hte ara sha chya shakap da nga ai.

1 HKAWHKAM 7:29

hkanghkyi, usu hte singkaw tu ai hkrung kanu sumla ni hpe ka da nga ai. Hkawp da ai hpunpyen kaji ni a lawu lahta mahkra hta hkanghkyi hte usu sumla ni hpe mung ka da nga ai; manai ai shanghkawng sumla ni hpe tawk shakap da nga ai.

1 HKAWHKAM 7:36

Dai lagaw ni hte hpunpyen pa ni hta singkaw tu ai hkrung kanu ni, hkanghkyi ni hte namhtan hpun sumla ni hpe shang ai daram mawn sumli da nga ai; dai hta manai ai shanghkawng sumla ni hte grup hkra ka da nga ai.

2 HKAWHKAM LABAU 3:5

Gawk kaba a kata maga de arit hpunpyen ni hte kum nna ja jet hte sup nhtawm dai ni hta namhtan hpun sumla ni hte saidawng sumla hkrang tawk ka da nga ai.

2 HKAWHKAM LABAU 3:7

Nawku Htingnu shakum ni hpe mung, ngau hte chyinghka hkinbawng ni hpe mung, chyinghka ni hpe mung ja hte sup da nga wu ai. Shakum ni hta singkaw tu ai hkrung kanu ni a hkrang sumla hpe tawk ka wu ai.

EZEKELA 1:10

Dai hkrung nga ai dusat shagu hta kaga ga re ai myi man amyu mali rawng nga ai. Dai ni gaw man maga de masha a myi man, hkra maga de hkanghkyi myi man, pai maga de usu myi man hte shingdu maga de galang myi man ni rai ma ai.

EZEKELA 10:14

Dai hkrung kanu shagu hta myi man mali li tu nga ai. Shawng na gaw usu myi man, lahkawng ngu na gaw masha myi man, masum ngu na gaw hkanghkyi myi man hte mali ngu na gaw galang myi man ni rai nga ai.

EZEKELA 10:21

Shanhte langai hte langai gaw myi man mali li, singkaw mali li hte singkaw shagu a npu hta masha a lata zawn re ai mung tu nga ai.

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:22

Shawng du ai gawk, hkuwawt ni hte tawk ka da ai namhtan hpun sumla ni gaw sinpraw chyinghka hkrang kasi hte maren bung nga ai. Lakang n-gam sanit gaw chyinghka de di rai nna, shawng du ai gawk mung wang kata de myi man yawng nga ai.

EZEKELA 41:17

Nawku Htingnu a kata na chyinghka ntsa du hkra tsaw ai shakum ni hta namhtan hpun ni hte singkaw tu ai hkrung kanu sumla ni hpe apa pat tawk ka da nga ai.

EZEKELA 41:20

dun kaw nna chyinghka ntsa du hkra dai hku rai nga ai.

EZEKELA 41:25

Shakum ni hta tawk ka da ai zawn dai Chyoi Pra ai Shara hta nga ai chyinghka ni hta mung namhtan hpun hte singkaw tu ai hkrung kanu ni hpe tawk ka da nga ai. Shang wa chyinghka gawk a shinggan chyinghka lam ni hta mung hpun hte magap da nga ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.