EZEKELA 38:3 - Jinghpaw Common Language Bible 2009

³ Tsaw Htum ai dai Madu ngai gaw shi a hpyen rai nga nngai lam shi hpe tsun u.

Jinghpaw Hanson Version Bible

³ ‘Madu Yehowa ning nga ai: Rosha, Meshek, Tubala du Goga e, ngai nang hpe hkap daw na nngai:

EZEKELA 38:3 ပူးပေါင်းရင်းမြစ်များ

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

EZEKELA 13:8

Dai rai nna Tsaw Htum ai dai Madu gaw shanhte hpe, “Nanhte tsun ai ga ni gaw n teng n man nga ai; nanhte a myit shingran ni mung masu magaw ga ni hkrai rai nga malit dai. Ngai nanhte hpe ninghkap nngai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

EZEKELA 32:26

“Meshek yan Tubala hte shan a grup yin e, shan a hpyenla ni a lup sung hku ni mung nga nga ma ai. Shanhte yawng gaw matu gadoi n hkam ai ni rai nna majan hta sat kau hkrum ai ni hkrai rai ma ai. Shanhte gaw asak hkrung ai dinghta ga hpe lang mi jahkrit shama yu masai.

EZEKELA 35:3

Dai masha ni hpe Tsaw Htum ai dai Madu ngai hpa tsun nga nngai lam hpe tsun dan u: “Edom a bum ni e, ngai gaw na a hpyen rai nga nngai! Ngai gaw nang hpe katsi katsang shara shatai kau na we ai.

EZEKELA 38:2

Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

EZEKELA 38:4

Ngai gaw shi hpe kayin la nhtawm shi a shakap hta hpri chyinghkyi hte mahkai nna shi hpe mung, shi a hpyenla ni yawng hpe mung garawt shapraw kau na nngai. Shi a hpyen luksuk hte de a gumra ni hte hpyen hking sumraw da ai gumra jawn ai ni gaw grai law htam nga ai; dai sha n-ga, share shagan hpyenla shagu mung nhtu hte ninggang langai hpra lang da nga ma ai.