EZEKELA 40:25 - Jinghpaw Common Language Bible 2009

²⁵ Ndai chyinghka lam a gawk hkuwawt ni mung kaga ni hte maren rai nna yawng hpawn galu de pe 84, nda de pe 42 rai nga ai.

Jinghpaw Hanson Version Bible

²⁵ Shawng na hkuwawt hku hte maren, hkuwawt hku ni hte dingbat ni rai nga ai: de a galu de dawng manga shi, nda de dawng hkun manga rai nga ai.

EZEKELA 40:25 ပူးပေါင်းရင်းမြစ်များ

1 HKAWHKAM 7:4

Shakum lahkawng maga de hkuwawt hku masum dingren da nga ai.

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:29

Sin langa gawk ni, shawng du ai gawk hte kata shakum ni yawng mung kaga chyinghka lam ni hte hkrang kasi bung nga ai. Dai chyinghka lam maga de na gawk ni hta hkuwawt ni mung rawng nga ai. Dai ni yawng hpe gumhpawn shadawn yang, galu maga de pe 84 rai nna nda maga de pe 42 rai nga ai.

EZEKELA 40:33

Sin langa gawk ni, shawng du ai gawk hte kata shakum ni hpe shadawn wu yang, dai ni gaw kaga chyinghka lam ni a hkrang kasi hte maren rai nga ai. Dai grup yin yawng hta hkuwawt hku ni rawng nna, shawng du ai gawk hta mung rawng nga ai. Dai ni yawng hpe gumhpawn shadawn yang, galu maga de pe 84, nda maga de pe 42 rai nga ai.

EZEKELA 41:16

ni yawng hta dun kaw nna hkuwawt chyinghka ni du hkra hpunpyen hte dawk shakap da nga ai. Ndai hkuwawt ni hpe magap da lu nga ai.

YAWHAN 12:46

Ngai hpe kam sham ai masha shagu gaw nsin hta n rawng nga u ga ngu nna nhtoi tai let, ngai mungkan ga de du sa ring ngai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.