EZEKELA 37:3 - Jinghpaw Common Language Bible 2009

³ Shi gaw ngai hpe, “Si chye ai masha wa e, ndai nrut nra ni gaw bai hkrung lu na rai nga a ni?,” ngu nna san we ai. Ngai gaw, “Tsaw Htum ai Madu e, dai lam hpe nang chyu sha htai ya lu nga ndai!,” ngu nna htan we ai.

Jinghpaw Hanson Version Bible

³ Shing rai shi gaw, “Masha kasha e, ndai nrut nra ni gaw hkrung lu na a ni?” nga nna ngai hpe san yang, ngai gaw, “Madu Yehowa e, nang chye nga ndai,” ngu nna htan we ai.

EZEKELA 37:3 ပူးပေါင်းရင်းမြစ်များ

SHAKAWN KUNGDAWN 88:11

Lup sung hku kata e, na a dinggrin tsaw ra myit a lam hpe tsun kajai nga ma ni? Ngarai mung e na a sadi sahka lam hpe shanhte hkai nga ma ni?

EZEKELA 26:19

Tsaw Htum ai dai Madu gaw ning nga tsun ai: “Ngai gaw nang hpe masha kadai mung n shanu ai hte hten run mat sai mare ni zawn katsi katsang shara shatai kau na we ai. Ngai nang hpe sung ai nammukdara hka hte ka-up kau na nngai.

EZEKELA 37:2

Shi gaw dai kadit grup yin yawng de ngai hpe woi sa wa nga ai, dai shara hta nrut nra ni law law jawng nga nhtawm dai ni gaw grai wa hkraw taw nga sai hpe ngai mu lu nngai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.

KASA 26:8

Ya nang e nga nga ai nanhte Yuda masha ni Karai Kasang gaw si ai ni hpe jahkrung sharawt la ai ngu ai hpe hpa majaw n mai kam ai ngu nga myit ta?

ROMA 4:17

Dai gaw, “Ngai nang hpe masha amyu law law a kawa shatai sade ai,” nga nna Chyum Laika hta tsun da ai hte maren rai nga ai. Dai rai nna Abraham kam sham ai Karai Kasang a man e dai ga sadi gaw mai kaja ai hte grin nga malit dai. Shi gaw Abraham kam sham ai Karai Kasang, si mat ai ni hpe jahkrung ya ai Karai Kasang, shawng de garai n byin yu ai arai ni byin tai paw pru wa hkra hkang da ai Karai Kasang, shi nan rai nga ai.

1 KORINHTU 15:35

“Si mat ai ni gara hku nna bai hkrung rawt lu na ma ta? Kaning san ai hkum hkrang rai na rai ta?,” nga nna langai ngai san na mara ai.

TARA JAHPRANG 32:29

Shanhte gaw hpa lam a majaw sum mat ma ai hpe n mu lu ma ai; kaning rai byin sai lam hpe shanhte n chye na lu ma ai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.

HEBRE 11:19

Isak hpe si ai kaw na Karai Kasang hkrung sharawt la lu na re ai ngu nna Abraham myit sawn wu ai hte maren, kaja wa Abraham gaw Isak hpe si ai kaw na bai lu la wu ai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.