EZEKELA 38:23 - Jinghpaw Common Language Bible 2009

²³ Ndai lam hku nna ngai gaw galu kaba ai hte chyoi pra nga nngai hpe masha amyu baw ni yawng hpe madun dan na nngai. Dai shaloi, ngai nan dai Madu rai nga nngai hpe shanhte chye lu na mara ai.

Jinghpaw Hanson Version Bible

²³ Shing rai ngai gaw, nye hkum hpe shagrau shatsaw nna, shachyoi shapra ai hte, maigan amyu law law a man e chye shangun na nngai: shaloi ngai Yehowa rai nga ai hpe, shanhte chye lu na mara ai.”

EZEKELA 38:23 ပူးပေါင်းရင်းမြစ်များ

SHAKAWN KUNGDAWN 9:16

Dai Madu gaw shi a ding man ai tara dara lam ni hta shi hkum nan hpe shadan dan nu ai hte; tara n lang ai ni gaw shanhte galaw ai arawn alai hte maren, mahkam hta lu nga ma ai.

PRU MAT 14:4

Ngai mung shi hpe masin shaja ya ai hte shi mung nanhte hpe hkan shachyut na ra ai; shaloi hkawhkam wa hte shi a hpyen luksuk ni mahkra nye a awng padang hpe shagrau sha-a na mara ai. Shaloi Ngai nan dai Madu rai nga nngai hpe Egutu masha ni chye lu na mara ai,” ngu nna tsun wu ai. Israela amyu masha ni mung tsun matsun ai hte maren galaw ma ai.

ESAIA 25:3

Daru magam n-gun rawng ai masha amyu baw ni nang hpe shakawn kungdawn na mara ai; Mazut ai masha amyu baw ni a mare ni nang hpe hkrit kamyin wa na mara ai.

EZEKELA 20:41

Ngai gaw nanhte hpe shabra kau dat ai mungdan ni kaw nna woi wa nhtawm nanhte hpe shinggyin la ai hte jahpawng da ai hpang, nanhte nat nawng ai shagu hkungga ni hpe hkap la na nngai. Ngai nan chyoi pra nga nngai hpe amyu masha ni mu lu na mara ai.

EZEKELA 20:42

Nanhte a nji nwa ni hpe jaw na ngu, ngai ga sadi tawn da ai Israela mung de nanhte hpe ngai bai woi nhtang wa ai shaloi, ngai nan dai Madu rai nga nngai hpe nanhte chye lu na marin dai.

EZEKELA 28:22

Tsaw Htum ai dai Madu ngai nan dai mare na masha ni hpe shanhte hte seng nna tsun ai ga hpe htawn tsun u: Sidon mare e, ngai gaw na hpyen rai nga nngai; ngai nang hpe galaw na amu a majaw amyu masha ni ngai hpe shakawn shagrau na mara ai. Nang kaw nga ai ni hpe ari jaw nna ngai kade wa chyoi pra nga nngai hpe madun dan ai shaloi, ngai nan dai Madu rai nga nngai hpe shanhte chye na mara ai.

EZEKELA 28:25

Tsaw Htum ai dai Madu gaw, “Israela amyu masha ni hpe ngai shabra kau dat ai masha amyu baw ni a lata kaw na bai woi nhtang wa na nngai. Ngai gaw chyoi pra nga nngai hpe masha amyu baw ni yawng chye wa na mara ai. Israela amyu masha ni gaw nye a shangun ma Yaku hpe jaw da sai mungdan ngu ai shanhte a lamu ga hta shanu nga na mara ai.

EZEKELA 36:23

Maigan amyu ni a ka-ang e, nanhte jahpoi kau ya ai nye a galu kaba ai dai chyoi pra ai mying ningsang hpe masha amyu baw ni a man e n-gun madun dan ai shaloi, ngai nan dai Madu rai nga nngai hpe shanhte chye lu na mara ai. Tsaw Htum ai dai Madu ngai nan tsun ni ai. Ngai nan chyoi pra nga nngai lam masha amyu baw ni hpe madun dan lu na matu, ngai nang hpe jai lang na nngai.

EZEKELA 37:28

Ngai gaw nye a Nawku Htingnu hpe shanhte a ka-ang e htani htana tawn da ai shaloi, dai Madu ngai nan lata la sai Israela ni gaw nye a amyu masha majing ni nan rai nga ai hpe masha amyu baw ni chye lu na mara ai,” ngu nna tsun wu ai.

EZEKELA 37:6

Nanhte a lasaw lasa ni hpe gran da ya nna ahpyi ni hte kayawp da ya na nngai. Ngai gaw nanhte a kata de nsoi nsa bang ya ai hte nanhte mung bai hkrung nga na marin dai. Shaloi, ngai nan dai Madu rai nga nngai hpe nanhte chye lu na marin dai,” ngu nna tsun wu ai.

EZEKELA 38:16

Nang gaw nye a amyu masha Israela hpe nbung laru ahpawt mat wa ai zawn htim gasat na rin dai. Ngai kadai rai nga nngai hpe masha amyu baw ni mu chye shangun na matu mung, na a jaw e, ngai galaw ai nye a chyoi pra ai amu hpe madun dan na matu mung, dai aten du ai shaloi, nye a mungdan hpe htim gasat na matu ngai nang hpe shangun dat na nngai.

EZEKELA 39:13

Mung masha shagu gaw shanhte hpe lup makoi na mara ai; ngai awng padang lu ai shani e, ndai lam a majaw shanhte shagrau sha-a hkrum na mara ai. Tsaw Htum ai dai Madu ngai nan tsun ni ai.

EZEKELA 39:21

Dai Madu gaw, “Nye a teng man ai daw dan lam ni hpe galaw shapraw na matu, nye a daru magam n-gun hpe kaning rai lang ai, nye a hpung shingkang masha amyu baw ni hpe ngai madun dan ai hpe shanhte mu lu na mara ai.

EZEKELA 39:27

Ngai nan chyoi pra nga ai hpe masha amyu baw law law ni hpang de madun dan lu na matu, nye a amyu masha ni hpe shanhte a gumlau ai hpyen ni shanu ai mungdan ni kaw na bai woi wa na nngai.

EZEKELA 39:7

Ngai gaw nye a chyoi pra ai mying ningsang hpe nye a amyu masha ni hpe kaja wa teng teng chye shangun nna nye a mying ningsang hpe htawm hpang de galoi mung myi man sum shangun na n rai. Dai hpang, dai Madu ngai nan Israela a chyoi pra ai Karai Kasang rai nga ai hpe masha amyu baw ni chye lu na mara ai,” ngu nna tsun wu ai.