EZEKELA 4:2 - Jinghpaw Common Language Bible 2009

² Dai hpang, dai mare hpe wang da ai kumla shapraw na matu, kaduk ni hpe tawn u, ga kaduk ni galaw u, dap ni jung u, dai mare a grup grup yawng hta bunghku sharun ai gawng ni hpe tawn u.

Jinghpaw Hanson Version Bible

² dai mare hpe wang tawn u; de a man e dap jung u, kaduk htu mu; hpyen masha ni de a man e but nga nna, grup yin e bunghku sharun ai gawng tawn da mu.

EZEKELA 4:2 ပူးပေါင်းရင်းမြစ်များ

2 SAMUELA 20:15

Dai yang e Sheba nga nga ai hpe Yoab a masha ni na jang, dai mare hpe sa wang da nga ma ai. Shanhte gaw bunghku shinggan e kaduk htu nhtawm bunghku daw sharun kau na nga, bunghku npawt ni hpe htu ma ai.

ESAIA 22:7

Yuda mung na namhpun kaja rawng ai kadit ni gaw hpyen leng ni hte hpring nga ai; gumra jawn ai hpyenla ni gaw Yerusalem chyinghka ni hkan tsap nga ma ai.

YEREMIA 32:24

“Babelon masha ni gaw mare hpe gasat la na matu mare grup grup hkan kaduk ni htu da nna shanhte htim gasat ma ai. Hpyen majan, kawsi hpang gara ai hte ana zinli ni gaw dai mare hpe shanhte a hpyen ni a lata de hkrat sum shangun nga ai. Nang tsun ai hte maren, yawng mayawng byin mat wa nga ai hpe nang mu lu nga ndai.

YEREMIA 33:4

Yerusalem a nta ni hte Yuda hkawhkam htingnu ni gaw wang shinggrup ai hte htim gasat hkrum ai a majaw hten run mat na ra ai nga nna dai Madu Israela a Karai Kasang ngai nan tsun ni ai.

YEREMIA 52:4

dai rai nna, Nebuhkadneza hte shi a hpyen luksuk ni gaw Zedekia hkaw dung ai jahku ning na shata shi a nhtoi shi ya shani e Yerusalem hpe gasat ma ai. Shanhte gaw mare shinggan e dap jung nna mare grup grup kaduk ni htu nhtawm mare bunghku hpe wang da ma ai,

YEREMIA 6:6

Chyahtum Chyalai N-gun rawng ai dai Madu gaw, “Hpun ni hpe kran kau nna Yerusalem hpe wang tawn na matu kaduk ni galaw na dai hkawhkam ni hpe hkang da wu ai. Shi gaw, “Ndai mare gaw dip gamyet sha ai lam hpring nga sai majaw ndai mare hpe ngai ari jaw na nngai.

EZEKELA 21:22

Ya chyawm gaw! Shi a hkra lata hte ‘Yerusalem’ hpe sha-ang ai pala hpe jum da nu ai! Dai gaw bunghku sharun ai gawng hpe tawn da na matu mung, hpyen gasat ai shaloi jahtau garu na matu mung, mare chyinghka ni hpe jahten na gawng tawn da na matu mung, kawng e dap jung na hte kaduk ni htu na matu mung, shi hpe tsun dan nga ma ai.

EZEKELA 21:27

Hten run, hten run! Rai sa, ngai gaw mare hpe jahten sharun kau na nngai. Rai ti mung, dai mare hpe jahten sharun kau na matu ngai lata san da ai wa garai n du dingsa, dai lam byin wa na ra ai n rai. Dai hpe shi a lata hta ngai ap ya na nngai.

EZEKELA 5:2

Mare hpe wang da ngut ai shaloi, majaw masum hta na majaw mi hpe mare kata e nat kau u. kaga majaw langai mi hpe mare shinggan de nang kayin hkawm ai shaloi na a nhtu hte dai hpe tawk kau u. Naw ngam nga ai majaw hpe gaw nbung hta shapoi kau u, ngai gaw dai hpe nye a nhtu hte hkan shachyut nang na nngai.

Daniela 11:15

Dai re ai majaw, Suri hkawhkam gaw bunghku kum ai mare langai mi hpe kaduk htu nna dai mare hpe gasat dang la na ra ai. Egutu hpyenla ni matut gasat na mara ai n rai; shanhte hta na kaja htum ai ni du hkra pyi n-gun atsam law ram hkra rawng na ma ai n rai.