EZEKELA 38:4 - Jinghpaw Common Language Bible 2009

⁴ Ngai gaw shi hpe kayin la nhtawm shi a shakap hta hpri chyinghkyi hte mahkai nna shi hpe mung, shi a hpyenla ni yawng hpe mung garawt shapraw kau na nngai. Shi a hpyen luksuk hte de a gumra ni hte hpyen hking sumraw da ai gumra jawn ai ni gaw grai law htam nga ai; dai sha n-ga, share shagan hpyenla shagu mung nhtu hte ninggang langai hpra lang da nga ma ai.

Jinghpaw Hanson Version Bible

⁴ ngai nang hpe kayin shangun nna, na a shakap hpe hpri chyinghkyi hte mahkai na nngai; na a luksuk laba ni yawng hpe, gumra ni hte gumra jawn ai ni hpe, hpyen hpun palawng bu hpun ai ni hte n-gang kaji n-gang kaba lang nna, nhtu shaw ai wunawng wuwa kaba hpe, nang hte hpawn ngai shapraw na nngai:

EZEKELA 38:4 ပူးပေါင်းရင်းမြစ်များ

2 HKAWHKAM 19:28

Na a n'yun bu ai hte gumrawng gumtawng ga ni hpe ngai lu la ni ai. Ya chyawm gaw ngai na a ladi hta lashoi shoi ya nna n-gup hta runghtung bang let nang du sa wa ai lam hku bai nhtang wa shangun na de ai.

1 HKAWHKAM LABAU 12:8

Ndai gaw Dawi nga ai nam mali hpyen dap hta Dawi a hpyen hpung ni de shang mat wa ai Gad a amyu bawsang hta na gumhkawng nna mahkrum madup law ai hpyenla ni a mying rai nga ai. Shanhte gaw hpyen majan amu chye galaw nna ri ninggang chye lang nga ma ai; shanhte gaw hkanghkyi ni zawn myi dai nna bum ga na shan nga zawn gat laram chye nga ma ai.

2 HKAWHKAM LABAU 25:5

Hkawhkam Amazia gaw shanhte a amyu lakung ni hkan nna hpyen hpung de shang na matu Yuda hte Benyamin amyu bawsang na amyu masha ni hpe jahpawng tawn da nna, hpyen hkying mi up hkang ai du, latsa up hkang ai du ni a npu hta tawn da nga ai. Dai hta asak hkun ning shing n rai dai hta lai ai masha yawng 300,000 lawm nga ai. Shanhte gaw hpyen hpung ni hta shang ram ai ni rai nna nri ni hte ninggang ni hpe atsawm sha chye lang sai hte majan gasat na matu shajin da nga masai.

ESAIA 37:29

Na a n-yun bu ai shiga hte na a gumrawng gumtawng ai ga ni hpe ngai lu la nngai, ya chyawm gaw, na ladi hta lashoi shoi ya nna na a n-gup hta runghtung bang let, nang du sa wa ai lam hku bai nhtang mat wa shangun na de ai.”

ESAIA 43:17

Shi gaw n-gun ja ai hpyen luksuk hpe woi nna jahten sharun kau na matu, hpyen leng ni hte gumra luksuk hpung mi hpe woi awn nga ai. Shanhte yawng kadawng taw nna, galoi mung n rawt lu masai, wan kawk hta shachyi ai wan shinglet hpe zawn sat shamyit kau nga ai.

YEREMIA 46:9

Hpyen gumra ni pru sa nna, hpyen leng ni hkawm taleng nga na hkang dat nu ai! Ehtiopi mung hte Libya mung na hpyen ninggang ni hpe lang nga ai hpyenla ni hte Ludi mung na ndan chye shachyen ai masha ni pru wa mu ga,’” ngu nna tsun wu ai.

EZEKELA 23:12

Shi mung Asuri du magam ni, du salang ni, kabrim ai hpun palawng bu hpun da ai hpyenla ni hte gumra dap na du ni hpe ra gasit ai myit hpring nga ai; shanhte yawng gaw hkum shingyan tsawm ai shabrang ni hkrai rai ma ai.

EZEKELA 29:4

Ngai gaw na a shinggyeng hpe hpri chyinghkyi hte mahkai nna na a hka hta rawng nga ai nga ni hpe nang hta alawan kap shangun na nngai. Dai hpang, ngai gaw nang hte hpawn nang hta kap nga ai nga ni hpe Nila hka kaw nna garawt shapraw kau na we ai.

EZEKELA 38:15

masha amyu baw law law kaw na daru magam n-gun rawng ai hte gumra jawn ai hpyen luksuk kaba hpe woi awn nhtawm tsan ai dingdung maga na a shara kaw na nang du yu wa na lam shatawng shada da nga ndai.

EZEKELA 38:3

Tsaw Htum ai dai Madu ngai gaw shi a hpyen rai nga nngai lam shi hpe tsun u.

EZEKELA 39:2

Ngai shi hpe lam nnan de kayin dat nhtawm, Israela bum ni de shi du sa wa ai aten du hkra, tsan ai dingdung maga kaw nna pru wa ai hte woi awn na ra ai.

EZEKELA 39:20

Shanhte gaw nye a sha ku hta gumra ni, leng jawn ai ni, hpyenla ni, hte gasat masha ni hpe hkru kat hkra sha lu na mara ai. Tsaw Htum ai dai Madu ngai nan tsun ni ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

AMO LAIKA (AMOS) 4:2

Tsaw Htum ai dai Madu gaw chyoi pra nga ai hte maren, shi gaw, “Shanhte gaw nanhte hpe chyinghkyi ni hte garawt mat wa ai shaloi, dai nhtoi ni du wa na ra ai; nanhte kaw na marai shagu hte gaw myek hta lu ai nga zawn tai mat na rai myit dai.