EZEKELA 36:3 - Jinghpaw Common Language Bible 2009

³ “Myihtoi htoi u, Tsaw Htum ai dai Madu ngai nan tsun ai mungga hpe tsun ndau u. Israela a bum ni hpe htingbu mungdan na amyu baw ni gasat nna lanep shatai kau ai shaloi, Israela hpe kadai mung mani asawng nga ma ai.

Jinghpaw Hanson Version Bible

³ myihtoi htoi nna htawn tsun u: ‘Madu Yehowa ning nga ai: Nanhte gaw naw ngam nga ai maigan amyu ni a sali wunli tai mat ai du hkra, shanhte gaw nanhte hpe katsi katsang shara shatai nna, grup yin e kawa sha kau ai majaw mung, baw law ai ni a tsun chyai shara hte, mung masha ni a shatan nhkan shara tai myit dai majaw mung,

EZEKELA 36:3 ပူးပေါင်းရင်းမြစ်များ

SHAKAWN KUNGDAWN 35:25

“Shi hpe anhte jahten kau lu sagaw ai! Dai gaw anhte myit ra ai lam nan rai sai,” nga nna shanhte hpe shada da hkum tsun hkat lu shangun et.

SHAKAWN KUNGDAWN 61:1

O Karai Kasang e, nye a jahtau ai nsen hpe na ya e; nye a akyu hpyi ga hpe madat ya e!

SHAKAWN KUNGDAWN 69:12

Mare lam ni hta, shanhte nye a lam hpe hkan shatan nga ma ai; chyaru nang ai ni mung, laka ga ni hte nye a lam hpe asawng nga ma ai.

SHAKAWN KUNGDAWN 79:10

“Na a Karai Kasang kanang nga nga lit ta?,” nga nna amyu baw ni anhte hpe hpa rai dai zawn san shara nga shangun na rai ta? Na a shangun ma ni a asai jahkaw kau ya ai masha amyu baw ni hpe, nang ari jaw ai lam, anhte hpe mu mada shangun mi.

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

GA SHAGAWP 1:12

Shanhte hpe anhte mu ai shaloi, shanhte gaw hkrung nga nna hkam kaja nga na ma ai; rai ti mung, anhte shanhte hpe hkap daw ngut ai hpang shanhte si mat na mara ai!

YEREMIA 18:16

Shanhte gaw ndai mungdan hpe hkrit kajawng shara hte htani htana asawng asang shara shatai kau manu ai. Dai shara hku lai hkawm ai ni yawng mayawng hte gaw shanhte mu mada ai lam ni a majaw mau kajawng na mara ai; shanhte gaw mau mahka mat ai hte shanhte a baw ni hpe kanga na mara ai.

YEREMIA 2:15

Shanhte gaw hkanghkyi ni zawn shi hpe shabam ma ai; shanhte gaw shi a mungdan hpe zaibru jang shatai kau ma ai, shi a mare ni gaw hten run taw mat nna tsep kawp kabai kau nga masai.

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 33:24

“Ndai ngai lata san da sai dinghku amyu lahkawng rai nga ai Israela hte Yuda hpe ngai kau da ni ai nga nna masha ni kade tsun nga ma ai hpe nang myit dum yu nga n ni? Shanhte gaw nye a amyu masha ni hpe n kaw n law rai mada yu ma ai; shanhte hpe amyu langai mi zawn loi mi pyi n myit nawn da ma ai.

YEREMIA 51:34

Babelon hkawhkam gaw Yerusalem hpe azat mani nna sha kau nu ai. Shi gaw namtau zawn; baren numraw gaw dai hpe mayu kau ai zawn mare hpe kaman di kau wu ai. Shi gaw shi ra sharawng ai hpe la nna ngam ai hpe kabai kau nu ai.

YEREMIA 52:1

Zedekia gaw Yuda hkawhkam tai wa ai shaloi asak hkun langai ning rai nna Yerusalem hta shi langai ning up nga ai. Shi a kanu a mying gaw Hamutala rai nna Libna mare hta nga ai Yeremia a shayi sha rai nga ai.

SHARUNG SHAYAWT 2:2

Dai Madu gaw Yuda mung hta nga ai mare shagu hpe matsan n dum ai sha jahten sharun kau nu ai, Mungdan hpe makawp maga ai hpyen dap ni hpe mung ashep ashin di kau nu ai. Shi gaw mungdan hte de a mungdu ni hpe jahpoi jahpyak lam shapraw nu ai.

SHARUNG SHAYAWT 2:5

Dai Madu gaw gumlau hpyen wa hpe zawn Israela hpe jahten sharun kau nu ai; Shi gaw hpyen dap ni hte hkawhkam htingnu ni hpe mung jahten shabyak kau nu ai. Shi gaw Yuda amyu masha ni a ntsa e htum n chye ai yawn hkyen lam hpe shapraw nu ai.

SHARUNG SHAYAWT 3:62

Shanhte gaw shani tup ngai hpe shatan nhkan ga tsun nna n hkru ai hku maw mawn nga ma ai.

EZEKELA 12:20

Ya aten mare masha ni hte hpring nga ai mare ni hten run mat nna, mungdan gaw shingran katsi ai shara tai mat na ra ai. Shanhte gaw ngai nan dai Madu rai nga nngai hpe chye lu na mara ai,” ngu nna tsun wu ai.

EZEKELA 13:10

Dai n teng n man ai myihtoi ni gaw nye a amyu masha ni hpe byin ai lam mahkra kaja nga ai nga nna tsun let lam woi shadam ma ai. Kaja wa tsun ga nga yang, byin ai lam mahkra kaja nga ai n rai! Nye a amyu masha ni gaw malawk mat ai bunghku nlung ni hpe htuk shachyaw da ma ai; dai hpang n teng n man ai myihtoi ni sa wa nhtawm dai hpe namhtun hte chya da ya nga ma ai.

EZEKELA 35:13

Ngai gaw zai ai hte shakawng shakat ai hku ngai hpe ninghkap tsun ai na a ga hpe na ni ai.”

EZEKELA 36:5

“Grup yin masha amyu baw ni, grau nna Edom amyu masha ni hpe hkap daw na, Tsaw Htum ai dai Madu ngai nan nye a sindawng kahtet ai myit hte tsun shapraw dat ni ai. Shanhte gaw nye a mungdan hpe kabu gara ai myit hte mung, pagawn mi n gawn n sawn re ai myit hte mung ka-up la nna dai mung na udat shara ni hpe madu la nga ma ai.

Daniela 9:16

Nang gaw lai sai prat hta anhte hpe makawp maga la nit dai rai nna Yerusalem mare hpe loi mi mung masin hkum yu pawt et. Dai gaw na a mare, na a chyoi pra ai kawng rai nga ai. Anhte a yubak mara ni hte anhte a kaji kawa ni galaw ai n hkru ai lam ni a majaw htingbu mungdan hkan na masha ni yawng hte gaw Yerusalem mare hte na a amyu masha ni hpe yu kaji kau manu ai.

JAW JAU 26:43

Shawng nnan e, dai mung na amyu masha ni hpe yeng seng kau ai hpang sha, tsep kawp bansa lu ai hte kabu gara lu na ra ai, shanhte gaw nye a tara hte hkang da ai ga ni hpe ningdang kau nga masai majaw ari hpring hkra hkrum sha ai lam hpe yin la lu na rai ma ai.

OBEDIA 1:13

Nang gaw shanhte a nni nkri lam hpe yu sharawng na matu mung, shanhte a ru tsang hkrum ai tsin-yam tsindam shani hta e, shanhte a sut gan rim magra la na matu mung nye a amyu masha ni a mare de shang ang nga ndai n rai.

1 KORINHTU 4:13

Anhte roi asawng ai hkrum yang, ga ngwi ga pyaw hte htan ga ai. Anhte gaw ya du hkra ndai mungkan ga a shanut shanaw hte masha yawng mayawng e kabai ayai da ai maza mala zawn rai nga ga ai.

TARA JAHPRANG 28:37

Dai Madu nanhte hpe shabra kau dat ai mungdan hkan nanhte hta byin hkrum hkra ai lam ni a majaw masha amyu ni yu mau nhtawm mani asawng ai hte ashu kau na mara ai.