EZEKELA 39:8 - Jinghpaw Common Language Bible 2009

⁸ Tsaw Htum ai dai Madu gaw, “Ngai tsun sai dai nhtoi gaw teng teng du wa na ra ai.

Jinghpaw Hanson Version Bible

⁸ Yu u, dai shani du ra ai, dai amu byin na ra ai; ngai madat da ai shani gaw ndai rai nga ai,” nga nna Madu Yehowa tsun ai.

EZEKELA 39:8 ပူးပေါင်းရင်းမြစ်များ

ESAIA 46:10

Ngai gaw shawng npawt kaw nna byin pru sai amu hpe tau tsun ni ai; moi chyaloi nhkoi kaw nna byin wa na lam hpe ngai tau tsun ni ai. Nye a yaw shada lam ni galoi mung hkrat sum na n rai nga ai hpe mung, ngai galaw na ngu shatawng shada ai lam magup hte hpe ngai galaw ai hpe mung tsun ni ai.

EZEKELA 33:33

Rai ti mung, nang tsun ai ga ni yawng teng tup wa ai shaloi, dai ni yawng teng teng byin wa na ra ai. Dai shaloi, myihtoi wa gaw shanhte hta e nga nga ai hpe shanhte chye lu na mara ai,” ngu nna tsun wu ai.

EZEKELA 38:17

Dai aten du ai shaloi, Israela hpe htim gasat na matu, amyu langai mi hpe ngai shangun dat na ngu nna nye a shangun ma ni rai nga ai Israela myihtoi ni hpe moi prat kaw na ngai tsun ndau da nga sai shingran gaw, nang nan rai nga ndai.” Tsaw Htum ai dai Madu nan tsun nu ai.

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.

EZEKELA 39:9

Israela mare ni hta shanu nga ai ni gaw pru sa nna kabai da sai hpyen laknak arung arai ni hpe ju hpun a matu hkan lahkawn la na mara ai. Shanhte gaw ninggang ni, ndan ni, pala ni, nri ni hte hpun laknak ni hpe sanit ning a matu alaw ahtam hta da nna wan ju na mara ai.

2 PETRU 3:8

Rai ti mung tsaw ra ai manang ni e, lam langai mi hpe hkum malap kau mu, Madu a man e lani mi hte shaning hkying mi gaw hpa n shai nga ai; shi a man e dai lahkawng gaw maren sha rai nga ai.

SHINGRAN 16:17

Dai hpang sanit ngu na lamu kasa gaw, shi a sindawng kahtet ai hte hpring ai gawm hpe nbung hta ru gat bun dat wu ai. Shaloi, “Amu ngut mat sai!,” nga nna nawku htingnu kata na nsen kaba pru wa ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.