EZEKELA 40:49 - Jinghpaw Common Language Bible 2009

⁴⁹ Shawng du ai gawk de lung wa ai lakang n-gam ni nga nga ai, dai gaw pe 34 dam nna gang de pe 20 rai nga ai. Shang wa na npan kade nde lahkawng maga hta shadaw langai ngai jung da nga ai.

Jinghpaw Hanson Version Bible

⁴⁹ Npan a galu de dawng hkun, nda de dawng shi langai rai nga ai: lung na matu lakang n-gam shi rai nga ai: npan jut makau gade de shadaw langai ngai jung nga ai.

EZEKELA 40:49 ပူးပေါင်းရင်းမြစ်များ

1 HKAWHKAM 6:3

Dai Htingnu de shang wa ai gawk gaw nem ai maga de pe 15, chyoi pra ai shara gaw pe 30 dam nga ai.

2 HKAWHKAM LABAU 3:17

Dai shadaw yan hpe Nawku Htingnu de shang wa ai chyinghka lam a dingda maga de Yahkin ngu shamying ai shadaw langai, dingdung maga de Bua ngu shamying ai shadaw langai jung tawn da wu ai.

EZEKELA 40:31

De a shawng du ai gawk mung kaga shinggan wang kata de myi man yawng nna lapran lam dingyang na shakum ni hta namhtan hpun sumla ni hpe tawk ka da nga ai. Dai dingda chyinghka de hkrang na matu lakang n-gam matsat mung htawn da ya nga ai.

EZEKELA 40:34

Bai de a shawng du ai gawk mung shinggan wang kata de myi man yawng nna de a lapran lam dingyang na shakum gumba ni hta namhtan hpun sumla ni hpe tawk ka da nga ai. Dai sinpraw chyinghka lam de hkrang na matu lakang n-gam matsat mung htawn da ya nga ai.

EZEKELA 40:37

Bai de a shawng du ai gawk mung shinggan wang kata de myi man yawng nga ai. Bai lapran lam dingyang na shakum gumba ni hta namhtan hpun sumla ni hpe tawk ka da nga ai. Dai chyinghka lam de pru lung wa na matu lakang n-gam matsat mung htawn da ya nga ai.

SHINGRAN 3:12

Awng padang lu ai wa hpe nye a Karai Kasang a nawku htingnu hta dawhpum dawnu langai mi ngai shatai na we ai: shi galoi mung dai kaw na shinggan de pru na n rai. Nye a Karai Kasang a mying nsang hpe mung, nye a Karai Kasang kaw na pru nna, sumsing lamu na yu hkrat wa ai Yerusalem mare ningnan ngu ai, nye a Karai Kasang a mare a mying hpe mung, ngai hkum nan a amying nnan hpe mung, dai wa a ntsa e ngai ka shakap ya na we ai.