EZEKELA 38:2 - Jinghpaw Common Language Bible 2009

² Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

Jinghpaw Hanson Version Bible

² “Masha kasha e, Rosha, Meshek Tubala mung ni a du, Magoga masha Goga hpang de myi man yawng nna, myihtoi htoi let htawn tsun u;

EZEKELA 38:2 ပူးပေါင်းရင်းမြစ်များ

NINGPAWT NINGHPANG 10:2

Ya Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai ma ai. Shanhte gaw shanhte a mying ni hta hkan nna ran yu wa ai amyu bawsang ni a kaji kawa ni tai wa masai.

1 HKAWHKAM LABAU 1:5

Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai nga ai; shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga ma ai.

SHAKAWN KUNGDAWN 120:5

Nanhte a lapran e ngai nga nga ai gaw Meshek mung hta e nga nga ai zawn mung; Kedara amyu masha ni a lapran e nga nga ai zawn mung, nni nkri rai nga ai.

ESAIA 66:19

shanhte hpe ari jaw ai wa ngai rai nga nngai hpe chye wa na mara ai. “Rai ti mung, shanhte hta na nkau mi hpe ngai ngam tawn da nna, nye a mying dan hkung ai hpe n na yu ai, nye a galu kaba ai hte daru magam n-gun hpe n mu yu ai, dai ndan gap share shagan masha ni nga ai Spain, Libya hte Ludi mung ni hpang de mung, Tubala hte Grik mung hkan nga ai amyu baw ni hte sumtsan mung na masha ni hpang de mung, shanhte hpe ngai shangun dat na nngai. Shanhte gaw dai mungdan ni hta nga ai amyu baw ni hpe nye a galu kaba ai lam tsun dan na mara ai.

EZEKELA 2:1

Dai Madu gaw ngai hpe, “Si chye ai masha e, rawt tsap u. Ngai nang hpe ga shaga mayu nngai,” ngu nna tsun nga ai.

EZEKELA 20:46

Shi gaw, “Si chye ai masha wa e, dingda maga de yu yu u. Dingda maga de ga tsun nna, dingda maga na maling hpe hkap daw nhtawm myihtoi htoi u.

EZEKELA 25:2

Shi gaw, “Si chye ai masha wa e, Amon mung hpe myihtoi htoi u.

EZEKELA 27:13

Nang gaw Grik, Tubala hte Meshek masha ni hte hpaga yumga galaw nna na a gun rai ni hpe mayam ni hte mung, magri mang gawm ni hte mung galai hkat nga ndai.

EZEKELA 32:26

“Meshek yan Tubala hte shan a grup yin e, shan a hpyenla ni a lup sung hku ni mung nga nga ma ai. Shanhte yawng gaw matu gadoi n hkam ai ni rai nna majan hta sat kau hkrum ai ni hkrai rai ma ai. Shanhte gaw asak hkrung ai dinghta ga hpe lang mi jahkrit shama yu masai.

EZEKELA 38:1

Dai Madu gaw ngai hpe ga shaga wu ai.

EZEKELA 38:14

Dai rai nna, Tsaw Htum ai dai Madu gaw Goga hte seng nna tsun ai mungga shi hpe htawn tsun na matu, ngai hpe shangun dat wu ai: “Ya chyawm gaw, nye a amyu Israela ni shim lum ai hte shanu nga ma yang,

EZEKELA 38:3

Tsaw Htum ai dai Madu ngai gaw shi a hpyen rai nga nngai lam shi hpe tsun u.

EZEKELA 39:1

Tsaw Htum ai dai Madu gaw, “Si chye ai masha wa e, Meshek hte Tubala masha amyu baw ni hpe up hkang ai du kaba Goga hpe htawn tsun u, ngai gaw shi a hpyen rai nga nngai ngu shi hpe tsun u.

EZEKELA 39:11

Dai Madu gaw, “Ndai lam yawng byin wa ai shaloi, Israela mung na Jum Nawng a sinpraw maga de nga ai Bu Hkawm Ai Ni a Kadit hta Goga hpe lup makoi na shara ngai jaw na nngai. Goga hte shi a hpyen luksuk ni yawng gaw dai shara lup makoi ai hkrum nna dai kadit hpe mung, ‘Goga Hpyen Luksuk a Kadit,’ ngu nna shamying da na mara ai.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

EZEKELA 6:2

Shi gaw, “Si chye ai masha wa e, Israela a bum ni de myi man yawng nna shanhte hpe nye a mungga jaw u.