EZEKELA 39:23 - Jinghpaw Common Language Bible 2009

²³ Israela amyu masha ni ngai hpe shut hpyit ai yubak mara ni a majaw, shanhte bawng dung hkrum wa ai hpe, masha amyu baw ni chye lu na mara ai. Ngai gaw shanhte hpe myi man kayin kau da ai hte gumlau hpyen ni hpe dang shangun nhtawm shanhte hpe majan hta sat kau hkrum shangun na nngai.

Jinghpaw Hanson Version Bible

²³ Israela dap ni gaw, tinang shut hpyit ai amu majaw, bawng dung hkrum wa ai hpe, maigan amyu ni yawng chye lu na mara ai: nye a tara hpe tawt lai kau ai majaw, shanhte kaw na nye a myi man hpe, ngai makoi kau nngai: ngai shanhte hpe hpyen ni a lata de ap ya nna, nlang hte gaw nhtu hte kadawng si hkrum ma ai.

EZEKELA 39:23 ပူးပေါင်းရင်းမြစ်များ

EZRA 9:7

Anhte a ji wa ni a prat kaw nna dai ni du hkra, na a amyu masha rai nga ai anhte ni yubak kaba galaw shut kau saga ai. Anhte shut kau ai yubak ni a majaw anhte mung, anhte a hkawhkam ni hte hkinjawng ni maigan hkawhkam ni a lata de hkrat mat nna, htau sat ai mung, hpya lu hpya sha ai hte bawng rim ai mung hkrum sha saga ai. Dai ni du hkra pyi, anhte mahkra myi man sum nga ga ai.

SHAKAWN KUNGDAWN 10:1

Madu e, nang gaw hpa rai tsan tsan e nga nga n ta? Anhte ru tsang hkrum nga ga ai shaloi nang hpa majaw makoi nga n ta?

SHAKAWN KUNGDAWN 106:41

Shi shanhte hpe masha amyu baw ni a n-gun atsam de ap kau nna; shanhte a gumlau hpyen ni shanhte hpe up hkang nga ma ai.

SHAKAWN KUNGDAWN 30:7

Madu e, nang gaw nye a ntsa e mai kaja nga nit dai; Nang gaw ngai hpe bum ntsa e de da ai hpyen dap langai mi hpe zawn makawp maga da nit dai. Rai ti mung, na a myi man hpe makoi kau ai shaloi, ngai hkrit kahpra mat nngai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

ESAIA 42:24

Kadai wa Israela hpe hpya lu hpya sha ai ni a lata de ap ya nga a ni? Dai gaw anhte yubak galaw shut kau ai dai Madu shi nan rai nga a hka! Shi anhte hpe asak hkrung shangun na ra sharawng ai zawn anhte hkrung ga ai n rai, shi anhte hpe jaw sai sharin shaga ga ni hpe madat ga ai n rai.

ESAIA 59:2

Dai gaw nanhte a yubak mara ni a majaw nanhte a nsen hpe shi n na nga ai. Nanhte Karai Kasang hpe nawku na shakut myit dai shaloi, dai nanhte a yubak mara ni gaw nanhte hpe Karai Kasang kaw na jahka kau ya nga ai.

ESAIA 64:7

Akyu hpyi let nang kaw kayin wa ai masha kadai n nga nga ai; karum la na matu nang kaw kadai n sa nga ai. Nang gaw na hkum hpe anhte kaw na makoi kau nhtawm anhte galaw ai yubak mara ni a majaw anhte hpe kau da nga nit dai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

YEREMIA 33:5

Nkau mi gaw Babelon masha ni hpe htim gasat ma ti mung nye a pawt sindawng ai hte masin kahtet ai hta ngai adup sat ai masha ni a moi mang ni hte nta hkan jahpring da na nngai. Ndai mare masha ni galaw ai n hkru ai amu ni a majaw ngai gaw ndai mare kaw nna myi man kayin mat wa na nngai.

YEREMIA 44:22

Nanhte a n hkru n shawp ai hte matsat shabat re ai arawn alai ni hpe dai Madu gaw loi mi pyi n lu sharang nu ai majaw, nanhte a mungdan gaw dai ni rai nga ai hte maren shingran sharat katsi mat ai hte dai mung hta kadai mung shanu nga ai n rai. Dai gaw yu hkrit hpa shara tai mat nna dai mungdan a mying hpe mung masha amyu ni dagam dala ga tsun ai hta lang nga ma ai.

SHARUNG SHAYAWT 1:8

Shi a arawng sadang hkoi mat nu ai; shi gaw singgu krin rai nga ai hte n kaw n law di hkrum nga ai. Shi gaw madai sharung ai hte shi a myi man hpe kaya ai hte makoi magap da nga ai. Yerusalem gaw shi hkum hpe awu asin di nhtawm hkrit hpa yubak hte matsat shabat di kau wu ai.

EZEKELA 20:27

Ya chyawm gaw, si chye ai masha wa e, Tsaw Htum ai dai Madu ngai nan gaw shanhte hpe kaning ngu tsun shadum nga ai lam, Israela amyu masha ni hpe htawn tsun u. Ndai gaw shanhte a kaji kawa ni n sadi sahka ai hku nna n sawn n sang di ai kaga lam rai nga ai.

EZEKELA 36:36

ai hpang, dai Madu ngai nan hten run mat sai mare ni hpe bai de da ai mung, jahkam da sai yi hkauna ni hta bai hkai lu na matu mung, naw ngam nga ai htingbu masha amyu baw ni chye lu na mara ai. Dai Madu ngai nan ga sadi tawn da sai hte maren, ngai myit ra ai hku galaw na nngai,” ngu nna tsun wu ai.

EZEKELA 39:29

Nye a wenyi hpe Israela amyu masha ni a ntsa e ru bun nna ngai gaw shanhte kaw na galoi mung myi man bai kayin kau da na nngai n rai. Tsaw Htum ai dai Madu ngai nan tsun ni ai,” ngu nna tsun wu ai.

EZEKELA 7:22

Sut gan arung arai hte hpring ai nye a Nawku Htingnu gaw awu asin hkrum nna; damya ni mung dai hpe shang jahten ai hte awu asin di kau ai shaloi, ngai dingbai dingna jaw na nngai n rai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

TARA JAHPRANG 32:20

Shi gaw, ‘Ngai shanhte hpe kachyi mi pyi karum la na nngai n rai,’ ngu nna tsun wu ai; ngai gaw ndai du ja let sadi n dung ai amyu masha ni hta hpa byin wa na lam yu yu na we ai.

TARA JAHPRANG 32:30

Marai langai sha masha hkying mi hpe, marai lahkawng e sha mun mi hpe hpa majaw dang kau lu a ta? Dai Madu shanhte a Karai Kasang shanhte hpe kau da nu ai; chyalai n-gun hte hpring ai shanhte a Karai Kasang shanhte hpe ap kau nu ai.

TARA AGYI 2:14

Shing rai dai Madu gaw Israela hpe masin yu kahtet wu ai majaw shanhte hpe htim gasat nna kashun kashe di nhtawm hpya kau na ni a lata hta ap ya kau wu ai. Shi gaw shanhte hpe grup yin na masha hpyen ni a lata de ap kau ya wu ai majaw Israela masha ni shanhte hkum hpe loi mi pyi n makawp maga la lu na rai ma ai.

TARA AGYI 3:8

Dai Madu gaw Israela ni hpe pawt sindawng wu ai rai nna Mesopotamia Hkawhkam Hkushan Rishahtim a lata de shanhte hpe ap ya ma ai; Shi gaw shanhte hpe matsat ning tup up hkang lai wa nu ai.