EZEKELA 36:9 - Jinghpaw Common Language Bible 2009

⁹ Ngai gaw nanhte hpang maga de rai nga nngai, nanhte a lamu ga hta yi hkauna ni hpe ngai teng teng galaw shangun nna, dai hta nli gat lu na rai myit dai.

Jinghpaw Hanson Version Bible

⁹ Kaning rai nme law, yu u, nanhte hpang maga ngai rai nga nngai; nanhte nga ai de ngai nhtang wa nna, nanhte a ntsa e yi hkauna galaw lu ai hte, nli gat na mara ai!

EZEKELA 36:9 ပူးပေါင်းရင်းမြစ်များ

SHAKAWN KUNGDAWN 46:11

Chyahtum Chyalai n-gun rawng ai dai Madu gaw anhte hte rau nga nga ai; Yaku a Karai Kasang gaw anhte a shingbyi shara rai nga ai law.

SHAKAWN KUNGDAWN 99:8

O Madu anhte a Karai Kasang e, na a myu masha ni shaga ai nsen hpe nang htan ya nit dai; shanhte galaw shut kau sai yubak ni a majaw, nang shanhte hpe ari jaw ti mung, nang gaw yubak mara ni hpe raw dat kau ya ai Karai Kasang rai nga ndai hpe madun dan nga nit dai.

YEREMIA 31:27

“Dai Madu ngai gaw Israela mung hte Yuda mung hta amyu masha ni hte yam nga dusat ni hte jahpring da na aten du nga sai, ngu nna tsun nngai.

EZEKELA 28:26

Shanhte gaw dai shara hta shim lum ai hte shanu nga lu na mara ai; Shanhte gaw nta ni galaw nna sabyi sun ni hkai na mara ai. Ngai gaw shanhte hpe n kaw n law di kau ai shanhte a htingbu mungdan ni yawng hpe ari jaw na nngai; shaloi Israela gaw shim nga na ra ai. Ngai nan shanhte a Madu Karai Kasang rai nga ai hpe shanhte chye lu na mara ai,” ngu nna tsun wu ai.

EZEKELA 34:14

Ngai gaw shanhte hpe Israela mungdan na tsit lali ai udat shara ni yawng hta mung, bum ni hte pa layang kadit hkan tu ai tsingdu pa layang ni hta mung, shim lum ai hte sha shangun na nngai.

EZEKELA 36:34

Nanhte a yi hkauna makau hku lai wa ai ni mu mada ai dai shara ni gaw kade wa maling mala tai nga sai rai ti mung, dai ni hpe kalang mi bai yi hkauna shatai ya na nngai.

YOELA 3:18

Dai aten hta, bum ni gaw sabyi sun ni hte hpring na ra ai; yam nga ni hpe kawng shagu a ntsa hkan e mu lu na ra ai; dai yang e, Yuda hka shi hka gai yawng hkan hka lwi na ra ai. Dai Madu a Nawku Htingnu kaw na hka shi langai lwi wa na ra ai, dai gaw Akasia Kadit hpe madit ya na ra ai.

JAW JAU 26:9

Ngai gaw nanhte hpe shaman ya nna kashu kasha law law mayat maya shangun na made ai. Nanhte hte ngai tawn da se ai nye a maga de na ga shaka hpe ngai shagrin da na we ai.

HAGI 2:19

Nai mam rai ti mung, sabyi ru rai ti mung, lakum hpun ni, hkainu si hpun ni hte tsanlun hpun ni hpa mi n htuk shapraw ya ai rai ti mung, ya aten kaw nna ngai nanhte hpe shaman chyeju jaw ya na nngai,” ngu nna tsun ai.

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?