EZEKELA 34:3 - Jinghpaw Common Language Bible 2009

³ Nanhte gaw sagu chyu lu nna, sagu mun hte da ai hpun palawng ni hpun nhtawm hpum sau htum ai sagu ni sat sha nga myit dai. Rai ti mung, nanhte gaw sagu ni hpe galoi mung bau rem nga myit dai n rai.

Jinghpaw Hanson Version Bible

³ Nanhte mahtang sagu sau man sha nna, sagu mun bu hpun ai hte, sau hpum ai sagu hpe sat sha timung, sagu ni hpe n bau myit dai.

EZEKELA 34:3 ပူးပေါင်းရင်းမြစ်များ

2 HKAWHKAM 21:16

Manashe gaw mara n kap ai amyu masha law law hte hpe sat kau wu ai majaw Yerusalem nmaw lam hkan sai hka lwi nga ai. Yuda amyu masha ni hpe hpara sumla nawku ai lai de woi sa wa nna dai Madu hpe shut kau na lam shanhte hpe jat nna shi woi galaw nga ai.

GA SHAGAWP 30:14

Matsan mayan masha ni hte n lu n lawm, ra kadawn nga ai ni hpe zai hku nna dip da ai ni hte jahten sharun ai masha ni nga nga ma ai; dai zawn galaw ai gaw shanhte a kan bau magam bungli rai nga ai.

ESAIA 1:10

Yerusalem e, na a mung du ni hte na a amyu masha ni gaw Sodom hte Gomora masha ni zawn rai ma ai. Dai Madu nang hpe tsun nga ai ga madat u. Anhte a Karai Kasang nang hpe sharin ya nga ai lam hpe madat mara nga u.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

SHARUNG SHAYAWT 4:13

Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

EZEKELA 19:3

Shi gaw hkalung langai bau maka la nna shan chye tam na hpaji sharin ya nga ai; dai hkalung gaw masha shan kaning rai sha na sharin la nga ai.

EZEKELA 19:6

Shi a hkum hkrang hpring kaba wa ai shaloi, shi gaw kaga hkanghkyi ni hte rau lanyan hkawm nga ai. Shi mung shan chye tam na hpaji sharin la ai hte masha shan sha nga ai.

AMO LAIKA (AMOS) 6:4

Zing hkam ai yup ra ntsa hta hkum chyan nna dumsu hkalung hte sagu kasha shan sha ai gaw nanhte a matu kade sha hkrit hpa rai na rai nga a hka!

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

ZEHKARIA 11:16

Nye a sagu hpung hpe bau rem na langai mi hpe san da ni ai, rai ti mung shi gaw jahten shaza kau na ngu jahkrit shama hkrum nga ai sagu ni hpe karum ai n rai; mat mat ai ni hpe hkan tam la ai n rai; machyi ai ni hpe shamai shatsai ya ai n rai, hkam kaja ai ni hpe ushat jaw ai n rai, shing rai galaw na malai hpum sau htum ai sagu shan shi sha nna, shanhte a lahkru ni hpe malawk kau ya na ra ai.

ZEHKARIA 11:5

Madu ni gaw dai ni hpe sat ti mung ari hkrum na mara ai n rai. Shanhte gaw dai shan dut nhtawm, ‘Dai Madu hpe shakawn kungdawn mu! Anhte sut su saga ai!,’ ngu nna tsun ma ai. Tinang a sagu rem ai ni pyi shanhte hpe matsan dum nga ma ai n rai,” ngu nna tsun wu ai.