EZEKELA 4:17 - Jinghpaw Common Language Bible 2009

¹⁷ Shanhte hta muk hte ntsin taw mat nna, myit htum mat na mara ai; shanhte gaw shanhte a yubak mara ni a majaw n-gun kya mat wa na mara ai,” ngu nna tsun wu ai.

Jinghpaw Hanson Version Bible

¹⁷ shing rai muk hte ntsin taw ai majaw, shanhte gaw rau mak mat nna, tinang a shut hpyit ai a jaw e akyawm mat na mara ai,” nga ai.

EZEKELA 4:17 ပူးပေါင်းရင်းမြစ်များ

2 HKAWHKAM 6:25

shing rai wang da ai majaw mare kata hta malu masha kadawn wa ai gaw laja lana byin wa ai rai nna lawze baw langai mi gaw gumhpraw dengga matsat shi, hkrudu hkyi pawng ka-ang hkup hpe gumhpraw dengga manga hte lu nga ai.

2 HKAWHKAM LABAU 34:24

dai Madu kaw na ning nga nga ai lam shi hpe wa shana na matu tsun dat wu ai: “Hkawhkam wa hpe hti dan sai laika hta rawng ai dagam ga ni hte Yerusalem mare hte dai hta nga ai amyu masha ni yawng hpe ngai ari jaw na nngai.

EZEKELA 24:23

Nanhte gaw bunghkaw n hkaw ai hte, lagaw kaman hte hkawm na myit dai n rai; hkrap ngu hkrap ngoi ai hte sharung shayawt na myit dai n rai. Nanhte gaw tinang a yubak mara ni a majaw agyawm mat nna langai hte langai madai sharung na myit dai.

EZEKELA 33:10

Dai Madu gaw ngai hpe ga shaga wu ai. Shi gaw, “Si chye ai masha wa e, Israela ni kaning nga tsun nga ai ga shanhte hpe kahtap tsun dan u: ‘Anhte gaw anhte a yubak ni hte shut kau sai mara ni hte lit li nga ga ai. Anhte gaw n-gun lagaw mung htum mat saga ai. Anhte kaning rai hkrung lu na ga ta?’

JAW JAU 26:26

Ngai gaw n nanhte hpe shadaw ai malu masha hpe dawm kau ya na nngai, shaloi numsha marai shi gaw wan mang langai hta sha shanhte a muk yawng kabaw ra na mara ai. Shanhte gaw dai hpe karan jaw na mara ai, nanhte gaw dai ni yawng sha kau ti mung, naw kawsi kyet na rai myit dai.

JAW JAU 26:39

Nanhte galaw ai yubak hte nanhte a kaji kawa ni a yubak majaw nanhte a gumlau hpyen ni a mung hta naw ngam nga ai kau chyen mi gaw yawm mat na mara ai.

AMO LAIKA (AMOS) 4:8

Hpang gara nna n-gun kya nga ai mare law law na masha ni gaw hka mu tam la na myit mada mai ai mare de sa ma ai, rai ti mung dai yang e, lu na hka alaw alam nga nga ai n rai. Shing rai tim, nanhte ngai kaw nhtang wa myit dai n rai.