EZEKELA 4:15 - Jinghpaw Common Language Bible 2009

¹⁵ Dai rai nna, Karai Kasang gaw, “Grai kaja sai. ngai gaw nang hpe masha hkyi a malai dumsu hkyi lang shangun na nngai, nang gaw na a muk hpe dai ntsa hta kabaw lu na ndai,” ngu nna tsun wu ai.

Jinghpaw Hanson Version Bible

¹⁵ Shaloi shi gaw, “Yu u, masha hkyi malai, dumsu hkyi ngai jaw na nngai; dai hte na a muk hpe kabaw u,” ngu we ai.

EZEKELA 4:15 ပူးပေါင်းရင်းမြစ်များ

2 HKAWHKAM 18:27

Shi gaw, “Nang hte hkawhkam wa hpe ndai ga ni mahkra tsun dan na matu hkawseng wa ngai hpe shangun dat ai zawn nang myit nawn da wu ni? N rai law, nanhte zawn shanhte a hkyi shanhte sha nna shanhte a jit shanhte lu na mara ai ngu nna she mare bunghku ntsa e dung nga ai masha ni hpe ngai tsun nga nngai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

EZEKELA 4:14

Rai ti mung, ngai gaw, “N rai law, Tsaw Htum ai Madu e, ngai gaw nye hkum nan galoi mung awu asin garai n hkrum yu nngai. Ngai gaw ma prat kaw nna dai ni du hkra shi hkrai si taw nga ai dusat shan hpa hpe rai ti mung, matse labye dusat e kawa sat da ai shan hpe mung, galoi mung n sha yu nngai. Ngai gaw matsat shabat zawn nawn ai lusha hpa hpe rai tim galoi mung n sha yu nngai,” ngu nna bai htan nngai.

EZEKELA 4:16

Shi gaw, “Si chye ai masha wa e, Yerusalem a matu jaw ai muk hpe dawm kau ya na nngai. Dai mare hta nga ai amyu masha ni gaw shanhte sha ai lusha hte shanhte lu ai ntsin ni hpe shen nna shadang hte lu ma ai majaw myit ru myit kahpra na mara ai.