EZEKELA 40:44 - Jinghpaw Common Language Bible 2009

⁴⁴ Dai hpang, ngai hpe kata wang de woi sa wa ai. Dai kata wang hta hpaw nga ai gawk lahkawng nga nga nna, langai mi gaw dingda maga de man yawng nhtawm dingdung maga de man yawng nhtawm dingda chyinghka makau e nga ai.

Jinghpaw Hanson Version Bible

⁴⁴ Ya kata wang na chyinghka shinggan e, mahkawn mangoi ai ni matu, gawk lahkawng rai nga ai: gawk mi gaw dingdung chyinghka makau e nga nna, dingda de man yawng nga ai; gawk mi gaw dingda chyinghka makau e nga nna, dingda de man yawng nga ai.

EZEKELA 40:44 ပူးပေါင်းရင်းမြစ်များ

EZEKELA 40:10

(Dai lapran lam a lahkawng maga na sin langa gawk ni yawng maren kaba nna gawk ni a lapran madin shakum ni yawng mung maren htat nga ai.)

EZEKELA 40:17

Dai masha wa gaw ngai hpe chyinghka lam hku nna shinggan wang kata de woi jashawn la nga ai. Dai yang e, shinggan shakum hte man hkrum rai gap da ai gawk sumshi nga nga ai;

EZEKELA 40:23

Dingdung chyinghka lam kaw nna kata wang hpe dinghkren lai di wa yang, sinpraw maga de na zawn kata wang de di du lu ai kaga chyinghka lam mung nga nga ai. Dai masha wa chyinghka lam lahkawng a gang ai hpe shadawn yang, dai gaw pe 168 galu nga ai.

EZEKELA 40:27

Ndai shara hta mung, kata wang kata de hkrang ai chyinghka lam langai mi nga nga ai. Dai masha wa gaw ndai lahkawng ngu na chyinghka lam du hkra shadawn wu yang, dai gaw pe 168 galaw nga ai.

EZEKELA 40:29

Sin langa gawk ni, shawng du ai gawk hte kata shakum ni yawng mung kaga chyinghka lam ni hte hkrang kasi bung nga ai. Dai chyinghka lam maga de na gawk ni hta hkuwawt ni mung rawng nga ai. Dai ni yawng hpe gumhpawn shadawn yang, galu maga de pe 84 rai nna nda maga de pe 42 rai nga ai.

EZEKELA 40:38

Shinggan wang, dingdung maga na kata chyinghka lam hte matut nna gap jat da ai nta langai mi nga nga ai. Dai gaw wang kata de man yawng nga ai shawng du ai gawk maga de hpaw da nga ai; dai shara hta hkum ting wan nat hkungga nat nawng na matu si ai dusat hkum ni hpe kashin ma ai.

EZEKELA 40:43

Dai ku ni a matu grup grup hta yungnu 3 gang ai hku shakau shatsawm da nga ai. Shagu hkungga shan ni yawng hpe mung ku ni a ntsa e mara nga ai.

EZEKELA 40:7

De a shingdu maga de lapran lam langai mi nga ai, dai lam a kade nde de sin langa gawk masum sum mung rawng nga ai. Gawk ni langai hte langai gaw galu de pe 10, nda de pe 10 rai nna langai hte langai a lapran e pe 8 htat ai shakum ni nga nga ai. Bai sin langa ni a gawk shingdu de pe 10 galu ai lapran lam langai nga nna, dai gaw Nawku Htingnu de man sha-ang da ai chyinghka lam gawk de hkrang nga ai.

EHPESU 5:19

Nanhte shada da shakawn kungdawn mahkawn mangoi ga, Wenyi makam masham hte seng ai laka ga hte tsun shaga hkat nga let, nanhte a kraw lawang kata hta Madu hpe mahkawn mangoi nna shakawn kungdawn nga mu.

KOLOSE 3:16

Hkristu a mungga gaw nanhte a myit masin hta hpring tsup hkra shanu nga u ga. Hpaji byeng-ya nga manga hte nanhte shada da sharin achyin, matsun madun hkat nga mu. Shakawn kungdawn ga, mahkawn mangoi ai ga ni, Wenyi hte seng ai laka ga ni hte nanhte a kraw lawang hta Karai Kasang hpe chyeju dum ai hte mahkawn mangoi nga mu.