EZEKELA 38:12 - Jinghpaw Common Language Bible 2009

¹² Nang gaw lang mi hten run mat nna katsi katsang rai mat sai mare ni hta nga ai amyu masha ni a lanep hpe shang hpya na rai ndai. Shanhte gaw amyu baw ni a lata kaw na shinggyin la hkrum ai hte ya yam nga hte sut gan hta shanhte ngamu ngamai wa ai hte mungkan lam mazup ni hta bai wa shanu nga ma ai.

Jinghpaw Hanson Version Bible

¹² lanep la na, sut rai kashun la na nngai: shawng e katsi katsang rai nga nna, ya masha rawng nga ai shara hpe mung, maigan amyu ni hta na shinggyin la hkrum nna, yamnga hte sut rai lu su ai hte, lamu ga ka-ang e shanu nga ai amyu hpe mung, lung gasat na nngai,’ nga nna nang tsun nit dai.

EZEKELA 38:12 ပူးပေါင်းရင်းမြစ်များ

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

YEREMIA 30:16

Rai ti mung, ya chyawm gaw, nanhte hpe kawa sha ai ni yawng hte gaw kawa sha kau ai hkrum na mara ai, nanhte a gumlau hpyen ni yawng bawng dung masha ni zawn woi la ai hkrum na mara ai. Nanhte hpe dip gamyet sha ai ni yawng dip gamyet sha ai hkrum na mara ai, nanhte hpe hpya lu hpya sha ai ni yawng hpya lu hpya sha ai bai hkrum na mara ai.

EZEKELA 29:19

Dai rai nna, ndai gaw Tsaw Htum ai dai Madu ngai nan tsun nga ai mungga rai nga ai: Ngai gaw Egutu mung hpe Babelon Hkawhkam Nebuhkadneza a lata de ap ya na nngai. Shi gaw lanep hpya la nna, Egutu mung na sut gan yawng la wa na ra ai, dai gaw shi a hpyen luksuk ni a shabrai tai na ra ai.

EZEKELA 38:8

Shaning law law lai mat wa ai hpang, masha amyu baw ni law law a lata kaw na rau sha woi nhtang wa nna hpyen majan hpa mung n hkrit n tsang ra sai hte amyu masha ni shanu nga ai mungdan hpe shang gasat na matu ngai shi hpe ahkang jaw ya na nngai. Shi gaw aten na na katsi katsang tai mat nna jahkam da sai rai ti mung, ya, dai mungdan hta amyu masha ni yawng shim lum ai hte shanu nga sai Israela bum ni hpe shang gasat na ra ai.

AMO LAIKA (AMOS) 1:8

Ngai gaw Ashdod hte Ashkelon mare ni a mungdu ni hpe tsep kawp la kau na nngai. Ngai gaw Ekron mare hpe ari jaw ai hte ngam nga ai Hpilisti masha ni yawng si mat na mara ai,” ngu nna tsun wu ai.

ZEHKARIA 1:12

Dai hpang, lamu kasa gaw, “Chyahtum Chyalai N-gun rawng ai Madu e, nang gaw ndai sanit shi ning tup Yerusalem mare hte Yuda mung na mare ni hpe masin pawt bu ndai. Nang gaw shanhte hpe galoi du hkra matsan n yu dum na rai ta?,” ngu nna tsun wu ai.

ZEHKARIA 1:17

Lamu kasa gaw ning ngu hkaw tsun na matu ngai hpe tsun da nga ai: Chyahtum Chyalai N-gun rawng ai dai Madu gaw shi a mare ni bai ngamu ngamai wa ai hte lang mi bai Yerusalem hpe karum la let, shi madu da ai mare zawn shatai na nga tsun ai.”

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.

TARA AGYI 9:37

Gala gaw, “Yu u! Bum pungding kaw nna masha ni yu wa nhtawm, hpung mi mung gumhpan wamyi hpun kaw na lam dingyang sa wa nga ma ai!,” ngu nna tsun wu ai.