EZEKELA 38:15 - Jinghpaw Common Language Bible 2009

¹⁵ masha amyu baw law law kaw na daru magam n-gun rawng ai hte gumra jawn ai hpyen luksuk kaba hpe woi awn nhtawm tsan ai dingdung maga na a shara kaw na nang du yu wa na lam shatawng shada da nga ndai.

Jinghpaw Hanson Version Bible

¹⁵ Shaloi nang gaw, gumra jawn ai luksuk laba, wunawng wuwa, amyu myu hte rau dingdung maga de na lung wa nna,

EZEKELA 38:15 ပူးပေါင်းရင်းမြစ်များ

EZEKELA 32:30

“Dingdung maga de na hkawhkam kasha ni ngu ai Sidon masha ni yawng mung dai shara hta nga nga ma ai. Shanhte a n-gun atsam hpe lang mi na aten hta hkrit hpa hku shapraw dan lai wa masai; rai ti mung ya chyawm gaw, matu gadoi n hkam ai sha si kaleng taw nga ai ni hte majan hta sat kau hkrum sai ni hte rau nsung hku de yu wa ai hte kaya kahpa sum hkrum nga ma ai. Shanhte gaw katsan ga de yu wa ai ni hte rau kaya kahpa hkrum nga ma ai.

EZEKELA 38:4

Ngai gaw shi hpe kayin la nhtawm shi a shakap hta hpri chyinghkyi hte mahkai nna shi hpe mung, shi a hpyenla ni yawng hpe mung garawt shapraw kau na nngai. Shi a hpyen luksuk hte de a gumra ni hte hpyen hking sumraw da ai gumra jawn ai ni gaw grai law htam nga ai; dai sha n-ga, share shagan hpyenla shagu mung nhtu hte ninggang langai hpra lang da nga ma ai.

EZEKELA 38:6

Dingdung maga de nga ai Gome hte Bet Togama mung na gasat masha ni yawng mung, kaga masha amyu baw ni hta na hpyen masha law law ni mung, shi hte rau rai ma ai.

EZEKELA 39:2

Ngai shi hpe lam nnan de kayin dat nhtawm, Israela bum ni de shi du sa wa ai aten du hkra, tsan ai dingdung maga kaw nna pru wa ai hte woi awn na ra ai.

Daniela 11:40

“Ya Suri hkawhkam a hpang jahtum aten ganoi du wa jang, Egutu hkawhkam wa shi hpe htim gasat na ra ai; shaloi Suri hkawhkam wa mung shi a n-gun atsam mahkra hte hpawn hpyen leng ni, gumra ni, sanghpaw li law law hte bai nhtang htim na ra ai. Shi gaw mungdan law law hpe mawru hka zawn shang gasat hkawm wa na ra ai.

YOELA 3:11

Grup yin masha amyu baw yawng hte e, alawan sa wa nna, kadit e jahpawng nga mu,’” ngu nna tsun wu ai. O Madu e, shanhte hpe gasat na matu na a hpyen hpung dat dat u.

YOELA 3:2

Ngai gaw masha amyu baw ni yawng hpe jahpawng da nna, shanhte hpe Tara Jeyang ai Kadit de woi sa wa na nngai. Dai yang e, nye a amyu masha ni hpe shanhte galaw manu ai yawng mayawng a matu ngai shanhte hpe jeyang na nngai. Shanhte gaw Israela amyu masha ni hpe maigan mung de shaden kau nna nye a mungdan Israela hpe karan kau manu ai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 16:16

Dai nat wenyi ni gaw hkawhkam ni hpe, Hebre ga hku Armagedon ngu ai shara de shaga jahpawng da mu ai.

SHINGRAN 20:8

Mungkan ting chyam bra nga ai Goga hte Magoga ngu ai masha amyu ni yawng hpe hkalem na matu pru sa wa na ra ai. Satan gaw hpyen gasat na matu panglai na zaibru daram law ai shi a masha ni hpe jahpawng da na ru ai.