EZEKELA 32:3 - Jinghpaw Common Language Bible 2009

³ Masha amyu baw law law ni zup hpawng nga ma yang, nye a sumgawn hte nang hpe ka-up la nna shanhte gaw dai hpe hkin-gau de karawt shapraw da mu ga.

Jinghpaw Hanson Version Bible

³ ‘Madu Yehowa ning nga ai: Amyu baw law law hte hpawn, nye a sumgawn hte ngai nang hpe ka-up nna, shanhte gaw nye a byek hte, nang hpe karawt shapraw na mara ai.

EZEKELA 32:3 ပူးပေါင်းရင်းမြစ်များ

YOBA 7:12

Nang ngai hpe hpa majaw sin nga n ni? Ngai gaw panglai numraw rai nga ai ngu myit nawn da wu ni?

HPAJI NINGLI 9:12

Na a aten du wa nga ai hpe nang galoi mung chye nga ndai n rai. Ntsa malen u ni gaw mahkam hta akajawng sha lu ai hte nga mung sumgawn hta lu ai zawn byin ang ai n hkru ai aten hta anhte n dum shami mahkam hkam hkrum nga ga ai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

SHARUNG SHAYAWT 1:13

“Shi gaw nye a hkum kata hkru na wan hpe ntsa kaw nna shangun dat wu ai. Shi gaw nye a matu mahkam hkam da nu ai hte ngai hpe ga de jahkrat da ni ai. Shi gaw ngai hpe kau da nu ai hte nhtum nni re ai nchyi nmu hta ngai hpe tawn da nu ai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 17:20

Ngai gaw jaugawng wa lang ai mahkam sumgawn hpe hpyan tawn nna dai hta e, shi hpe lu shangun na nngai. Shi gaw ngai hta sadi n dung nga ai majaw, ngai shi hpe Babelon mung de woi wa nna dai mung e shi hpe ari jaw na nngai.

HOSEA 7:12

Rai ti mung shanhte sa wa ai shaloi, ngai gaw sumgawn kahpyan nna ntsa malen u ni hpe zawn shanhte hpe rim la na we ai. Ngai gaw shanhte galaw ai n hkru ai amu a matu ari jaw na nngai.