EZEKELA 33:9 - Jinghpaw Common Language Bible 2009

⁹ Nang gaw n hkru ai wa hpe shadum jahprang ai lam galaw ti mung, yubak galaw ai lam hpe shi n jahkring ai rai yang, yubak kap ai wa naw rai nga ai majaw, shi si na rai wu ai, rai ti mung na a asak gaw lawt lu na ra ai.”

Jinghpaw Hanson Version Bible

⁹ Shing n rai, tara n lang ai wa hpe, shi a lam na nhtang wa hkra, nang shadum timung, shi myit n kayin hkraw yang, dai wa gaw shi a yubak hta si wa timung, nang gaw na a asak hpe hkye la nu ai.”

EZEKELA 33:9 ပူးပေါင်းရင်းမြစ်များ

GA SHAGAWP 15:10

Shut hpyit ai amu hpe nang galaw ai rai yang, laja lana re ai ari nang hkrum sha na ndai; nang hkum nan shading sharai n hkam ai rai yang, si na rin dai.

GA SHAGAWP 29:1

Shadum jahprang hkrum shagu du grau shaja n-yang gaw, lani mi na nhtoi hta nang galoi n lu rawt hkra agrawp kau ai hkrum na rin dai.

EZEKELA 3:19

Nang gaw dai n hkru ai masha wa hpe n shadum jahprang ai hte shi gaw yubak lam hpe n kau da ai rai yang, dai yubak naw kap nga ai wa gaw si na ra ai; rai ti mung, na a asak chyawm gaw lawt lu na ra ai.

EZEKELA 3:21

Nang gaw mai kaja ai wa hpe yubak n galaw hkrup na matu shadum jahprang nna, shi gaw na a ga madat let yubak n galaw ai rai yang, shi asak hkrung nga na ra ai, na a asak mung lawt lu na ra ai,” ngu nna tsun wu ai.

EZEKELA 33:3

Shi gaw gumlau hpyen wa shani sa wa ai hpe mu ai shaloi, masha shagu hpe tau shadum na matu hpyen kajawng nsen shangoi dat wu ai.

EZEKELA 33:4

Marai langai ngai dai nsen hpe na ti mung, hpa n nawn ya nga ai majaw, gumlau hpyen wa sa wa nna shi hpe sat kau nga ai; shaloi shi gaw shi a si lam a matu, mara shagun hkrum nga wu ai.

EZEKELA 33:6

Shing n rai, sin langa wa gaw gumlau hpyen sa wa ai hpe mu nna shadum ai nsen n shapraw ai rai yang chyawm gaw gumlau hpyen wa sa wa nna mara kap ai ni hpe sat kau na ra ai; rai ti mung ngai gaw shanhte a si hkrung si htan a matu lit nga ai dai sin langa wa hpe bunglat hka hpyi na nngai.

LUKA 12:47

“Tinang a madu hpa baw galaw na hpe ra sharawng ai lam chye nga da ninglen, dai galaw na matu tinang dai n hkyen shachyip da ai shangun ma kadai hpe rai ti mung ri tawng hte aja awa anu kayat nna ari jaw ai hkrum na ra ai.

YAWHAN 8:24

Dai re ai majaw, nanhte gaw tinang a yubak hta si wa na marin dai ngu nna ngai nanhte hpe tsun ni ai. ‘Ngai gaw ngai wa rai nga nngai,’ hpe nanhte n kam n sham myit yang gaw, nanhte tinang a yubak hta si na marin dai,” ngu mu ai.

KASA 13:40

Dai rai yang gaw myihtoi ni tsun ai lam nanhte hta n byin u ga sadi nga mu!

KASA 13:41

Myihtoi ga hta, ‘Yu mu, ngai tsun ai lam hpe jahpoi asawng ai ni e, mau nna si mu! Dai ni ngai galaw nga ai lam hpe marai langai ngai nanhte hpe hkai dan ti mung, nanhte n kam na marin dai!,’” nga nna hkaw tsun nga ai.

KASA 13:46

Pawlu yan Barnaba mung grau nna nden ja ai myit hte, “Dai Karai Kasang a mungga nanhte hpe shawng tsun dan na ra nga ai, rai ti mung nanhte mahtang dai hpe n hkap la nna nhtum nwai asak hte n ging dan ai ni rai ga ai ngu nna tinang dai myit nawn daw dan la myit dai majaw anhte gaw, nanhte kaw na pru mat wa nna kaga maigan amyu ni hpang de sa wa na saga ai.

KASA 20:26

Dai majaw nanhte hta na marai langai ngai asak Wenyi sum mat ai rai yang, nye a lit n rai sai lam dai ni ngai nanhte hpe hkrak sha tsun dan da made ai.

1 HTESALONI 5:14

Bai hpu nau ni e, lagawn ai ni hpe sadi jaw mu, myit kaji ai ni hpe shadaw shalan nga mu, n-gun kya ai ni hpe karum la mu, yawng mayawng a ntsa e hkam sharang nga mu.

HEBRE 12:25

Nanhte gaw, dai mungga tsun ai wa hpe n madat ya ai sha ningdang kau ai lam n byin u ga, sadi nga mu. Ndai ga ntsa e shadum shahprang ai wa a ga hpe na la na ningdang kau ai ni yubak ari hta na n lawt lu ma ai, Dai rai nna, anhte gaw, Sumsing lamu kaw nna tsun ai wa hpe shingdu kayin kau ga yang gaw yubak ari kaw na anhte lawt na lam grau n nga mali ai.

HEBRE 2:3

ndai hte wa galu kaba ai hkye hkrang la ai chyeju tara hpe anhte n gawn n sawn di ga yang gaw, anhte gara hku nna yubak mara a daw dan ai kaw na kaning rai lawt lu na ga ta? Dai hkye hkrang la ai lam hpe shawng npawt e Madu a n-gup hte nan tsun shana nna, na la ai ni gaw dai tara teng nga ai lam sakse madun mani ai.