EZEKELA 39:11 - Jinghpaw Common Language Bible 2009

¹¹ Dai Madu gaw, “Ndai lam yawng byin wa ai shaloi, Israela mung na Jum Nawng a sinpraw maga de nga ai Bu Hkawm Ai Ni a Kadit hta Goga hpe lup makoi na shara ngai jaw na nngai. Goga hte shi a hpyen luksuk ni yawng gaw dai shara lup makoi ai hkrum nna dai kadit hpe mung, ‘Goga Hpyen Luksuk a Kadit,’ ngu nna shamying da na mara ai.

Jinghpaw Hanson Version Bible

¹¹ “Dai shani e ngai gaw, Israela mung hta e, nawng a sinpraw maga sa wa ai nmaw lam kadit e, Goga hpe lup makoi na matu, lupwa jaw na nngai; dai hku Kadai n lai lu na mara ai; shanhte gaw dai yang e Goga hte shi a wunawng wuwa ni hpe lup makoi nna, dai shara gaw Hamon-goga nga nna mying na ra ai.

EZEKELA 39:11 ပူးပေါင်းရင်းမြစ်များ

PRU MAT 8:14

Egutu masha ni mung dai shu chyasi ni hpe hkan hta sumpum da ma ai rai nna mung ting manam hkying nga ai.

EZEKELA 38:2

Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

EZEKELA 39:10

Shanhte gaw wan ju na matu hpyen laknak arung arai ni lu nga ma ai majaw, layang hkan e hpun n hta, maling hkan e mung hpun n kran ra na mara ai. Shanhte hpe hpya lu hpya sha, kashun kashe lanep hta ai ni hpe shanhte hpya lu hpya sha nna kashun kashe lanep hta la na mara ai,” ngu nna tsun ai. Tsaw Htum ai dai Madu tsun nu ai.

EZEKELA 39:12

Israela ni gaw moi mang yawng lup makoi na matu mung, mungdan bai jasan jaseng na matu mung, shata sanit tup aten la na mara ai.

EZEKELA 39:15

Shanhte gaw mungdan kata hta lung wa, yu wa ningwan hkawm ma ai shaloi, masha nrut nra hpe mu tam ai aten shagu dai makau hta masat hpundung jung da ai hte lup htu ai ni mung dai shara de sa nna Goga a Hpyen Luksuk Kadit hta dai hpe lup makoi ma ai.

EZEKELA 47:18

“Sinpraw maga de na lamu ga jarit gaw Damasku mungdaw hte Hauran mung lapran nchyun shara kaw nna dingda daw Yawdan hka dingyang yu wa nhtawm Jum Nawng hte htep re ai Tamara mare du hkra rai nga ai. Dai Yawdan Hka gaw sinna maga Israela mung hte sinpraw maga Gilead mung yan hpe garan da ai jarit rai nga ai.

BU HKAWM 11:34

Shanhte gaw shan sha marim ma ai majaw dai shara hpe Kibrot Hatawa ngu nna shamying ma ai; dai gaw “Shan sha marim ai lup ni” ngu ai lachyum rai nga ai; hpa majaw nga yang shanhte gaw shan sha marim ai amyu masha ni hpe dai yang e lup da nga ma ai.

BU HKAWM 34:11

Dai kaw nna dingda maga Harbela de yu wa nhtawm Ain a sinpraw maga hku hprang, Galile Nawng a sinpraw hkin-gau ntsa na kawng marawn hku garet wa ai hte,

LUKA 5:1

Lani mi hta Yesu gaw, Genesaret nawng makau e tsap nga yang, shawa masha ni Karai Kasang a mungga madat na nga nna shi a man de lu tsap hkra kaput katut bang wa ma ai.

YAWHAN 6:1

Dai hpang Yesu gaw Tiberi ngu ai Galile nawng wora hkran de rap sa wa ai.