EZEKELA 40:2 - Jinghpaw Common Language Bible 2009

² Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

Jinghpaw Hanson Version Bible

² Karai Kasang a shingran hte shi ngai hpe Israela mung de woi wa nna, grai tsaw ai bum ntsa e tawn da nngai; dai bum a dingda maga de mare nsan ai hkrang dan pru nga ai.

EZEKELA 40:2 ပူးပေါင်းရင်းမြစ်များ

1 HKAWHKAM LABAU 28:12

Shi gaw wang ni hte dai grup yin e nga ai gawk ni, Nawku Htingnu arung arai hte dai Madu hpe ap nawng ya ai kumhpa ni hpe tawn da na sut gawk ni a lam, shi a kraw kata rawng ai kasi ni yawng Shawlumon hpe jaw ya wu ai.

1 HKAWHKAM LABAU 28:19

Hkawhkam Dawi gaw, “Dai Madu shi nan ndai amu galaw shapraw na matu ngai hpe hkang da ai matsun maroi ga hte maren, ndai lam yawng kasi ka da ai laika hta rawng nga ai.

SHAKAWN KUNGDAWN 48:2

Karai Kasang a bum ngu ai Ziun gaw tsaw nga nna, tsawm htap nga ai; galu kaba ai hkawhkam wa a mare gaw mungkan amyu masha ni yawng hte hpe, kabu gara shangun nga ai.

ESAIA 14:13

Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

ESAIA 48:2

Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 37:22

Ngai gaw Israela a bum ni a ntsa e, shanhte hpe amyu baw langai sha shatai na nngai. Shanhte hpe up hkang na hkawhkam langai sha rai nna shanhte gaw htawm hpang e amyu baw lahkawng galoi mung tai na n rai, mungdan lahkawng gaw galoi mung ga garan mat na n rai.

EZEKELA 41:1

Dai hpang, masha wa gaw Chyoi Pra ai Shara ngu ai ka-ang na gawk nu de ngai hpe woi sa wu ai. Shi gaw dai de hkrang ai makau lam hpe shadawn wu yang, dai gaw pe 10 sung nga ai,

EZEKELA 43:12

Ndai gaw Nawku Htingnu a tara rai nga ai: Bum pungding hte de a grup yin shara ni yawng chyoi pra san seng ai shara rai nga ai,” ngu nna tsun ai.

EZEKELA 8:3

Shi gaw lata hkrang zawn re ai hpe ladawn dat ai hte nye a kara hpe magra jum da wu ai. Shaloi ndai shingran hta, Karai Kasang a wenyi gaw ngai hpe ntsa de pawn shalun la nhtawm Yerusalem de woi sa nga ai. Shi gaw ngai hpe Nawku Htingnu a dingdung chyinghka a kata shang wa lam de woi sa nga ai; dai shara gaw Karai Kasang hpe nchyi nmu byin shangun ai nsu nnawn hpara sumla langai mi hpe shadun da ai shara mung rai nga ai.

Daniela 7:1

Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

MIHKA 4:1

Du na ra ai aten ni hta, Nawku Htingnu dung ai bum gaw yawng hta tsaw htum ai shara tai nna, kawng ni yawng hta grau tsaw na ra ai. Masha amyu baw law law ni dai shara de htaw bang na mara ai,

KASA 16:9

Dai shana e Pawlu gaw shingran hta, Makedoni masha langai mi sa tsap nga nna, “Makedoni mung de rap sa nna anhte hpe karum la mi,” nga nna shi hpe hpyi ai mu wu ai.

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

GALATI 4:26

Rai ti mung, kaga num wa gaw sumsing lamu na Yerusalem a shadawn sumla rai nga ai. Shi chyawm gaw shanglawt lu ai jan rai nna anhte a kanu mung rai nga mali ai.