EZEKELA 38:19 - Jinghpaw Common Language Bible 2009

¹⁹ Nye a sindawng kahtet ai shani e, Israela mungdan hta laja lana re ai nnang nawn kaba nawn wa na ra ai, ngu nna ngai tsun nga nngai.

Jinghpaw Hanson Version Bible

¹⁹ Gaja wa, dai shani e Israela mung ting hta, nnang nawn kaba nawn wa na ra ai, nga nna nye a n-yun bu ai wan hkru let, ngai tsun ni ai:

EZEKELA 38:19 ပူးပေါင်းရင်းမြစ်များ

SHAKAWN KUNGDAWN 18:7

Shing rai, Karai Kasang gaw pawt sindawng ai a majaw, ginding aga gaw gari awam wa nna, bum ni a npawt nhpang ni mung shamu shamawt nga ai.

SHAKAWN KUNGDAWN 18:8

Shi a ladi hku ni kaw nna wan hkut ni pru wa nhtawm, shi a n-gup kaw nna grung ai wan shinglet hte hkru nga ai wan n-ga ni hte pru wa nga ai.

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 42:15

Ngai gaw kawng ni hte bum ni hpe jahten kau na nngai tsingdu tsingman hte hpun ni hpe jahkraw kau na nngai. Ngai gaw hka nu lwi hkrat ai kadit ni hpe zaibru jang shatai kau nna, hka la-ing ni hpe jahkraw kau na we ai.

EZEKELA 36:5

“Grup yin masha amyu baw ni, grau nna Edom amyu masha ni hpe hkap daw na, Tsaw Htum ai dai Madu ngai nan nye a sindawng kahtet ai myit hte tsun shapraw dat ni ai. Shanhte gaw nye a mungdan hpe kabu gara ai myit hte mung, pagawn mi n gawn n sawn re ai myit hte mung ka-up la nna dai mung na udat shara ni hpe madu la nga ma ai.

EZEKELA 36:6

“Dai rai nna, Israela mung hte seng nna myihtoi htoi u: masha amyu baw ni shanhte hpe n kaw n law di kau mu ai hte kaya kahpa jahkrum ma ai majaw, Tsaw Htum ai dai Madu ngai nan myit na machyi nna sindawng kahtet ai hte tsun nga ai ga ni hpe bum ni hte kawng ni hpe mung, hkraw hkamwam ni hte kadit ni hpe htawn tsun u.

EZEKELA 39:25

Tsaw Htum ai dai Madu gaw, “Rai ti mung, Yaku a aru arat ni rai nga ai Israela amyu masha ni hpe ya ngai matsan dum la nna, shanhte hpe kalang mi bai ngamu ngamai shangun na nngai. Nye a chyoi pra ai mying ningsang hpe mung ngai maga na nngai.

EZEKELA 39:6

Ngai gaw Magoga mung hta mung, panglai hkin-gau mayan hku apyaw alaw hte shanu nga ai ni hta mung wan shachyi dat na nngai, shaloi ngai nan dai Madu rai nga nngai hpe masha shagu chye lu na mara ai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

YOELA 2:18

Dai hpang, dai Madu gaw shi a mungdan a matu myit ru tsang ai lam madun dan nu ai; shi gaw shi a amyu masha ni hpe matsan yu dum nga ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

NAHUM 1:2

Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

ZEHKARIA 1:14

lamu kasa mung Chyahtum Chyalai N-gun rawng ai dai Madu ning nga tsun ai ga hkaw tsun na matu ngai hpe tsun wu ai: “Ngai gaw nye a chyoi pra ai Yerusalem hpe ngai dik hkra tsaw ra ai hte myit tsang nngai,

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.

TARA JAHPRANG 32:22

Nye a masin kahtet ai gaw wan zawn grung wa nna, ginding aga ntsa na arai shagu hpe hkru kau na ra ai. Dai gaw mungkan ga a lawu tsang de du hkra dep nna, bum ni a npawt nhpang ni hpe hkru kau na ra ai.

HEBRE 12:26

Dai aten hta Karai Kasang a nsen gaw ginding aga hpe ashun dat wu ai, rai ti mung ya gaw, “Ginding aga hpe sha n rai, Sumsing lamu hpe mung ngai kalang mi naw ashun dat we ai,” nga nna ga sadi tawn da nu ai.

HEBRE 12:29

Hpa majaw nga yang, anhte a Karai Kasang gaw hkru jahten kau chye ai wan nan rai nga ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 16:18

Dai aten hta, myihprap gala ai, nsen kadu ai, mu ngoi ai, hkrithpa nnang nawn byin pru wa ai. Ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 16:20

Zunlawng ni yawng mat ma nna, bum ni yawng wai mat ma ai.