EZEKELA 40:45 - Jinghpaw Common Language Bible 2009

⁴⁵ Dai masha wa gaw dingda de man yawng ai gawk gaw Nawku Htingnu e daw jau ai hkinjawng ni a matu rai nga ai,

Jinghpaw Hanson Version Bible

⁴⁵ Shaloi shi gaw, “Dingda de man yawng ai gawk gaw, nta hta daw jau ai hkinjawng ni a matu, rai nga ai;

EZEKELA 40:45 ပူးပေါင်းရင်းမြစ်များ

1 HKAWHKAM LABAU 6:49

Arun hte shi a amyu matu ni gaw tawn hkungri ntsa e manam pyaw ai hkungga ni hpe mung, shagu hkungga ni hpe mung nat nawng ya ma ai. Shanhte gaw Chyoi Pra Htum ai Shara hta nawku ai amu yawng a matu mung, Israela masha ni galaw shut kau ai yubak ni hpe Karai Kasang raw dat kau ya na matu htingrai htingrat ya ai shagu hkungga ni a matu lit lu ma ai. Shanhte gaw dai amu hpe Karai Kasang a shangun ma Mawshe hpe jaw ya sai matsun maroi ga ni hte maren hkan galaw ma ai.

1 HKAWHKAM LABAU 9:23

Shanhte hte shanhte a amyu matu ni gaw Nawku Htingnu a chyinghka lam ni hpe matut sin nga ma ai.

2 HKAWHKAM LABAU 13:11

Shanhte gaw jahpawt shagu, shana de shagu shi hpe manam pyaw ai baw hte yam nga hkungga ni hpe hkum ting nat nawng ma ai. Shanhte gaw htung hte maren san seng ai ku ntsa e muk hkungga ni hpe nawng ya nhtawm, shana de shagu ja pyengdin shadun ntsa e pyengdin ni hpe shatu da nga ma ai. Dai Madu hkang da sai hte maren anhte galaw ga ti mung nanhte mahtang shi hpe kau da nga myit dai.

SHAKAWN KUNGDAWN 134:1

Shi a Nawku Htingnu kata hta, shana e nawku daw jau nga ai shangun ma ni yawng hte e, sa marit, dai Madu hpe shakawn ga.

EZEKELA 40:17

Dai masha wa gaw ngai hpe chyinghka lam hku nna shinggan wang kata de woi jashawn la nga ai. Dai yang e, shinggan shakum hte man hkrum rai gap da ai gawk sumshi nga nga ai;

EZEKELA 40:38

Shinggan wang, dingdung maga na kata chyinghka lam hte matut nna gap jat da ai nta langai mi nga nga ai. Dai gaw wang kata de man yawng nga ai shawng du ai gawk maga de hpaw da nga ai; dai shara hta hkum ting wan nat hkungga nat nawng na matu si ai dusat hkum ni hpe kashin ma ai.

EZEKELA 44:11

Shanhte gaw Nawku Htingnu kata e chyinghka ni sin nna Nawku Htingnu amu galaw ai hku ngai hpe daw jau lu na rai ma ai. Amyu masha ni nawng jau ai wan nat hkungga hte shagu hkungga yam nga ni hpe shanhte sat nna amyu masha ni hpe karum daw jau na shanhte hta lit lu nga ai.

EZEKELA 44:15

Tsaw Htum ai dai Madu gaw, “Kaga Israela amyu masha ni ngai kaw nna kayin mat wa tim, dai hkinjawng amu galaw na matu san da ai Lewi amyu na Zadok a matu mara ni chyawm gaw gara hku mi rai tim, Nawku Htingnu kata e ngai hpe kangka ai hte matut nna daw jau na ma ai. Shanhte gaw ngai hpe daw jau lu nna nye a man e du sa nhtawm, sau man hte shagu hkungga asai ni hte ngai hpe nawng jau na mara ai.

EZEKELA 45:4

Dai gaw mungdan a chyoi pra ai shara tai nna dai Madu a Nawku Htingnu hta daw jau ai hkinjawng ni a matu san da ya na ra ai. Dai shara gaw shanhte a dum nta ni hte Nawku Htingnu a matu lamu ga tai na ra ai.

EZEKELA 8:5

Karai Kasang gaw ngai hpe, “Si chye ai masha wa e, dingdung maga de yu yu u,” ngu nna tsun wu ai. Shaloi ngai gaw dai maga de mada yu ai hte chyinghka lam a shang lam e nga ai tawn hkungri makau hta Karai Kasang hpe nchyi nmu byin shangun ai nsu nnawn hpara sumla langai mi nga nga ai hpe ngai mu nngai.

JAW JAU 8:35

Dai Madu hkang da sai hte maren, Sum a shang wa chyinghka lam e sanit ya, sanit na tup nga nga lu na rai myit dai. Nanhte n galaw myit yang si na rai myit dai. Dai gaw dai Madu ngai hpe hkang da ai lam rai nga ai,” ngu nna tsun wu ai.

BU HKAWM 18:5

Nang hte na a shadang sha ni chyu sha Chyoi Pra ai Shara hte tawn hkungri hte seng ai amu bungli ni galaw gun hpai lu na rai myit dai; shaloi Israela amyu masha ni hpe pawt sindawng ai lam bai pru wa lu na ra ai n rai.

BU HKAWM 3:32

Hkinjawng Arun a shadang sha Eleaza gaw Lewi masha ni a ningbaw rai nga ai. Dai rai nna chyoi pra ai shara hta amu gun hpai ai ni hpe shi woi awn nga wu ai.

BU HKAWM 3:38

Mawshe yan Arun hte shi a shadang sha ni chyawm gaw sinpraw maga dai Sum a man hta but na rai ma ai. Shanhte gaw Israela amyu masha ni a matu chyoi pra ai shara hta amu galaw na lit lu nga ma ai. Shanhte kaw sit sa wa ai ni kadai mung sat kau ai hkrum na rai ma ai.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.