EZEKELA 32:32 - Jinghpaw Common Language Bible 2009

³² “Ngai gaw asak hkrung ai ni hpe jahkrit shama na matu Egutu hkawhkam hpe shabyin dat ni ai; rai ti mung shi hte shi a hpyen luksuk ni yawng sat kau hkrum nna, matu gadoi n hkam ai hte majan hta si taw nga ai ni hte rau kaleng taw nga na mara ai.” Tsaw Htum ai dai Madu tsun nu ai.

Jinghpaw Hanson Version Bible

³² “Kaning rai nme law, dinghta ga hta e ngai shi hpe hkrithpa shatai timung, Hpara-u hte shi a wunawng wuwa ni yawng, matu gadoi n hkam ai, nhtu hte kadawng si ai ni a ka-ang e kaleng taw nga na mara ai,” nga nna Madu Yehowa tsun ai.

EZEKELA 32:32 ပူးပေါင်းရင်းမြစ်များ

NINGPAWT NINGHPANG 35:5

Yaku hte shi a shadang sha ni pru wa hkyen nga yang, hkrit hpa kaba gaw grup yin na mare masha ni a ntsa e, du pru wa ai majaw, dai masha ni shanhte hpe n hkan shachyut ma ai.

YOBA 31:23

Karai Kasang a ari hpe ngai hkrit ai majaw, dai zawn re ai amu ngai galoi mung galaw lu nngai n rai.

EZEKELA 29:1

Anhte a bawng dung ai shi ning na shata shi a shi lahkawng ya shani e, dai Madu gaw ngai hpe ga shaga wu ai.

EZEKELA 30:1

Dai Madu gaw ngai hpe bai ga shaga wu ai.

EZEKELA 31:1

Anhte bawng dung hkrum ai shi langai ning a shata masum a langai ya shani e, dai Madu ngai hpe ga shaga nga ai.

EZEKELA 32:27

Shanhte gaw katsan ga de hpyen laknak hkum dingnum hte yu hkrat wa nna, shanhte a nhtu ni hpe bunghkum hkum da let shanhte a moi mang ntsa ni hta ninggang ni hte magap da nga ai moi shawng de na share ninghkrin ni zawn shagrau hkam nna lup makoi da hkrum nga ma ai n rai. Ndai share ninghkrin ni gaw asak hkrung nga ai dinghta ga hpe jahkrit shama na matu lang mi daru magam n-gun hpring hkra rawng yu masai.

EZEKELA 32:31

“Ndai zawn majan hta sat kau hkrum sai ni yawng a lam hpe mu mada ai a jaw e, Egutu hkawhkam hte shi a luksuk ni myit shalan ai lu la na mara ai,” nga nna Tsaw Htum ai dai Madu tsun ai.

EZEKELA 33:1

Dai Madu gaw ngai hpe ga shaga wu ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!