EZEKELA 39:4 - Jinghpaw Common Language Bible 2009

⁴ Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

Jinghpaw Hanson Version Bible

⁴ Nang hte na a hpyen masha ni mahkra mung, nang hte rau nga ai amyu baw ni mung, Israela bum ni a ntsa e kadawng si na mara ai: u matse amyu myu hte, pa ga na matse labye ni a shahpa matu, ngai nang hpe ap kau na nngai;

EZEKELA 39:4 ပူးပေါင်းရင်းမြစ်များ

ESAIA 14:24

Chyahtum Chyalai N-gun rawng ai dai Madu gaw ning ngu dagam shaka wu ai: “Ngai maw mawn ai amu byin wa na ra ai. Ngai galaw na ngu daw dan da ai amu tai wa na ra ai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

YEREMIA 15:3

Dai Madu ngai gaw shanhte hta hkrit hpa amu mali byin wa na lam hpe daw dan da ni ai: shanhte gaw majan hta sat kau ai hkrum na mara ai; shanhte a moi mang ni gaw gwi ni e garawt mat wa hkrum na mara ai; ntsa malen u ni gaw dai ni hpe sha na mara ai, matse labye dusat ni gaw ngam da ai mang ni hpe araw sha na mara ai.

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

EZEKELA 29:5

Ngai gaw nang hte hpawn nga ni mahkra hpe zaibru jang e kabai tawn na nngai. Na a hkum gaw dai hku n lup makoi ai sha ga ntsa e taw nga na ra ai. Ngai gaw ntsa malen u ni hte matse labye dusat ni a shahpa a matu dai hpe jaw na nngai.

EZEKELA 33:27

“Ngai gaw teng teng ahkrung nga ai Karai Kasang rai nga nngai, dai majaw dai hten run mat sai mare ni hta shanu nga ai amyu masha ni sat kau hkrum na mara ai hpe Tsaw Htum ai dai Madu ngai nan shadum ai ga, shanhte hpe htawn tsun u. Dai mungdan hta shanu nga ai ni mung nam na matse labye ni e sha kau hkrum na mara ai. Bum na makoi shara ni hte ginlawng hku ni hta rawng nga ai ni mung ana zinli ni hte si mat na mara ai.

EZEKELA 35:8

Ngai gaw bum ni hpe si mang ni hte jahpring da nna, majan hta sat kau hkrum sai ni a moi mang ni kawng ni hte hkaraw kadit ni hta hpring nga na mara ai.

EZEKELA 38:21

Ngai gaw dai zawn re ai ru yak tsin-yam tsindam yawng hte Goga hpe jahkrit na nngai. Tsaw Htum ai dai Madu ngai nan tsun ni ai. Shi a masha ni gaw shanhte a nhtu ni hte shada da kayin kahtam hkat na mara ai.

EZEKELA 39:5

Shanhte gaw pa ga e kadawng si na mara ai. Tsaw Htum ai dai Madu ngai nan tsun ni ai.

NAHUM 3:3

Gumra jawn ai hpyen hpung ni gaw tu gala ai nhtu ni, kabrim ai nri ni hte htim sa ma ai! Moi mang ni sumpum nga ai, si mang ni hti n dang hkra law nga ai, lasha ni dai ni hta ahtu kataw nga ma ai!