EZEKELA 39:25 - Jinghpaw Common Language Bible 2009

²⁵ Tsaw Htum ai dai Madu gaw, “Rai ti mung, Yaku a aru arat ni rai nga ai Israela amyu masha ni hpe ya ngai matsan dum la nna, shanhte hpe kalang mi bai ngamu ngamai shangun na nngai. Nye a chyoi pra ai mying ningsang hpe mung ngai maga na nngai.

Jinghpaw Hanson Version Bible

²⁵ “Dai re ai majaw Madu Yehowa ning nga ai: Bawng dung hkrum ai Yaku amyu hpe, ya ngai nhtang woi wa nna, Israela dap ting hpe matsan dum na nngai: nye chyoi pra ai mying ningsang hpe ngai maga na nngai.

EZEKELA 39:25 ပူးပေါင်းရင်းမြစ်များ

SHAKAWN KUNGDAWN 85:1

Madu e, nang gaw na a lamu ga hpe matsan dum nga ndai; Israela amyu masha ni hpe kalang mi bai ngamu ngamai shangun nga nit dai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

ESAIA 14:1

Dai Madu gaw shi a amyu masha Israela hpe kalang mi bai matsan dum la nna shanhte hpe shi a amyu zawn lata la na ra ai. Shi gaw shanhte hpe shanhte a mung ga de bai nga shangun na ra ai. Maigan masha ni mung du sa nna shanhte hte rau dai mung e nga na mara ai.

ESAIA 56:8

Bawng dung hkrum ai kaw na Israela dum nta de woi wa ai Tsaw Htum ai dai Madu gaw shi a amyu masha ni hte matut mahkai wa na matu kaga masha ni hpe naw woi wa na ra ai, ngu ga sadi tawn da nga sai.

YEREMIA 23:3

Ngai shanhte hpe shabra kau dat ai mungdan ni kaw nna naw ngam nga ai nye a amyu masha ni hpe ngai shinggyin la na nngai, shing rai ngai gaw shanhte hpe shanhte a daidaw buga de bai woi wa na nngai. Shanhte gaw kashu kasha law law mayat maya wa nna law htam wa na mara ai.

YEREMIA 29:14

Rai sa, nanhte ngai hpe mu tam na marin dai; ngai gaw nanhte hpe nanhte a mungdan hta bai wa shanu shangun na nngai. Ngai gaw nanhte hpe mungdan shara shagu hkan na hte nanhte hpe ngai shaden shabra kau dat ai shara shagu hkan na shinggyin la ai hte nanhte hpe shaden shabra kau ai mungdan kaw na ngai bai woi wa na nngai, nga nna tsun ai. Dai Madu ngai nan tsun ni ai,’ nga ai.

YEREMIA 3:18

Israela gaw Yuda hte matut nna shanhte gaw dingdung maga na mungdan hta bawng dung hkrum nga ai kaw na wa nhtawm prat dingsa madu nga na matu na a nji nwa ni hpe ngai jaw da sai lamu ga de nhtang wa na mara ai.

YEREMIA 30:10

Nye a amyu masha ni e, hkum hkrit nga myit; Israela amyu masha ni e, hkum hkrit gari nga myit. Ngai gaw nanhte hpe sumtsan mung hte nanhte bawng dung hkrum ai mungdan kaw nna hkye mawai la na nngai. Nanhte gaw dum nta de bai nhtang wa nna, ngwi pyaw sim sa ai hte nga lu na rai myit dai; nanhte gaw shim lum nga lu nna, kadai mung nanhte hpe jahkrit shama lu na mara ai n rai.

YEREMIA 30:18

Dai Madu gaw, “Ngai gaw nye a amyu masha ni hpe shanhte a mungdan de wa shangun ai hte dinghku shagu a ntsa e matsan dum ai myit madun dan na nngai; Yerusalem gaw bai de da ai hkrum nna, de a hkawhkam htingnu bai dung nga na ra ai.

YEREMIA 30:3

hpa majaw nga yang, nye a amyu masha ni rai nga ai Israela hte Yuda ni hpe ngai bai gram lajang na aten gaw du wa nga ai. Ngai gaw shanhte a kaji kawa ni hpe jaw tawn da ai mungdan de shanhte hpe bai woi wa na nngai, dai mungdan hpe kalang mi bai madu sha lu na mara ai. Dai Madu ngai nan tsun ni ai,” nga nna tsun ai.

YEREMIA 31:1

Dai Madu gaw, “Ngai gaw Israela amyu bawsang ni yawng a Karai Kasang tai nna, shanhte gaw nye a amyu masha ni tai wa ai shaloi dai aten gaw du wa na ra ai.

YEREMIA 31:3

ngai gaw tsan tsan kaw nna shanhte hpang de dan pru ni ai. Israela amyu masha ni e, ngai gaw nanhte hpe tut nawng e tsaw ra nga nngai majaw nanhte hpe nye a dinggrin tsaw ra myit matut madun na nngai.

YEREMIA 32:37

Nye a pawt sindawng ai hte masin kahtet ai hta ngai shanhte hpe shaden shabra kau dat ai mungdan ni yawng hta na amyu masha ni hpe ngai shinggyin la na nngai; ngai gaw shanhte hpe ndai shara de bai woi wa nhtawm ndai yang e shim lum ai hte shanhte shanu nga lu mu ga.

YEREMIA 33:26

Dai amu hpe ngai tup hkrak galaw ni ai zawn, ndai nye a ga shaka hpe Yaku a aru arat ni hte mung, nye a shangun ma Dawi hte mung, ngai shangang shakang da na nngai. Abraham, Isak hte Yaku ni a aru arat ni a ntsa e up hkang na matu Dawi a aru arat langai mi hpe ngai lata san da na nngai. Ngai gaw nye a amyu masha ni hpe matsan dum nna shanhte hpe kalang mi bai ngamu ngamai shangun na nngai,” ngu nna tsun ai.

YEREMIA 33:7

Ngai gaw Yuda mung hte Israela hpe ngamu ngamai shangun nna; shanhte hpe shawng de na zawn ngai bai de da na nngai.

EZEKELA 20:40

Israela amyu masha ni yawng gaw dai mungdan hta nga ai nye a chyoi pra ai bum ngu ai Israela a bum hta ngai hpe nawku daw jau na mara ai; ngai mung nanhte hta awng sharawng wa nna nye a matu ngu nna nawng jau na matu la sa wa ai nanhte a shagu hkungga ni, nanhte a kaja htum ai wan nat hkungga ni hte chyoi pra ai kumhpa ni hpe ngai myit mada nga na nngai.

EZEKELA 34:13

Ngai gaw maigan mungdan hkan nga nga ai ni hpe shinggyin la nna shanhte a mungdan de bai woi wa na nngai. Israela bum ga de mung, hka shi shara hkan e mung, shanhte hpe woi nhtang wa nna ngwi pyaw ai udat shara ni hta shanhte hpe rem na nngai.

EZEKELA 36:10

Ngai gaw nanhte hpe shalaw jahtam ya na nngai. Nanhte gaw mare ni hta shanu nga lu nna, hten run taw nga sai arai shagu hpe bai gaw gap da lu na marin dai.

EZEKELA 37:11

Karai Kasang gaw ngai hpe, “Si chye ai masha wa e, Israela amyu masha ni gaw ndai nrut nra ni zawn rai ma ai. Shanhte gaw hkraw mat saga ai, myit mada shara hpa mung n nga mat sai, du na ra ai aten mung n nga sai, nga nna shanhte tsun nga ma ai.

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.

HOSEA 1:11

Yuda amyu masha ni hte Israela amyu masha ni rau bai zup hpawng wa na mara ai. Shanhte gaw shanhte a matu ningbaw langai sha lata san da nna, shanhte a mungdan hta rawt kaba wa nhtawm ngamu ngamai wa na mara ai. Rai sa, Yezrela a shani gaw galu kaba ai shani tai na ra ai!

YOELA 2:18

Dai hpang, dai Madu gaw shi a mungdan a matu myit ru tsang ai lam madun dan nu ai; shi gaw shi a amyu masha ni hpe matsan yu dum nga ai.

AMO LAIKA (AMOS) 9:14

Ngai gaw nye a amyu masha ni hpe shanhte a mung de woi wa na nngai. Shanhte gaw hten run mat sai shanhte a mare ni hpe bai gaw gap nna dai yang e nga na mara ai; shanhte gaw sabyi sun ni hkai sharing nna sabyi ntsin lu na mara ai; shanhte gaw sun ni galaw nna shanhte hkai ai shat mai lu sha na mara ai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

ZEHKARIA 1:14

lamu kasa mung Chyahtum Chyalai N-gun rawng ai dai Madu ning nga tsun ai ga hkaw tsun na matu ngai hpe tsun wu ai: “Ngai gaw nye a chyoi pra ai Yerusalem hpe ngai dik hkra tsaw ra ai hte myit tsang nngai,

ZEHKARIA 8:2

“Nye a amyu masha ni hpe grai wa tsaw ra ai hte ngai hpe shi a gumlau hpyen ni hte masin pawt shangun hkra re ai tsaw ra myit a majaw, ngai gaw Yerusalem hpe karum la na matu marit nga ni ai.