EZEKELA 40:15 - Jinghpaw Common Language Bible 2009

¹⁵ Chyinghka nga ai shinggan wang shakum kaw nna kata wang htep rai nga ai jahtum htum ai gawk du hkra yawng hpawn pe 84 rai nga ai.

Jinghpaw Hanson Version Bible

¹⁵ Shing rai shinggan chyinghka lam kaw nna, kata wang chyinghka lam du hkra, dawng manga shi rai nga ai.

EZEKELA 40:15 ပူးပေါင်းရင်းမြစ်များ

1 HKAWHKAM LABAU 28:11

Dawi gaw Shawlumon hpe Nawku Htingnu yawng hte seng ai sut rai tawn ai gawk ni, kaga gawk ni hte yubak mara raw dat ya ai Chyoi Pra Htum ai Shara ni a matu hkrang kasi ni jaw ya wu ai.

EZEKELA 40:14

Jahtum htum ai gawk gaw kata wang hte matut nga ai. Dai gawk hpe shi shadawn nna, dai gaw pe 34 dam nga ai hpe mu lu nga ai.

EZEKELA 40:16

Sin langa gawk ni yawng a shinggan shakum ni hta mung, gawk lapran na kata shakum ni hta mung hkuwawt chyinghka kaji ni nga nga ai. Lapran lam de man yawng ai kata na shakum gumba ni hta namhtan hpun sumla tawk ka da nga ai.

EZEKELA 40:21

Kade nde masum sum rawng ai sin langa ni a gawk ni langai hte langai a lapran na madin shakum ni hte shawng du ai gawk ni yawng a shadawn shadang gaw sinpraw chyinghka lam hte maren rai nga ai. Dai chyinghka lam gaw gale de pe 84 rai nna nda de pe 42 rai nga ai.