EZEKELA 39:6 - Jinghpaw Common Language Bible 2009

⁶ Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

Jinghpaw Hanson Version Bible

⁶ Dai hta kaga ngai gaw, Magoga mung hte, zunlawng ni hta apyaw alaw shanu nga ai ni hpang de wan shangun dat nna, ngai Yehowa rai nga ai hpe, shanhte chye lu na mara ai.

EZEKELA 39:6 ပူးပေါင်းရင်းမြစ်များ

SHAKAWN KUNGDAWN 72:10

Spain mung hte zunlawng ni a hkawhkam ni gaw, shi hpe kumhpaw kumhpa ni, sa sak jaw na mara ai; Arabi hte Ehtiopi mung na hkawhkam ni mung, shi hpe hkungga kumhpa la sa ya na mara ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

EZEKELA 30:16

Ngai gaw Egutu mung hpe wan nat dat na nngai, Pelusim gaw tsin-yam tsindam hkrum na ra ai. Thebe mare bunghku ni agrawp daw kau hkrum ai hte mare gaw hka mawru e kaput, kau hkrum na ra ai.

EZEKELA 30:8

Egutu mung hta ngai wan shachyi dat ai shaloi, dai mung hpe makawp maga ai ni yawng sat kau hkrum na mara ai, dai hpang shanhte gaw ngai nan dai Madu rai nga nngai hpe chye wa na mara ai.

EZEKELA 30:9

Dai nhtoi du ai shaloi, Egutu gaw jahten shaza kau hkrum nga sai, ngai gaw hpa n nawn ai Ehtiopi masha ni hpe myit shalau ya na matu kasa ni hpe sanghpaw li ni hte shangun dat na nngai. Shanhte gaw hkrit gari na mara ai. Dai nhtoi gaw du wa ra ai!”

EZEKELA 37:6

Nanhte a lasaw lasa ni hpe gran da ya nna ahpyi ni hte kayawp da ya na nngai. Ngai gaw nanhte a kata de nsoi nsa bang ya ai hte nanhte mung bai hkrung nga na marin dai. Shaloi, ngai nan dai Madu rai nga nngai hpe nanhte chye lu na marin dai,” ngu nna tsun wu ai.

EZEKELA 38:11

Makawp maga lam hpa mung n nga ai hte mare bunghku n kum da ti mung, ngwi pyaw sim sa ai hte shim lum ai hku amyu masha ni tinang hkrai asan apan rai shanu nga ai mungdan hpe shang gasat na matu nang myit daw dan na rin dai.

EZEKELA 38:13

Sheba hte Dedan masha ni mung, Spain mare kahtawng hkan na hpaga ga ai ni mung nang hpe, ‘Lanep kashun la lu na matu, na a hpyen luksuk hpe nang jahpawng tawn nna gasat nga n ni? Ja, gumhpraw, yam nga hte sut gan amyu myu hpe jahten kau na matu nang myit shatawng nga n ni?,’” ngu nna san na mara ai.

EZEKELA 38:2

Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

EZEKELA 38:6

Dingdung maga de nga ai Gome hte Bet Togama mung na gasat masha ni yawng mung, kaga masha amyu baw ni hta na hpyen masha law law ni mung, shi hte rau rai ma ai.

EZEKELA 39:5

Shanhte gaw pa ga e kadawng si na mara ai. Tsaw Htum ai dai Madu ngai nan tsun ni ai.

AMO LAIKA (AMOS) 1:10

Dai rai nna, ngai gaw Turu mare bunghku ntsa e wan jahkrat dat nna dai mare a hpyen dap ni hpe jahkru kau na we ai,” ngu nna tsun ai.

AMO LAIKA (AMOS) 1:4

Dai rai nna, ngai gaw Hkawhkam Hazaela gap da ai hkawhkam htingnu de wan jahkrat dat nna Hkawhkam Benhadad a hpyen dap ni hpe jahkru kau na nngai.

AMO LAIKA (AMOS) 1:7

Dai rai nna, ngai gaw Gaza mare bunghku a ntsa e wan jahkrat dat nna dai mare a hpyen dap ni hpe jahkru kau na we ai.

NAHUM 1:6

Shi pawt sindawng ai shaloi, kadai hkrung nga lu a ta? Shi a hkrithpa masin kahtet ai a majaw, kadai hkrung lu nga a ta? Shi gaw agrung nga ai shi masin kahtet ai hpe ru bun nga ai; shi a man e, lunghkrung ni ga nhpu zawn agrawp mani mat nga ai.

ZEHPANI 2:11

Dai Madu gaw shanhte hpe jahkrit shama dat na ra ai. Shi gaw aga ting na karai ni hpe kaman de shayu kau tawn na ra ai, shaloi masha amyu baw shagu gaw shanhte a shara kaw na shi hpe nawku na mara ai.

SHINGRAN 20:8

Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.

SHINGRAN 20:9

Shanhte gaw lamu ga pang pat yan kaput lung wa nna Karai Kasang a masha ni dap jung da ai dabang hte Madu tsaw ra ai mare hpe wang da nga ma ai. Rai ti mung sumsing lamu de na wan hkrat nna hkru jahten kau ai hkrum ma ai.

TARA AGYI 18:7

Dai marai manga hte gaw pru mat wa nhtawm Laisha mare de sa wa ma ai. Dai yang e nga ai masha ni gaw Sidon masha ni zawn kade sha shim ai hte nga nga ma ai hpe shanhte sa mu ma ai. Shanhte gaw kadai hte mung ga li ga law, ndang kalang n nga ai sha, ngwi pyaw sim sa ai hte nga nga ai masha ni rai nga ma ai; shanhte hta ra kadawn ai lam hpa mung n nga ma ai. Shanhte gaw Sidon masha ni hte tsan gang ai shara hta nga nga ma ai rai nna kaga masha kadai hte mung makyit mahkai ai lam n nga ma ai.