EZEKELA 38:13 - Jinghpaw Common Language Bible 2009

¹³ Sheba hte Dedan masha ni mung, Spain mare kahtawng hkan na hpaga ga ai ni mung nang hpe, ‘Lanep kashun la lu na matu, na a hpyen luksuk hpe nang jahpawng tawn nna gasat nga n ni? Ja, gumhpraw, yam nga hte sut gan amyu myu hpe jahten kau na matu nang myit shatawng nga n ni?,’” ngu nna san na mara ai.

Jinghpaw Hanson Version Bible

¹³ Sheba hte Dedan, Tarshi hpaga ga ai ni hte, de a hkanghkyi uram ni yawng, Lanep lu la na matu nang sa n ni? aja gumhpraw, yamnga hte arung arai, sutgan amyu myu kashun la na matu, na a wunawng wuwa ni hpe, jahpawng tawn n ni?” nga nna nang hpe san na mara ai.

EZEKELA 38:13 ပူးပေါင်းရင်းမြစ်များ

SHAKAWN KUNGDAWN 57:4

Masha shan sha ai hkanghkyi ni zawn, gumlau hpyen ni wang shinggrup da ai ngai hkrum nga nngai. Shanhte a wa ni gaw nri hte pala ni zawn rai nga ai, shanhte a shinglet ni dai ai nhtu ni zawn rai ma ai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

YEREMIA 15:13

Dai Madu gaw ngai hpe, “Mungdan ting hta shanhte shut kau ai yubak ni a majaw, shanhte hpe ari jaw na matu nye a amyu masha ni a sut gan arung arai ni hpe magawn mat wa na gumlau hpyen ni hpe ngai dat dat na nngai.

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 51:38

Babelon mung masha ni yawng gaw hkanghkyi ni zawn shabam nna, hkanghkyi hkalung ni zawn nying na mara ai.

EZEKELA 25:13

Ya chyawm gaw, Edom mung hpe ari jaw na matu mung, masha shagu hte dusat yam nga ni hpe sat kau na matu mung, ngai ndau na nngai. Ngai gaw dai mung hpe Teman mare kaw nna Dedan mare du hkra dai mung na shara hpe shingran katsi kau shangun na nngai; masha ni mung majan pa e sat kau ai hkrum na mara ai.

EZEKELA 27:12

“Nang gaw Spain mung hte hpaga yumga galaw nna na a law la ai gun rai ni hpe galai la na matu, gumhpraw hpri, ajang hte machyu ni hpe la sa wa nga ndai.

EZEKELA 27:15

Dedan masha ni gaw nang hte hpaga ga ma ai; zunlawng law law na masha ni mung nang hte gun rai galai hkat na matu magwi kawng hte hpun chyang dut ya ma ai.

EZEKELA 27:20

Dedan mare masha ni gaw gumra jawn ai ni lang ai nba ni dut nna nang hte hpaga ga ma ai.

EZEKELA 27:25

Na a gun rai gaw kaba la ai gun rai htaw sanghpaw li wunawng hte htaw mat wa ma ai. “Nang gaw li ai gun rai hte hpring nna Panglai hta nga ai sanghpaw li langai zawn rai nga ndai.

EZEKELA 32:2

Shi gaw, “Si chye ai masha wa e, Egutu hkawhkam hpe dagam ai shadum jahprang ga hte htawn tsun u. Ngai kaw na lu la ai ndai mungga hpe mung tsun u: Nang gaw masha amyu baw ni a lapran e, hkanghkyi zawn galaw dan nga ndai; rai ti mung hka yan hku kapruk hkawm ai hkangse hte grau nna bung nga ndai. Nang gaw na a lagaw ni hte hka kata na hkumpup ni mahkyit sharawt la nna, hka nu ni hpe hkanu kau nga ndai.

YOELA 3:8

Ngai gaw nanhte a shayi shadang sha ni hpe Yuda masha ni a lata de dut kau na nngai; shing rai shanhte gaw dai ma ni hpe tsan tsan e nga ai Sabean masha ni hpe dut ya na mara ai. Dai Madu ngai nan tsun ni ai.

ZEHKARIA 11:3

Mung up salang ni jahtau let yawn ma ai; shanhte a hpung shingkang htum mat manu ai! Hkanghkyi ni a shabam ai nsen hpe madat u; Yawdan hka mayan hku na shanhte a maling nta hten za mat sai!