EZEKELA 37:10 - Jinghpaw Common Language Bible 2009

¹⁰ Dai rai nna, ngai hpe hkang da ni ai hte maren, ngai myihtoi htoi se ai. Ya, hkum kata de nsoi nsa shang ai hte shanhte asak hkrung wa nna rawt tsap nga ma ai. Dai gaw hpyen luksuk kaba tai lu na daram grai law la nga ma ai.

Jinghpaw Hanson Version Bible

¹⁰ Shing rai ngai hpe hkang da ai hte maren ngai htoi nngai; ya shanhte hta nsoi nsa shang ai hte, shanhte asak hkrung wa nna, tinang a lagaw hte tsap nga ma ai: shanhte gaw grai law ai wunawng kaba rai nga ma ai.”

EZEKELA 37:10 ပူးပေါင်းရင်းမြစ်များ

SHINGRAN 11:11

Ya dai nhtoi masum ya e chyingdaw mi lai jang, Karai Kasang kaw nna jahkrung ya ai nsoi nsa shan hta shang wa nna, shan gaw jan rai, rawt tsap ma ai; shan hpe mu mada ai ni gaw, nachying hkrit gari nga ma ai.

SHAKAWN KUNGDAWN 104:30

Rai ti mung, nang shanhte hpe nsoi nsa gawut bang dat ai hte shanhte hpe hpan da nga ndai; shing rai, nang gaw mungkan ga hpe asak ningnan jaw ya nga ndai.

YEREMIA 30:19

Dai yang e nga ai amyu masha ni gaw mahkawn shakawn na mara ai; shanhte gaw kabu gara jahtau garu na mara ai. Nye a shaman chyeju ga a majaw, shanhte law htam mayat maya wa na mara ai; nye a shaman chyeju gaw shanhte hpe shagrau sha-a lam jaw ya na ra ai.

YEREMIA 33:22

Ngai gaw nye a shangun ma Dawi a aru arat ni hpe mung, Lewi amyu bawsang kaw na hkinjawng ni hpe mung shalaw jahtam na nngai, shing rai lamu na shagan ni hte panglai zaibru ni hpe hti yu na matu n mai byin ai zawn, shanhte law htam wa na mara ai,” ngu nna tsun ai.

EZEKELA 12:7

Ngai gaw dai Madu tsun matsun ai hte maren, galaw ni ai. Ngai gaw hprawng shingbyi hkawm ai wa zawn, dai shani e arung arai majaw hpe makai nna dai shana nsin htat wa ai aten e, ngai gaw nye a lata hte bunghku hpe htu waw nna pru mat wa ni ai. Masha shagu ngai hpe azi yu nga ma yang, ngai gaw nye a arung arai majaw hpe nye a lahpa ntsa e hpai mara nhtawm pru mat wa ni ai.

EZEKELA 37:5

Tsaw Htum ai dai Madu ngai nan nrut nra ni hpe ning ngu nna tsun nga ai ga shanhte hpe htawn tsun u: Ngai gaw nanhte hpe nsoi nsa bang ya na nngai, shaloi nanhte asak bai hkrung nga na marin dai.