EZEKELA 37:16 - Jinghpaw Common Language Bible 2009

¹⁶ Shi gaw, “Si chye ai masha wa e, hpun chyen langai la nna de a ntsa e, ‘Yuda mungdan,’ ngu ai ga hkum ni ka da u. Dai hpang, kaga hpun chyen langai mi hpe bai la nhtawm de a ntsa e, ‘Israela mungdan,’ ngu ai ga hkum ni hpe ka da u.

Jinghpaw Hanson Version Bible

¹⁶ “Nang, masha kasha e, hpun chyen langai mi la nna, ‘Yuda hte shi a kanawn manang Israela kashu kasha ni a matu,’ ngu nna dai hta ka da u; bai hpun chyen kaga la nna, ‘Yawsep hte shi a kanawn manang Israela dap ni mahkra matu Ehprim hpun chyen’ ngu nna ka da u:

EZEKELA 37:16 ပူးပေါင်းရင်းမြစ်များ

2 HKAWHKAM LABAU 10:17

Yuda mung hta shanu nga ai amyu masha ni a hkawhkam zawn sha Rehoboam hpe kau da ma ai.

2 HKAWHKAM LABAU 10:19

Dai aten kaw nna dingdung mungdan de na Israela amyu masha ni gaw Dawi a hkawhkam dap matu ni hpe gumlau nga masai.

2 HKAWHKAM LABAU 15:9

Dai Madu gaw Asa hte rau nga nga ai hpe shanhte mu ai majaw Ehprim, Manashe hte Simun amyu masha ni hte shi a mungdan hta nga ai ni gaw Asa hpang maga de sa nga nga ma ai. Asa gaw shanhte yawng hpe mung, Yuda hte Benyamin amyu masha ni hpe mung shaga dat wu ai.

ESAIA 11:13

Israela mungdan gaw Yuda hpe galoi mung yu manawn sana n rai; Yuda gaw Israela a gumlau hpyen tai sana n rai.

EZEKELA 37:15

Dai Madu gaw ngai hpe ning nga nna bai tsun wu ai.

ZEHKARIA 11:7

Sagu ni hpe dut mari ai ni gaw ngai hpe saw shaga ma ai; dai rai nna ngai gaw sat na matu san da ai sagu ni hpe rem ai wa ngai tai nga nngai. Ngai gaw dawhkrawng lahkawng la nna langai mi hpe “Myi man pa lam” kaga langai mi hpe “Myit hkrum lam” ngu nna shamying nngai. Shaloi sagu hpung hpe ngai bau rem nngai.