EZEKELA 41:16 - Jinghpaw Common Language Bible 2009

¹⁶ ni yawng hta dun kaw nna hkuwawt chyinghka ni du hkra hpunpyen hte dawk shakap da nga ai. Ndai hkuwawt ni hpe magap da lu nga ai.

Jinghpaw Hanson Version Bible

¹⁶ chyinghka hkinbawng ni hte la da na matu hkuwawt chyinghka ni, chyinghka hkinbawng a tawtap e ang nna, grup yin e nga ai shakum gawk a htap masum hpe shadawn yu ai: dai gaw ga kaw nna hkuwawt chyinghka du hkra hpunpyen hte magap nga ai; hkuwawt chyinghka ni mung magap nga ai;

EZEKELA 41:16 ပူးပေါင်းရင်းမြစ်များ

1 HKAWHKAM 6:15

Shakum kata maga de dun kaw nna magaw madin du hkra arit hpunpyen ni hte magap da nga ai; dun hpe chyawm gaw marau hpunpyen hte galaw da nga ai.

1 HKAWHKAM 6:4

Nawku Htingnu shakum ni hta hkuwawt hku ni rawng nga ai; dai ni hta shinggan maga gaw kata maga na hta grau gyip nga ai.

2 HKAWHKAM LABAU 3:5

Gawk kaba a kata maga de arit hpunpyen ni hte kum nna ja jet hte sup nhtawm dai ni hta namhtan hpun sumla ni hte saidawng sumla hkrang tawk ka da nga ai.

ESAIA 6:4

Shanhte a jahtau ai nsen gaw Nawku Htingnu a npawt nhpang hpe ashun awam shangun nga ai, dai Nawku Htingnu nan wan hkut hte hpring nga ai.

EZEKELA 10:18

Dai hpang, dai Madu a htoi tu ai hpung shingkang gaw Nawku Htingnu chyinghka lam kaw nna pru mat wa nhtawm hkrung kanu ni a ntsa e sit sa wa nga ai.

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:25

Ndai chyinghka lam a gawk hkuwawt ni mung kaga ni hte maren rai nna yawng hpawn galu de pe 84, nda de pe 42 rai nga ai.

EZEKELA 40:6

Dai hpang, sinpraw maga de myi man yawng ai chyinghka de shi sa du nga ai. Shi gaw ntsa de lahkam lung wa nhtawm ntsa htap na shang wa chyinghka lam hpe shadawn nga ai; dai gaw pe 10 sung nga ai.

EZEKELA 41:15

Shi gaw sinna maga ngu na nta nbang hte de a lahkawng maga na madun gawk ni shadawn yang, dai gaw pe 168 rai nga ai. Nawku Htingnu a shawng du ai gawk, Chyoi Pra ai Shara hte Chyoi Pra Htum ai Shara

EZEKELA 41:17

Nawku Htingnu a kata na chyinghka ntsa du hkra tsaw ai shakum ni hta namhtan hpun ni hte singkaw tu ai hkrung kanu sumla ni hpe apa pat tawk ka da nga ai.

EZEKELA 42:3

Maga mi hta Nawku Htingnu dingyang man yawng nna nda de pe 34 gang ai shara rai nga ai; kaga maga mi gaw shinggan wang lung nep maga de man yawng nga ai. Dai nta hpe htap masum hku gap nna, ntsa htap gaw lawu na hta loi kaji ai hku gap da nga ai.

HAGI 1:4

“Nye a amyu masha ni e, nanhte gaw nye a Nawku Htingnu hten run taw nga ai aten hta kaja ai dum nta ni hta hpa majaw rawng nga myit ni?

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.