EZEKELA 38:14 - Jinghpaw Common Language Bible 2009

¹⁴ Dai rai nna, Tsaw Htum ai dai Madu gaw Goga hte seng nna tsun ai mungga shi hpe htawn tsun na matu, ngai hpe shangun dat wu ai: “Ya chyawm gaw, nye a amyu Israela ni shim lum ai hte shanu nga ma yang,

Jinghpaw Hanson Version Bible

¹⁴ “Dai rai nna, masha kasha e, myihtoi htoi let, Goga hpe tsun u, ‘Madu Yehowa ning nga ai: Nye a amyu Israela gaw apyaw alaw shanu nga ai shani e, nang chye lu na, n rai ni?

EZEKELA 38:14 ပူးပေါင်းရင်းမြစ်များ

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

EZEKELA 37:28

Ngai gaw nye a Nawku Htingnu hpe shanhte a ka-ang e htani htana tawn da ai shaloi, dai Madu ngai nan lata la sai Israela ni gaw nye a amyu masha majing ni nan rai nga ai hpe masha amyu baw ni chye lu na mara ai,” ngu nna tsun wu ai.

EZEKELA 38:11

Makawp maga lam hpa mung n nga ai hte mare bunghku n kum da ti mung, ngwi pyaw sim sa ai hte shim lum ai hku amyu masha ni tinang hkrai asan apan rai shanu nga ai mungdan hpe shang gasat na matu nang myit daw dan na rin dai.

EZEKELA 38:2

Shi gaw, “Si chye ai masha wa e, Magoga mungdan na Meshek hte Tubala amyu baw ni a up hkang du kaba Goga hpe jahpoi u. Shi hpe jahpoi u.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

YOELA 3:1

Dai Madu gaw, “Dai aten hta, ngai gaw Yuda hte Yerusalem a ngamu ngamai lam hpe bai jaw na nngai.

ZEHPANI 3:8

Dai Madu gaw, “Sha ala nga mu,” ngu nna tsun wu ai. Masha amyu baw ni hpe mara jaw na matu ngai rawt sa wa ai nhtoi du hkra ngai hpe ala nga mu; Masha amyu baw ni hte hkawhkam mungdan ni nye a masin kahtet ai hpe shanhte hkam sha lu na matu shanhte hpe zup hpawng shangun na nga, ngai shatawng shada da nngai. Nye a sindawng kahtet ai masin a majaw ginding aga ting jahten kau hkrum na ra ai.

ZEHKARIA 2:5

Dai Madu chyawm gaw dai mare hpe makawp maga na matu mare grup grup e shi nan wan bunghku tai nna, shi a hpung shingkang hte dai yang e shanu nga na nngai, nga nna ga sadi jaw da nu ai,” nga nna tsun dan wu ai.

ZEHKARIA 2:8

Nanhte hpe adup ai wa kadai mung nye a matu manu dan htum ai hpe adup ai wa rai nga ai,” ngu nna tsun wu ai. Dai rai nna, Chyahtum Chyalai N-gun rawng ai dai Madu gaw shi a amyu masha ni hpe hpya ayai kau ai masha amyu baw ni a matu ndai mungga hte hpawn ngai hpe shangun dat wu ai: