EZEKELA 40:5 - Jinghpaw Common Language Bible 2009

⁵ Ngai mu mada ai gaw Nawku Htingnu rai nga ai, de a grup yin hta bunghku langai nga nga ai. Shaloi masha langai mi gaw pe 10 galu ai shadawn ningren la nna bunghku shadawn nga ai. Dai bunghku gaw tsaw de pe 10 rai nna htat ai maga de pe 10 rai nga ai.

Jinghpaw Hanson Version Bible

⁵ Ya, yu u, nta grup yin e bunghku nga nga ai; dai wa a lata hta dawng kru galu ai mai-aw nren lang nga ai; (dai dawng mi gaw lahkam masum hpe ngu ai rai nga ai;) shaloi shi gaw bunghku hpe shadawn nna, de a htat de nren mi, tsaw de nren mi rai nga ai.

EZEKELA 40:5 ပူးပေါင်းရင်းမြစ်များ

SHAKAWN KUNGDAWN 125:2

Bum ni gaw Yerusalem mare hpe grup rai gawan da nga ai hte maren, dai Madu mung, shi a amyu masha ni hpe ya kaw nna prat dingsa grup rai gawan da nga ai.

ESAIA 26:1

Amyu masha ni Yuda mung hta ndai mahkawn mangoi ga hpe mahkawn shakawn ai nhtoi du wa nga ai: Anhte a mare gaw ngang kang nga a hka! Karai Kasang shi nan de a bunghku ni hpe makawp maga da nga ai!

ESAIA 60:18

Kashun kashe du daw sai hkaw ai nsen hpe galoi mung na lu sana n rai; Jahten shaza ai amu gaw na a mungdan hpe bai ga gamang kau na ra ai n rai. Ngai gaw nang hpe bunghku zawn makawp maga nna dahpran shara tai ya na nngai; Ngai gaw nang hpe hkye la ni ai majaw, nang ngai hpe shakawn kungdawn na rai ndai.

EZEKELA 41:8

Ndai gawk ni a shinggan shakum gaw pe 8 htat nna, Nawku Htingnu a dingdung maga hku nna gawk ni de shang wa na chyinghka lam langai mi nga nga ai; dai hte maren dingda maga de mung langai mi nga nga ai. Nawku Htingnu grup yin hta pe 8 dam ai numdawn langai mi nga ai hpe ngai mu nngai. Dai gaw ga kaw nna ntsa de pe 10 tsaw nga ai, dai gaw Nawku Htingnu shakum ni a makau na gawk ni a npawt hte madang maren rai nga ai. Nawku Htingnu numdawn hte hkinjawng ni lang ai nta lapran ni hta man ai shara gaw Nawku Htingnu a grup yin dingyang hkren nda de pe 34 rai nga ai.

EZEKELA 42:15

Dai masha wa gaw Nawku Htingnu kata shadawn ngut ai hpang, sinpraw chyinghka hku ngai hpe woi shapraw mat wa nna Nawku Htingnu a shinggan shara ni hpe shadawn wu ai.

EZEKELA 42:20

Dai rai nna, bunghku du hkra lawm yang, man mali grup grup pe 840 rai nga ai. Dai bunghku gaw chyoi pra ai hte n chyoi n pra ai shara ni hpe garan ginhka na matu kum da nga ai.

EZEKELA 43:13

Ndai ni gaw tawn hkungri a shadawn ai lam rai nga ai; dai lang ai shadawn ningren gaw Nawku Htingnu hpe shadawn ai shaloi lang ai ningren hte maren rai nga ai. Tawn hkungri a npawt grup grup yawng hta yungnu 20 sung nna yungnu 20 gang ai nnang nga nhtawm yungnu 10 tsaw ai shinggan matu hpe dim da nga ai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

TARA JAHPRANG 3:11

(Hkawhkam Oga gaw Rehpim amyu a jahtum ngam nga ai hkawhkam rai nga ai. Shi a da-u gaw nlung hte galaw da wu ai rai nna shadawn shadang hte maren nga yang, galu de pe 14 daram, nda de pe 6 daram rai nga ai. Dai hpe Amon masha ni a mare Raba e dai ni du hkra naw mu lu nga ai.)

SHINGRAN 21:12

Dai mare hta galu kaba nna tsaw la ai bunghku hte chyinghka shi lahkawng hpaw nga ai rai nna, dai chyinghka ni hpe lamu kasa shi lahkawng sin nga ma ai. Dai chyinghka ni a ntsa e, Israela amyu shi lahkawng ni a mying ni hpe ka kap da nga ai.