EZEKELA 40:4 - Jinghpaw Common Language Bible 2009

⁴ Shi gaw ngai hpe, “Si chye ai wa e, yu yu u. Nang hpe ndai shara de woi wa ni ai majaw, ngai nang hpe madun dan na lam shagu hpe atsawm sha na la nna matsing da u. Israela amyu masha ni hpe nang mu ai lam shagu tsun dan ra na rai ndai,” ngu nna tsun wu ai.

Jinghpaw Hanson Version Bible

⁴ Shaloi dai wa gaw, “Masha kasha e, mada yu u, na la u, ngai nang hpe madun na ra ai yawng hpe matsing u: nang hpe madun na matu, ndai shara de woi wa ni ai: nang mu mamu Israela dap hpe shana ya u,” nga nna ngai hpe tsun ni ai.

EZEKELA 40:4 ပူးပေါင်းရင်းမြစ်များ

ESAIA 21:10

Nye a amyu masha Israela e, nang gaw hkaulan mam zawn kabye anut ai hkrum nga nit dai, rai ti mung ya chyawm gaw Chyahtum Chyalai N-gun rawng ai dai Madu Israela a Karai Kasang kaw na ngai na ni ai kabu gara shiga ngai nang hpe tsun ndau ni ai.

YEREMIA 26:2

Dai Madu gaw ngai hpe, “Nawku Htingnu wang kata e tsap let Yuda mare ni kaw na du sa wa ai amyu masha ni nawku na matu ngai nang hpe hkang da ni ai lam yawng shanhte hpe htawn tsun u. Ngai tsun shangun ai ga hpa hpe mung hkum shangam kau et.

EZEKELA 2:1

Dai Madu gaw ngai hpe, “Si chye ai masha e, rawt tsap u. Ngai nang hpe ga shaga mayu nngai,” ngu nna tsun nga ai.

EZEKELA 2:3

“Si chye ai masha wa e, ngai gaw nang hpe Israela amyu masha ni hpang de shangun dat nga nngai. Shanhte gaw ngai hpe gumlau nna hpyen tai ma ai, shanhte a kaji kawa ni zawn ya du hkra naw gumlau ma ai.

EZEKELA 3:17

Shi gaw, “Si chye ai masha wa e, ngai nang hpe Israela amyu masha ni a matu sin langa shatai nngai. Dai re ai majaw, ngai nang hpe tsun dan ai shadum jahprang ga ni hpe shanhte hpang de htawn shalai ya lu na rai ndai.

EZEKELA 43:10

Dai Madu gaw matut nna, “Si chye ai masha wa e, Israela amyu masha ni hpe Nawku Htingnu a lam tsun dan u, shanhte hpe de a yaw shada ai lam chye shangun u. Shanhte a shut hpyit ai yubak ni a majaw shanhte hpe kaya jahkrum u.

EZEKELA 44:5

dai Madu gaw ngai hpe, “Si chye ai masha wa e, nang mu mamu hte na mana hpe matsing u. Nawku Htingnu a matu hkang da ai tara hte hkan sa na tara ngai nang hpe tsun dan na we ai. Nawku Htingnu kata de kaning re ai masha wa shang wa pru wa ahkang lu ai hte ahkang n lu ai ni hpe atsawm sha matsing u.

EZEKELA 47:6

Shi gaw ngai hpe, “Si chye ai masha wa e, ndai lam yawng hte hpe atsawm sha matsing tawn u,” ngu nna tsun wu ai. Dai hpang, dai masha wa gaw hka kau de ngai hpe bai woi nhtang wa ai hte

MAHTE 10:27

Ngai nanhte hpe nsin kata e tsun dan ai lam hpe nhtoi hta e tsun dan mu: nanhte machyi shim ai hku na la ai lam hpe nta numgaw ntsa kaw nna ndau shana lu na rai myit dai.

MAHTE 13:9

“Na tu ai wa gaw na la u ga!,” nga nna ga hpungdim wu ai.

KASA 20:27

Hpa majaw nga yang ngai gaw Karai Kasang a shatawng shada ai lam hpe ginhtim da ai lam n nga hkra nanhte hpe tsun shana dan ni ai majaw rai nga ai.

1 KORINHTU 11:23

Hpa majaw nga yang, ya ngai nanhte hpe shalai ap ya ai sharin shaga ai lam gaw dai Madu kaw na ngai hkam la se ai: dai gaw, hpyen ni a lata de ap kau hkrum na shana e, Madu Yesu gaw muk hpe la nna,

TARA JAHPRANG 32:46

shi gaw, “Dai ni, ngai nanhte hpe jaw ya sai hkang da ai ga yawng mayawng hte hpe teng teng madat mara hkan sa na rai myit dai. Ndai tara ga ni hpe nanhte a kashu kasha ni bai htawn tsun dan lu na rai myit dai: shanhte mung Karai Kasang a sharin achyin ai ga ni yawng hpe sadi sahka hte madat mara hkan sa na rai ma ai.