EZEKELA 39:17 - Jinghpaw Common Language Bible 2009

¹⁷ Tsaw Htum ai dai Madu gaw ngai hpe, “Si chye ai masha wa e, ntsa malen u ni hte matse labye dusat dumyeng mahkra hpe shanhte a matu lajang da ya nga ai shagu hkungga sa sha na matu shara shagu de na sa zup na saw shaga dat u. Dai gaw Israela bum ni a ntsa na kaba htum ai lusha poi rai na ra ai; shanhte gaw shan sha lu nna asai mung lu lu na mara ai.

Jinghpaw Hanson Version Bible

¹⁷ “Nang, masha kasha e, Madu Yehowa ning nga ai; U amyu myu hte, pa ga na matse labye mahkra hpe htawn tsun u: ‘Sa zuphpawng marit; shan lu sha nna, asai lu lu hkra, Israela bum ni a ntsa e, nanhte a matu ngai lajang da ai shagu hkungga poi kaba de, shara shagu na sa zuphpawng marit.

EZEKELA 39:17 ပူးပေါင်းရင်းမြစ်များ

NINGPAWT NINGHPANG 31:54

Shi gaw, yam nga langai sat nhtawm bum ntsa e hkungga nawng ya wu ai; shi a masha ni hpe mung shat sha shaga wu ai; shanhte lusha sha ngut ai hpang dai bum e lana mi nga shalai kau mu ai.

ESAIA 18:6

Shanhte a hpyenla ni a moi mang ni ntsa malen u ni hte matse labye du sat ni a man e asan sha taw nga na mara ai. Ntsa malen u ni gaw dai hpe ginhtawng ta hta sha nna, matse labye dusat ni gaw nshung ta hta amya sha na mara ai.

ESAIA 29:2

Dai hpang Karai Kasang gaw, “Karai Kasang a tawn hkungri,” ngu shamying ai mare a ntsa e tsin-yam tsindam shapraw na ra ai. Dai shara hta hkrap ngu hkrap ngoi hte hkrap agru ai nsen hpring nna, mare ting gaw asai hte gat lapri da ai tawn hkungri zawn tai mat na ra ai.

ESAIA 34:6

Shi a nhtu gaw hkungga nawng ya ai sagu bainam ni a asai hte asau ni zawn sai hkru nga nna sau abya taw nga na ra ai. Dai Madu gaw Bozra mare e ndai hkungga nawng ya na ra ai; shi gaw Edom mung hta e sat poi kaba galaw na ra ai.

ESAIA 34:7

Amyu masha ni gaw hpawlam hte usu ni zawn kadawng taw mat na mara ai, ginding aga gaw sai hte hkyeng nna sau hte ka-up da ai hkrum na ra ai.

ESAIA 56:9

Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

YEREMIA 12:9

Lata la hkrum sai nye a amyu masha ni gaw man maga shagu kaw nna langji ni htim achye hkrum ai ntsa malen u zawn rai ma ai. Lusha poi hta sa du shang lawm na matu matse labye dusat ni hpe shaga dat mu!

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

YEREMIA 46:10

Ndai gaw Chyahtum Chyalai N-gun Rawng ai Tsaw Htum ai dai Madu a shani rai nga ai: dai ni gaw shi matai dawp na ra ai; dai ni gaw shi a gumlau hpyen ni hpe ari jaw na ra ai. Shi a nhtu gaw hkru kat wa ai aten du hkra shanhte hpe sha kau na ra ai, shanhte a asai hpe myit dik hkra lu na ra ai. Chyahtum Chyalai N-gun Rawng ai Madu gaw dai ni e, dingdung maga Uhprat hka kau e shi a tsin-yam hkrum sha ai masha ni hpe nawng ya nga ai.

EZEKELA 29:5

Ngai gaw nang hte hpawn nga ni mahkra hpe zaibru jang e kabai tawn na nngai. Na a hkum gaw dai hku n lup makoi ai sha ga ntsa e taw nga na ra ai. Ngai gaw ntsa malen u ni hte matse labye dusat ni a shahpa a matu dai hpe jaw na nngai.

EZEKELA 39:16

(Dai yang e, luksuk ni boi mat ai hpang de ai mare langai mi hpe mying shamying da na mara ai.) Shing rai dai mungdan hpe bai jasan jaseng da na mara ai.”

EZEKELA 39:4

Goga hte shi a luksuk ni mung, shi a jinghku hpyen hpung ni mung, Israela bum ni a ntsa e kadawng si na mara ai; shanhte a moi mang ni hpe mung, ntsa malen u ni hte matse labye dusat dumyeng ni yawng a shahpa shatai kau na we ai.

ZEHPANI 1:7

Dai Madu gaw mungkan masha ni hpe tara tingnyang hta dung nna jeyang na nhtoi ni wa magang ra ai; dai majaw shi a man e asim sha nga nga mu. Dai Madu gaw shi a amyu masha ni hpe hkungga nawng jau ya na matu poi shachyip lajang ya nga ai hte Yuda mung hpe hpya kau na matu gumlau hpyen ni hpe shaga da nga nu ai.

MAHTE 24:28

“Mang taw ai shara shagu hkan e, langda ni mung hpawng nga na mara ai.

1 SAMUELA 16:3

Yese hpe mung hkungga nawng jau ai de shaga u; nang kaning rai galaw na lam ngai tsun dan na de ai. Ngai nang hpe tsun dan ai masha wa hpe hkawhkam aya dang ya na matu namman jaw ya na rai ndai,” ngu nna htan wu ai.

1 SAMUELA 17:46

Dai ni jang, dai Madu gaw nye a lata de nang hpe ap kau na ra ai rai nna nang hpe ngai gasat dang kau nhtawm na a baw kahtam di la na nngai. Hpilisti ni a moi mang ni hpe mung ntsa malen u ni hte dusat ni sha na matu, ngai jaw kau na mawe ai. Israela amyu hta Karai Kasang nga nga ai hpe mungkan ga ting chye lu na mara ai;