EZEKELA 33:2 - Jinghpaw Common Language Bible 2009

² Shi gaw, “Si chye ai masha wa e, ngai gaw mungdan langai mi de majan byin shangun dat ai shaloi, hpa byin wa na lam, na a amyu masha ni hpe htawn tsun u. Dai mungdan na amyu masha ni gaw shanhte kaw na marai langai mi hpe sin langa tai shangun na matu lata nga ma ai.

Jinghpaw Hanson Version Bible

² “Masha kasha e, na a amyu Israela kashu kasha ni hpe htawn tsun u: ‘Ngai gaw mung langai ngai de nhtu tsin-yam shangun dat nna, mung masha ni gaw, manang ni hta na, sin ai wa langai mi lata la ma yang,

EZEKELA 33:2 ပူးပေါင်းရင်းမြစ်များ

ESAIA 62:6

Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai Madu shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

YEREMIA 12:12

Nam mali hkan na tsaw ai kawng ni yawng hpe kashun kashe du daw sai hkaw amu galaw na matu masha ni du nga masai. Ngai gaw mungdan ting hpe jahten shabyak kau na matu majan baw dat ni ai; kadai mung ngwi pyaw sim sa ai hte nga lu na ra ai n rai.

YEREMIA 25:31

shi a ngoi kadu ai nsen gaw mungkan ga a jahtum de du hkra hpungtang kashaw mat wa na ra ai. Dai Madu gaw masha amyu baw ni hte amu rawng nga ai. Shi gaw tara jeyang na matu amyu masha ni yawng hpe woi la na ra ai, n shawp n kap ai ni hpe sat kau na ra ai, nga nna Dai Madu tsun nu ai,’” ngu nna tsun lu na rin dai.

YEREMIA 51:12

Babelon mare bunghku ni hpe htim gasat na matu masat dawnghkawn sharawt mu. Sin langa shalaw da mu! Sin masha ni hpe tawn da mu! Makoi gasat na matu masha jahkrat tawn mu!,” ngu nna hkang da ma ai. Dai Madu gaw Babelon masha ni hpe galaw na ngu tsun nu ai hte maren galaw shadik nu ai.

EZEKELA 11:8

Nanhte ri nhtu ni hpe hkrit nga myit ni? Ngai gaw nanhte hpe htim gasat na matu ri nhtu lang ai masha ni hpe shangun dat na nngai.

EZEKELA 14:17

“Shing n rai, ngai gaw dai mungdan a ntsa e hpyen majan baw dat nna masha hpe mung, yam nga ni hpe mung magawn jahten kau lu ai laknak ni hpe shangun dat na nngai,

EZEKELA 14:21

Ndai gaw Tsaw Htum ai dai Madu tsun ai mungga rai nga ai: “Ngai gaw Yerusalem mare ntsa e sawng dik ai ari mali ngu ai hpyen majan, kawsi kyet si ai hkuwa, matse labye dusat hte ana zinli ni hpe dat dat na nngai, dai gaw masha hpe mung, yam nga ni hpe mung jahtum kau na ra ai.

EZEKELA 3:11

Dai hpang, bawng dung hkrum nga ai na a mungdan masha ni hpang de sa nna shanhte myit lawm ti mung, n lawm ti mung, Tsaw Htum ai Madu ngai nan shanhte hpe tsun ai ga shanhte hpe tsun u,” ngu nna matut hkang da wu ai.

EZEKELA 3:27

Dai hpang, ngai nang hpe ga tsun ai hte shaga lu na n-gun atsam bai jaw ai shaloi, Tsaw Htum ai Madu ngai hpa tsun nga ai lam, nang shanhte hpe tsun dan na rai ndai. Shanhte hta na nkau mi gaw madat ti mung nkau mi gaw hpa zawn n nawn ya na mara ai, hpa majaw nga yang, shanhte gaw gumlau ai amyu masha ni rai nga ma ai,” ngu nna tsun ni ai.

EZEKELA 33:1

Dai Madu gaw ngai hpe ga shaga wu ai.

EZEKELA 33:12

“Ya chyawm gaw, si chye ai wa e, mai kaja ai wa yubak galaw shut ai shaloi, shi galaw sai dai mai kaja ai amu gaw shi hpe hkye hkrang la lu nga ai n rai. N hkru n shawp ai wa gaw shi galaw nga ai n hkru ai amu hpe rap di kau ai rai yang, ari ahpri hkrum na n rai; mai kaja ai wa yubak galaw hkrup ai rai yang, shi asak hkrung nga lu na ra ai n rai, ngu ai ga Israela masha ni hpe tsun u.

EZEKELA 33:17

“Ngai galaw ai amu gaw teng man nga ai n rai, nga nna na a amyu masha ni tsun nga ma ai! N rai law, Shanhte a lam ni mahtang n ding nga ai.

EZEKELA 33:30

Dai Madu gaw, “Si chye ai masha wa e, na a amyu masha ni gaw mare bunghku makau hkan mung, nta chyinghka lam hkan e mung hkrum zup ma ai shaloi, na a lam tsun hkat shajang nga ma ai. Shanhte gaw, ‘Ya jang, dai Madu kaw na pru ai mungga hpe anhte sa madat la saga,’ nga nna shada da tsun shajang nga ma ai.

EZEKELA 33:7

“Ya chyawm gaw, si chye ai masha wa e, Israela amyu baw a matu ngai nang hpe sin langa san da na nngai. Ngai nang hpe tsun dan ai shadum jahprang ga ni hpe shanhte hpang de du hkra len shalai ya ra nga ndai.

EZEKELA 37:18

Na a amyu masha ni nang hpe de a lachyum kaning ngu a ni?, nga nna san yang,

EZEKELA 6:3

Tsaw Htum ai dai Madu mungga hpe na la na matu Israela a bum ni hpe htawn tsun u; bum ni, kawng ni, hkaraw ni hte kadit ni e, Tsaw Htum ai dai Madu ngai hpa tsun nga ai hpe na la mu. Ngai gaw amyu masha ni hpara sumla nawku ai shara ni hpe jahten kau na matu, nhtu hpe shangun dat na nngai.

HOSEA 9:8

Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

ZEHKARIA 13:7

Chyahtum Chyalai N-gun rawng ai dai Madu gaw, “Nhtu e, hprang u; nye a matu amu galaw ai sagu rem wa hpe htim anut u! Shi hpe sat kau u, shaloi sagu ni bra ayai mat na mara ai.