EZEKELA 4:9 - Jinghpaw Common Language Bible 2009

⁹ Ya chyawm gaw, hkaulan mam, muk-yaw mam, shapre, nawkyu, hkauya hte shagyi nkau mi la u. Dai ni yawng hpe kayau nna muk tawng galaw u. Dai gaw na a pai maga de nhkrem hku nang hkrawn taw nga ai nhtoi masum tsa jahku shi ya laman nang sha na matu rai nga ai.

Jinghpaw Hanson Version Bible

⁹ Bai, nang gaw, hkaulan mam, muk-yaw mam, shapre, nawkyu, hkauya hte shagyi ni hpe la nna, dibu langai mi hta kayau bang da nhtawm, muk tawng galaw u; nang hkrawn taw nga ai nhtoi, masum tsa jahku shi ya tup, dai hta na nang sha lu na ndai.

EZEKELA 4:9 ပူးပေါင်းရင်းမြစ်များ

NINGPAWT NINGHPANG 25:34

Dai hpang Yaku mung Esaw hpe muk hte si mai ntsin loi mi jaw wu ai. Shi mung dai ni hpe lu sha nhtawm bai rawt hkawm mat wa wu ai. Esaw gaw shi a hpu lat aya hpe n gawn n sawn di kau wu ai.

PRU MAT 9:32

Hkaulan mam chyawm gaw hpang e mahtang myin wa ai majaw hpa mung n hten nga ai.

ESAIA 28:25

Shanhte gaw ga sau lajang da ngut ai hte pan soi hte shingtawn pan zawn re ai tsi tai ai namlaw namlap hpun hkai ma ai. Shanhte gaw hkaulan mam hte muk-yaw mam ni hpe yan hte yan hkai nna, shanhte a yi shingnawm hkan e kaga manggawng si ni hpe gat hkai da ma ai.

EZEKELA 4:13

Dai Madu gaw, “Ndai kumla gaw Israela amyu masha ni hpe maigan mung ni de ngai shaden kau dat ai shaloi, tara hte hkum da ai lusha sha na lam rai nga ai,” ngu nna tsun wu ai.

EZEKELA 4:16

Shi gaw, “Si chye ai masha wa e, Yerusalem a matu jaw ai muk hpe dawm kau ya na nngai. Dai mare hta nga ai amyu masha ni gaw shanhte sha ai lusha hte shanhte lu ai ntsin ni hpe shen nna shadang hte lu ma ai majaw myit ru myit kahpra na mara ai.