EZEKELA 40:16 - Jinghpaw Common Language Bible 2009

¹⁶ Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

Jinghpaw Hanson Version Bible

¹⁶ Ya sin langa gawk ni, chyinghka kata grup yin na shadaw ni hte, wang kata na dingbat ni hta, hkuwawt chyinghka ni rai nga ai; dai hkuwawt chyinghka ni gaw kata maga de rai nga ma ai: shadaw ni hta namhtan hpun sumla tawk ka ma ai.

EZEKELA 40:16 ပူးပေါင်းရင်းမြစ်များ

1 HKAWHKAM 6:29

Gawk madung a shakum ni hte kata gawk shakum ni mahkra hkan singkaw tu ai hkrung kanu sumla, namhtan hpun sumla hte nampan sumla ni hte tawk ka da nga ai.

1 HKAWHKAM 6:32

Dai chyinghka ni hpe singkaw tu ai hkrung kanu sumla, namhtan hpun sumla ni, nampan sumla ni hte tawk ka da nga ai. Dai chyinghka lam na singkaw tu ai hkrung kanu hte namhtan hpun sumla ni hpe ja hte chya da nga ai.

1 HKAWHKAM 6:35

singkaw tu ai hkrung kanu sumla, namhtan hpun sumla ni hte nampan sumla ni hpe tawk ka da nna dai ni hpe ja hte ara sha chya shakap da nga ai.

1 HKAWHKAM 6:4

Nawku Htingnu shakum ni hta hkuwawt hku ni rawng nga ai; dai ni hta shinggan maga gaw kata maga na hta grau gyip nga ai.

1 HKAWHKAM 7:4

Shakum lahkawng maga de hkuwawt hku masum dingren da nga ai.

2 HKAWHKAM LABAU 3:5

Gawk kaba a kata maga de arit hpunpyen ni hte kum nna ja jet hte sup nhtawm dai ni hta namhtan hpun sumla ni hte saidawng sumla hkrang tawk ka da nga ai.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

EZEKELA 40:12

Sin langa gawk shagu a ntawt maga de yungnu 20 tsaw nhtawm yungnu 20 htat nna nem ai shakum gumba nga nga ai. (Gawk ni langai hte langai galu de, nda de pe 10 man bung shajang nga ma ai.)

EZEKELA 40:15

Chyinghka nga ai shinggan wang shakum kaw nna kata wang htep rai nga ai jahtum htum ai gawk du hkra yawng hpawn pe 84 rai nga ai.

EZEKELA 40:25

Ndai chyinghka lam a gawk hkuwawt ni mung kaga ni hte maren rai nna yawng hpawn galu de pe 84, nda de pe 42 rai nga ai.

EZEKELA 40:26

Lakang n-gam sanit gaw chyinghka lam de di rai lung nna shawng du ai gawk mung wang kata de myi man yawng nga ai. Makau lam de myi man yawng nga ai kata shakum gumba ntsa ni hta namhtan hpun sumla ni hpe tawk shakap da nga ai.

EZEKELA 40:29

Sin langa gawk ni, shawng du ai gawk hte kata shakum ni yawng mung kaga chyinghka lam ni hte hkrang kasi bung nga ai. Dai chyinghka lam maga de na gawk ni hta hkuwawt ni mung rawng nga ai. Dai ni yawng hpe gumhpawn shadawn yang, galu maga de pe 84 rai nna nda maga de pe 42 rai nga ai.

EZEKELA 40:31

De a shawng du ai gawk mung kaga shinggan wang kata de myi man yawng nna lapran lam dingyang na shakum ni hta namhtan hpun sumla ni hpe tawk ka da nga ai. Dai dingda chyinghka de hkrang na matu lakang n-gam matsat mung htawn da ya nga ai.

EZEKELA 40:33

Sin langa gawk ni, shawng du ai gawk hte kata shakum ni hpe shadawn wu yang, dai ni gaw kaga chyinghka lam ni a hkrang kasi hte maren rai nga ai. Dai grup yin yawng hta hkuwawt hku ni rawng nna, shawng du ai gawk hta mung rawng nga ai. Dai ni yawng hpe gumhpawn shadawn yang, galu maga de pe 84, nda maga de pe 42 rai nga ai.

EZEKELA 40:34

Bai de a shawng du ai gawk mung shinggan wang kata de myi man yawng nna de a lapran lam dingyang na shakum gumba ni hta namhtan hpun sumla ni hpe tawk ka da nga ai. Dai sinpraw chyinghka lam de hkrang na matu lakang n-gam matsat mung htawn da ya nga ai.

EZEKELA 40:36

Dai ni hte maren, sin langa gawk ni, mawn sumli da ai kata shakum gumba ni, shawng du ai gawk hte grup yin yawng hta hkuwawt hku ni rawng nga ai. Dai ni yawng hpe gumhpawn shadawn yang, galu de pe 84 rai nna nda maga de pe 42 rai nga ai.

EZEKELA 40:37

Bai de a shawng du ai gawk mung shinggan wang kata de myi man yawng nga ai. Bai lapran lam dingyang na shakum gumba ni hta namhtan hpun sumla ni hpe tawk ka da nga ai. Dai chyinghka lam de pru lung wa na matu lakang n-gam matsat mung htawn da ya nga ai.

EZEKELA 40:7

De a shingdu maga de lapran lam langai mi nga ai, dai lam a kade nde de sin langa gawk masum sum mung rawng nga ai. Gawk ni langai hte langai gaw galu de pe 10, nda de pe 10 rai nna langai hte langai a lapran e pe 8 htat ai shakum ni nga nga ai. Bai sin langa ni a gawk shingdu de pe 10 galu ai lapran lam langai nga nna, dai gaw Nawku Htingnu de man sha-ang da ai chyinghka lam gawk de hkrang nga ai.

EZEKELA 41:18

Namhtan hpun ni hte hkrung kanu sumla ni hpe gawk grup yin ting hta gahti galai tawk ka da nga ai. Hkrung kanu shagu hta myi man lahkawng hkawng tu nga ai.

EZEKELA 41:25

Shakum ni hta tawk ka da ai zawn dai Chyoi Pra ai Shara hta nga ai chyinghka ni hta mung namhtan hpun hte singkaw tu ai hkrung kanu ni hpe tawk ka da nga ai. Shang wa chyinghka gawk a shinggan chyinghka lam ni hta mung hpun hte magap da nga ai.

EZEKELA 41:26

Dai gawk shakum kade nde hte de a hkuwawt chyinghka ni hte shakum ni hta namhtan hpun ni hte mawn shatsawm da nga ai.

EZEKELA 41:3

Dai hpang, shi gaw kata htum ai gawk de shang nna dai de sa wa ai lapran lam shadawn wu ai; dai gaw pe 3 sung nna galu de pe 10 rai nga ai, dai hta kade nde pe 12 htat ai shakum mung nga nga ai.

EZEKELA 42:3

Maga mi hta Nawku Htingnu dingyang man yawng nna nda de pe 34 gang ai shara rai nga ai; kaga maga mi gaw shinggan wang lung nep maga de man yawng nga ai. Dai nta hpe htap masum hku gap nna, ntsa htap gaw lawu na hta loi kaji ai hku gap da nga ai.

YAWHAN 5:2

Yerusalem mare na Sagu Chyinghka makau e Hebre ga hku Betzahta ngu ai hka lawng langai mi nga ai, dai hka lawng hpe shinggrup nna jarawp manga mung gap da ma ai.

1 KORINHTU 13:12

Ya anhte mu lu ai gaw, jamna kaw dan pru ai sumla ni hpe mu ai zawn n dan n leng ai hku sha mu ga ai. Hpang de anhte myi man chyaw mu lu na ga ai. Ya ngai chye ai gaw daw chyen mi sha rai nga ai; dai shaloi e, Karai Kasang ngai hpe chye chyang ai zawn, tsep kawp ngai mung chye chyang na ring ngai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.