EZEKELA 32:30 - Jinghpaw Common Language Bible 2009

³⁰ “Dingdung maga de na hkawhkam kasha ni ngu ai Sidon masha ni yawng mung dai shara hta nga nga ma ai. Shanhte a n-gun atsam hpe lang mi na aten hta hkrit hpa hku shapraw dan lai wa masai; rai ti mung ya chyawm gaw, matu gadoi n hkam ai sha si kaleng taw nga ai ni hte majan hta sat kau hkrum sai ni hte rau nsung hku de yu wa ai hte kaya kahpa sum hkrum nga ma ai. Shanhte gaw katsan ga de yu wa ai ni hte rau kaya kahpa hkrum nga ma ai.

Jinghpaw Hanson Version Bible

³⁰ “Dai yang e, dingdung mung na du salang ni yawng hte hte, kadawng si hkrum ai ni hte rau yu wa ai Sidon masha ni nlang, nga nga ma ai; tinang a n-gun atsam hte shapraw ai hkrithpa majaw, shanhte kaya kahpa hkrum ma ai: nhtu hte kadawng si ai ni hte rau, shanhte matu gadoi n hkam ai, kaleng taw nna, nsung hku de yu wa ai ni hte rau, tinang nan a kaya kahpa hkrum sha ma ai.

EZEKELA 32:30 ပူးပေါင်းရင်းမြစ်များ

YEREMIA 1:15

hpa majaw nga yang, ngai gaw dingdung maga de nga ai masha amyu baw ni yawng sa du na matu shaga dat nngai. Shanhte a hkawhkam ni gaw shanhte a tingnyang ni hpe Yerusalem a chyinghka lam ni hte de a bunghku grup yin hkan e mung, Yuda mung na kaga mare ni a grup yin hkan mung sharawt da na mara ai.

EZEKELA 26:20

Moi chyaloi nhkoi kaw nna nga nga sai ni hte rau nga na matu, ngai nang hpe Katsan ga de shayu kau dat na de ai. Ngai gaw nang hpe si hkrung si htan hte tut e rau hpawng ai dai htani htana hten byak ai shara ngu ai shingran katsi ai ga kata de nga shangun na nngai. De a shabrai gaw, nang galoi mung bai dap wa lu na n rai, nang gaw hkrung nga ai ni a mungdan na shara hpe madu la lu na ndai n rai.

EZEKELA 28:10

Nang gaw karai kata ai tsasam masha ni a lata hta gwi zawn si na rai ndai. Tsaw Htum ai dai Madu ngai nan hkang da ni ai.”

EZEKELA 28:21

“Si chye ai masha wa e, Sidon mare hpe jahpoi u.

EZEKELA 28:23

Ngai gaw nang hpang de ana zinli dat dat nna na a nmaw lam ni hkan sai hka lwi shangun na nngai. Nang gaw man maga shagu de na gasat gala ai hkrum nna na a masha ni mung sat kau hkrum na mara ai. Dai hpang, ngai nan dai Madu rai nga nngai hpe shanhte chye lu na mara ai.”

EZEKELA 38:15

masha amyu baw law law kaw na daru magam n-gun rawng ai hte gumra jawn ai hpyen luksuk kaba hpe woi awn nhtawm tsan ai dingdung maga na a shara kaw na nang du yu wa na lam shatawng shada da nga ndai.

EZEKELA 38:6

Dingdung maga de nga ai Gome hte Bet Togama mung na gasat masha ni yawng mung, kaga masha amyu baw ni hta na hpyen masha law law ni mung, shi hte rau rai ma ai.

EZEKELA 39:2

Ngai shi hpe lam nnan de kayin dat nhtawm, Israela bum ni de shi du sa wa ai aten du hkra, tsan ai dingdung maga kaw nna pru wa ai hte woi awn na ra ai.