EZEKELA 34:2 - Jinghpaw Common Language Bible 2009

² Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

Jinghpaw Hanson Version Bible

² “Masha kasha e, Israela amyu a sagu rem ni hpe sha-ang nna myihtoi htoi u; myihtoi htoi nna sagu rem ni hpe htawn tsun u, “Madu Yehowa ning nga ai: Tinang hkum hpe sha bau ai Israela sagu rem ni gaw, dingnye lu mu ga; sagu rem wa gaw, sagu ni hpe bau mai ai, n rai ni?

EZEKELA 34:2 ပူးပေါင်းရင်းမြစ်များ

2 SAMUELA 5:2

Lai sai aten, Shawlu anhte a hkawhkam naw rai nga ai aten kaw nna pyi Israela amyu masha ni hpe majan pa hkan nang woi awn yu nit dai. Nang mung dai Madu a amyu masha ni hpe woi awn nna shanhte hpe up hkang ai wa tai wa na lam, shi nang hpe ga sadi jaw da nga nit dai,” ngu nna tsun ma ai.

ESAIA 40:11

Shi gaw sagu rem ai wa zawn shi a sagu hpung hpe lanu lahku na ra ai; shi gaw sagu kasha ni hpe shinggyin la nna dai ni hpe shi a lata lahpum hta pawn da na ra ai; shi gaw dai ni a kanu ni hpe angwi sha woi sa na ra ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

YEREMIA 10:21

Ngai gaw, “Anhte a ningbaw ni myit n su ma ai; shanhte gaw lam woi ningshawng tai ya na matu dai Madu kaw n hpyi ma ai. Dai re ai majaw shanhte hkrat sum mat ma ai, anhte a amyu masha ni shabra kau hkrum nga masai.

YEREMIA 12:10

Law la ai maigan up hkang du salang ni gaw nye a sabyi sun hpe jahten kau manu ai; shanhte gaw nye a sun ni hpe kabye anut kau ya mi ai; shanhte gaw tsawm la ai nye a mungdan hpe zaibru jang shatai kau ya mani ai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 23:1

Shi a amyu masha ni hpe jahten shabyak ai hte shabra kau ai up hkang du ni a ntsa e, dai Madu a tara jeyang ai gaw kade wa hkrit hpa rai nga a hka!

YEREMIA 3:15

Ngai gaw nye a ga madat mara chye ai mung du ni nanhte hpe jaw na nngai, shanhte gaw nang hpe hpaji byeng-ya hte mung, chye na hkawn hkrang ai nyan hte mung up na mara ai.

EZEKELA 13:19

Nanhte gaw nye a amyu masha ni a man e muk-yaw mam latup nkau mi hte muk hkyep loi mi lu la na matu ngai hpe n kaw n law di myit dai. Nanhte gaw n si ging ai amyu masha ni hpe sat kau myit dai; n jahkrung da ging ai amyu masha ni hpe jahkrung da nga myit dai. Nanhte gaw nye a amyu masha ni hpe masu magaw ga tsun nhtawm shanhte gaw nanhte tsun ai ga hpe kam nga ma ai,” ngu nna tsun wu ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

EZEKELA 33:24

Shi gaw ngai hpe, “Si chye ai masha wa e, Israela mung na hten run mat sai mare ni hta shanu nga ai amyu masha ni gaw, ‘Abraham shi hkrai sha nga ti mung, mungdan ting ap ya hkrum nga ai, ya dai mung hta e, anhte law law wa rai nga ga ai, dai rai nna dai mungdan gaw anhte a mungdan rai nga sai,’ ngu nna tsun nga ma ai.

EZEKELA 34:1

Dai Madu gaw ngai hpe ga shaga wu ai.

EZEKELA 34:14

Ngai gaw shanhte hpe Israela mungdan na tsit lali ai udat shara ni yawng hta mung, bum ni hte pa layang kadit hkan tu ai tsingdu pa layang ni hta mung, shim lum ai hte sha shangun na nngai.

EZEKELA 34:15

Ngai nan nye sagu ni a sagu rem wa tai nna shanhte a matu ban sa shara hpe mung ngai tam ya na nngai. Tsaw Htum ai dai Madu ngai nan tsun ni ai.

AMO LAIKA (AMOS) 6:4

Zing hkam ai yup ra ntsa hta hkum chyan nna dumsu hkalung hte sagu kasha shan sha ai gaw nanhte a matu kade sha hkrit hpa rai na rai nga a hka!

ZEHKARIA 11:17

Dai manu n dan ai sagu rem wa gaw dingnye hkrum nga ai! Shi gaw shi a sagu hpung hpe kau da nga ai rai nna, hpyen majan gaw shi a daru magam n-gun hpe tsep kawp jahten kau na ra ai. Shi a lahpum nyui mat nna, shi a hkra maga na myi, kyaw mat na ra ai,” ngu nna tsun wu ai.

YAWHAN 10:8

Nye a shawng e du sa ai ni nlang hte gaw, lagut damya ni rai nga ma ai; sagu ni mung shanhte a ga hpe n madat ya ma ai.

KASA 20:26

Dai majaw nanhte hta na marai langai ngai asak Wenyi sum mat ai rai yang, nye a lit n rai sai lam dai ni ngai nanhte hpe hkrak sha tsun dan da made ai.

KASA 20:29

Ngai pru mat wa ai hpang masha nkau mi nanhte kaw shang nna matse n hkru ai chyahkyawn zawn sagu hpung hpe matsan n dum, hkyamsa n jaw na mara ai hpe ngai chye nga nngai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

2 KORINHTU 12:14

Ya ngai nanhte kaw masum lang ngu na sa du kawan na jin jin rai nga ni ai rai nna, ngai nanhte hpe kaga mi n htet shatsang na ni ai. Hpa majaw nga yang, ngai ra ai gaw ja gumhpraw hpe n rai, nanhte hpe sha ngai ra nga nngai. Kaja wa nga yang, kashu kasha ni gaw kanu kawa ni a matu sutgan mahkawng da na n ang ai, kanu kawa ni mahtang she shanhte a kashu kasha ni a matu mahkawng da na ang nga ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.