EZEKELA 34:4 - Jinghpaw Common Language Bible 2009

⁴ Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

Jinghpaw Hanson Version Bible

⁴ Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.

EZEKELA 34:4 ပူးပေါင်းရင်းမြစ်များ

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 3:7

Rai ti mung shi gaw, “Ngai n tai ya lu na nngai! Ngai nanhte hpe n lu karum la na nngai. Ngai gaw lusha mung, bu hpun palawng mung n lu nngai. Ngai hpe nanhte a ningbaw hkum tai shangun mi!,” ngu nna htan na ra ai.

ESAIA 56:10

Shi gaw, “Nye a amyu masha ni hpe sadi jaw na zawn nawn ai ningbaw ni yawng, myi kyaw nga ma hka! Shanhte gaw hpa mung n chye ma ai. Shanhte gaw n wau ai sha, sin yu nga ai gwi ni hte bung ma ai-shanhte gaw hpum yup nga nna yup mang mu ma ai. Shanhte yup nga ai gaw kade sha yu tsaw ra hpa rai nga a hka!

YEREMIA 22:13

Shi a nta hpe n teng n man ai hku gaw gap ai hte dai hpe n ding n man ai hku htawn jat nhtawm mare masha ni hpe kaman sha amu galaw shangun let shanhte lu la ang ai manu jahpu n jaw hkraw ai wa gaw, dingnye hkrum nga ai.

YEREMIA 8:22

Gilead mung e tsi mawan hpun ru hpa mung n nga nga a ni? Dai mung hta tsi sara ni n nga ma ni? Dai rai yang, nye a amyu masha ni hpa majaw shamai shatsai n hkrum nga ma ni?

EZEKELA 19:6

Shi a hkum hkrang hpring kaba wa ai shaloi, shi gaw kaga hkanghkyi ni hte rau lanyan hkawm nga ai. Shi mung shan chye tam na hpaji sharin la ai hte masha shan sha nga ai.

EZEKELA 19:7

Shi gaw hpyen dap ni hpe agrawp jahten kau nna mare ni hpe jahten sharun kau nu ai. Shi shabam ai aten shagu, mungdan masha ni hkrit gari nga ma ai.

EZEKELA 19:9

Shanhte gaw shi hpe htung hta tawn da nna Babelon hkawhkam hpang de shi hpe woi mat wa ma ai. Shanhte gaw shi hpe rawng da ma ai, shaloi shi a shabam ai nsen hpe Israela a kawng ntsa hkan e, galoi mung bai na lu na n rai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

JAW JAU 25:43

Shanhte hpe laja lana re ai hku byeng sha lu na n rai; nanhte a Karai Kasang a ga hpe nanhte madat mara hkan sa lu na rai myit dai.

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 21:35

Sun galaw ai ni mahtang shi a mayam ni hpe rim la nna, langai mi hpe anu kayat, langai mi hpe sat kau mu ai hte langai mi hpe nlung hte kabai sat kau mu ai.

MAHTE 24:49

shi a manang mayam ni hpe anu ajin di nhtawm, chyaru nang ai ni hte rau lu rau sha rai nga na ra ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

2 KORINHTU 1:24

Nanhte hpa baw hpe kam sham ra myit dai ngu nna anhte hkang ga ai n rai. Nanhte ngang ngang kang kang dai makam masham hta tsap nga myit dai hpe anhte chye ga ai. Anhte gaw nanhte a ngwi pyaw kabu gara ai lam a matu she nanhte hte rau amu gun hpai nga ga ai.

HEBRE 12:12

Dai re ai majaw nanhte a tsu ba nna kya mat ai lata ni hpe sharawt malan nna, nanhte a lapyin n rawng nna gari nga ai lahput ni hpe n-gun shaja dating nga mu.