EZEKELA 32:4 - Jinghpaw Common Language Bible 2009

⁴ Ngai nang hpe hkarang ntsa de kabai shapraw tawn nna mungkan ting na ntsa malen u ni hte dusat ni yawng nang hpe amya sha na matu jahpawng da na nngai.

Jinghpaw Hanson Version Bible

⁴ Ngai gaw nang hpe hkarang de shapraw nna, pa ga de kabai tawn na nngai: ntsa malen u ni yawng hpe, na ntsa e ngai dung shangun nna, mungkan ga na matse labye ni hpe na a si mang hte jahkru na nngai.

EZEKELA 32:4 ပူးပေါင်းရင်းမြစ်များ

SHAKAWN KUNGDAWN 63:10

Shanhte gaw majan e sat kau ai hkrum na mara ai; shanhte a hkum shan ni mung chyahkyawn ni e sha kau ai hkrum na mara ai.

SHAKAWN KUNGDAWN 74:14

Nang gaw baren numraw Lewihtan a baw ni hpe abrep kau nna; shanhte a hkum shan ni hpe nam mali hkan nga ai dusat ni hpe jaw sha kau nit dai.

ESAIA 14:19

rai ti mung nang mahtang lup shara n lu nga ndai, na a moi mang gaw kabai shayat kau hkrum nga ai. Dai gaw majan hta sat kau hkrum ai hpyenla ni a moi mang ni hte ka-up da nna shanhte hte rau lunghkrung nhkun de kabai bang nna kabye anut kau hkrum nga ai.

ESAIA 18:6

Shanhte a hpyenla ni a moi mang ni ntsa malen u ni hte matse labye du sat ni a man e asan sha taw nga na mara ai. Ntsa malen u ni gaw dai hpe ginhtawng ta hta sha nna, matse labye dusat ni gaw nshung ta hta amya sha na mara ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 25:33

Dai shani e, dai Madu sat kau ai moi mang ni gaw ginding aga maga mi kaw nna maga mi de du hkra, jawng taw nga na mara ai. Shanhte a matu kadai mung sharung shayawt na ma ai n rai, shanhte hpe kadai mung hpai la nna lup makoi kau na mara ai n rai. Dai ni gaw namhpun hpe sumpum da ai zawn ga ntsa e taw nga na mara ai.

YEREMIA 8:2

Sumpum da na hte lup kau na malai, shanhte a nrut nra ni gaw ga ntsa e namhpun zawn taw nga na mara ai. Shanhte gaw shanhte tsaw ra ai hte daw jau yu nna shanhte bawng ban jahkrup ai hte nawku yu sai ajan, shata hte shagan ni a man e lam da ai hkrum na mara ai.

EZEKELA 29:5

Ngai gaw nang hte hpawn nga ni mahkra hpe zaibru jang e kabai tawn na nngai. Na a hkum gaw dai hku n lup makoi ai sha ga ntsa e taw nga na ra ai. Ngai gaw ntsa malen u ni hte matse labye dusat ni a shahpa a matu dai hpe jaw na nngai.

EZEKELA 35:8

Ngai gaw bum ni hpe si mang ni hte jahpring da nna, majan hta sat kau hkrum sai ni a moi mang ni kawng ni hte hkaraw kadit ni hta hpring nga na mara ai.

YOELA 3:19

“Shanhte gaw Yuda mung hpe gasat nna, dai hta nga ai mara n kap ai masha ni hpe sat kau mu ai majaw, Egutu mung gaw zaibru jang tai mat nna, Edom gaw katsi katsang hten run mat na ra ai.