EZEKELA 40:31 - Jinghpaw Common Language Bible 2009

³¹ De a shawng du ai gawk mung kaga shinggan wang kata de myi man yawng nna lapran lam dingyang na shakum ni hta namhtan hpun sumla ni hpe tawk ka da nga ai. Dai dingda chyinghka de hkrang na matu lakang n-gam matsat mung htawn da ya nga ai.

Jinghpaw Hanson Version Bible

³¹ Dingbat ni gaw shinggan wang de ang wa nna, de a shadaw ni hta namhtan hpun sumla tawk ka nga ai: lakang n-gam matsat hte dai de lung wa ai.

EZEKELA 40:31 ပူးပေါင်းရင်းမြစ်များ

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:22

Shawng du ai gawk, hkuwawt ni hte tawk ka da ai namhtan hpun sumla ni gaw sinpraw chyinghka hkrang kasi hte maren bung nga ai. Lakang n-gam sanit gaw chyinghka de di rai nna, shawng du ai gawk mung wang kata de myi man yawng nga ai.

EZEKELA 40:26

Lakang n-gam sanit gaw chyinghka lam de di rai lung nna shawng du ai gawk mung wang kata de myi man yawng nga ai. Makau lam de myi man yawng nga ai kata shakum gumba ntsa ni hta namhtan hpun sumla ni hpe tawk shakap da nga ai.

EZEKELA 40:34

Bai de a shawng du ai gawk mung shinggan wang kata de myi man yawng nna de a lapran lam dingyang na shakum gumba ni hta namhtan hpun sumla ni hpe tawk ka da nga ai. Dai sinpraw chyinghka lam de hkrang na matu lakang n-gam matsat mung htawn da ya nga ai.

EZEKELA 40:37

Bai de a shawng du ai gawk mung shinggan wang kata de myi man yawng nga ai. Bai lapran lam dingyang na shakum gumba ni hta namhtan hpun sumla ni hpe tawk ka da nga ai. Dai chyinghka lam de pru lung wa na matu lakang n-gam matsat mung htawn da ya nga ai.

EZEKELA 40:49

Shawng du ai gawk de lung wa ai lakang n-gam ni nga nga ai, dai gaw pe 34 dam nna gang de pe 20 rai nga ai. Shang wa na npan kade nde lahkawng maga hta shadaw langai ngai jung da nga ai.